متابعة حالة اعصار غونو

[دمعة شوق]

لا إله ألا اللـه
؛
الأعـصـار سـرعـتـه للحيـنـه 180 كيلومتر في السـاعـة ؛
ومتـجـه للبـريمــي وراس الـحـد ( مسـنـدم)
وإذا وصـل الإعـصار صحـار بيـقـطعـون الكهربـاء في البـريمــي
؛
الله يـعـدي هالايام على خيـر ؛ ويحـفظ أخوانا المسـلمين
يالله تعـفو عنـا وترحمنا برحمتـــك
؛

الله يـسـر أمورهـم ويعيـنـهـم

[مــهــابه]

يـعني فـي احـتمـال يـكون صوب العـين؟!
بحـكم انه البريمي جريبه من العين ولا؟

[بوزايد]

هي


الله يعين المسلمين كلهم

[مــهــابه]

متـوكليـن علـى الله

وقـل لن يصيبـنا إلا ماكـتب الله لنـا

[أمطار]

الاعصار نفسه ما بيي العين لكن في اشد الحالات بتوصل تبعاته "آثاره"

[شوق القلوب]

السلام عليكم..

والله استوينا ضايعين .. ما انعرف شي عن اخباره..

[دمعة شوق]

المفروض قناة من قنواتنـا اطمـنـا يقولون شـي يتبعونه جويـا ً
نفس عمـان ؛ هب جيه انتم على عمانا ولا نعـرف شـي
نحن الأخـبـار نسمعهن من قناة عمــان
أما قـنواتـنـا ولا شــي اللهم بس الشـارجـة

؛؛
الله يـعـينا العيـن بيـها بس اثـاره يعـني أمطار وريـاح
طبـعا ً ماشي بحــر

[الهيثــم]

الله يستـــر
والله يعيـــنا ويعييــن اهل عمان
ويعييــن المسلميــن فـ كل مكـان

[طير الحب]

كلكلوش طرشت لك الارقام عالخاص...ان شاء الله يعدي كل شيء على خير...الله يرحمنا برحمته

[كـلـكـلـووش]

وصلتني الارقام .. باجر بتصل و بشوف .. تسلمين و ما تقصرين

اختي دمعة شوق .. القناه الوحيده اللي كانت متابعه هي قناة الشارجه .. يزاهم الله كل خير .. وجهوو الاهالي في المناطق المتضرره و كانو متابعين لحالة الاعصار

الاعصار علميا مش ممكن يمر على الدولة مثل ما ذكرو الخبراء .. لكن ارادة ربك كبيره .. و مثل ما قالو ان العلم قدر يعرف كل شي عن الاعاصير .. كيف تكونت و متى ببتكون و إلخ .. إلا مسارها .. ممكن يتغير في اي لحظه ..

و هم بعد مثل ما عرفت ان الاعصار تخف قوته في المناطق اللي تتواجد فيها الرطوبه .. و السبب اللي خلا الاعصار تخف قوته هي الرطوبه الموجوده عندنا في الدوله .. سبحان الله .. و عسى ان كرهو شيئا و هو خير لكم ..

و الله يعين اهالي عمان ..

[ألم ترى]

بسم الله الرحمن الرحيم ..

شو ماشيء قناة غير الشارجه لجل تنقل لنا اخبار الأعصار ! ..

ع العموم ف راك مطر خفيف والجو مغبر ..

الله يحفظنا بحفظه ..

[نجمة دبي]

السلام عليكم
و
صباح الخير

اليوم في دبي الجو مغبر + غيوم في الصباح الباكر

ربي يحفظنا

[حركات]

صدق راك كلها اغبار وهواا وايد

مادري اذا طاح مطر بس الحين شمس
الله يحفظنا

[العجيبة]

لا حول ولا قوة الا بالله ..

لين الحين 12 وفاة ..

يارب ارحمهم ..

شي يحز في الخــاطــر .. عمااان كلهـا رااااحـت :(

[قرموشة]

^
هيــه والله !
الله يرحمـهم برحمتـــه ..
كـيف البيوت والسيــايير والشيــر !! .. كـله في صوب والوديـان اللي تمر ع المناطق السكنـيه والشوارع الرئيـسـه في صـوب ..
الله يعينـــهـم على ما صابهـم