السلام عليكم ..

"وحي القلم"

أنا متابع للموضوع من بدايـة الطرح بس طبعا ماحبيـت أرد لأن ماعندي معلومات دقيقـه عنه بس دام
توهقت قلت برد بشكل مبسط عن رايي واللي أنا أشوفه هو إن الفراسه موهبه
موجوده في الانسان مثلها مثل باقي المواهب
يكتشفها الانسان في
نفسه وأما إنه ينميهـا ويطورها أو يخليها مثل ماهي وطبعـا هي خلط مابين الإدراك الحسـي والمعنوي
والعقلي وتقوم على مبدأ أخذ المعطيات من الحواس الخمس ثم الاستدلال
والاستنتاج ولكن التعرف على المنبهات وفك
شفراتها بدقه يكون
على حسب قوة الفراسـه اللي هي بالاساس مرتبطـه بقوة الايمـان بعلاقه طرديه يعني كلما زادت قـوة
الايمان زادت قوة الفراسه والعكس صحيح أما بخصوص الاسئله فـ السؤال
الاول إجابته إن العلم كـ دراسه هو علم كل حد
يقدر يدرسه مثله مثل باقي
العلوم وحتى لوكان صعب بس كصفه أو حدس مب كل حد يقدر يتحلى فيه حتى لو كان خبير لأن هالشي
بالاساس مرتبط بالروحانيات قبل العقل وغيره والسؤال الثاني أظن جاوبت
عليه في سياق الحديث وهو إن الفراسه ماتكون
مكتسبه بس ممكن تكون
ضعيفه والشخص يقويهـا مع ممارساته وقرايته ومحاولاتـه وشرط أساسي الايمـان وطبعا أحس قوة
ملاحظة الشخص تدخل بعد ضمن قوة الفراسه عنده يعني في ناس في الجانب
هذا ماتتخيلون كيف عندهم بديهيه بشكل رهيب
ودقة في الملاحظة


انزين الاسطوري عنده موضوع ثاني مادري من وين يايبنه وأحسه أقوى من الفراسه وهو الشخص
اللي تكون عنده طاقه ويقدر يحرك الاشياء بقوة النظر يعني بعيونه يشوف
الشي ويحركه من مكانه ؟ ترا هااا صدق
مب تتحرونه فلم هندي


الاســـطـــوري
أخوكم