علم الفراسة

[أنامل قلب]

اممم .. موضوع جاذب ..

:

أذكر ان خذنا قبل .. بأيام المدرسه .. قبل يعني لمن كنت بالمدرسه .. !
خذنا ان علم الفراسه تميز ابها بعض الصحابه .. بالأخص واللي خذناه تحديدا .. أمثال أبو بكر وعمر بن الخطاب رضي الله عنهم ..
ومر علي مره ان مب أي أحد نوصفه بإنه متميز بالفراسه .. يعني للفراسه أسباب مرتبطه بالدين أظني ..
كالايمان القوي والابتعاد عن المعاصي والصدق والاخلاص وصلاح العبد وقلبه والخ ..
ومن جي احتمال وجود المتميز بهذي السمه بزمنا الحالي نادر جدا ..
ممكن يكون الشخص ملم ببعض النقاط النفسية .. كالنظرات .. الحركات .. وما يخص علم الفلك وصفات مواليد كل شهر ..
أو إنه يكون صاحب عقلية واعيه وتركيز دقيق ومحب لتحليل الشخصيات والخ ..
لكنه أكيد ما بيصيب بكل مره .. وما بيكون شرات المعنى المندرج تحت مفهوم الفراسه ..

ووووو كنت حابه أعرض قصة لعمر بن الخطاب يخص موضوع علم الفراسه .. بس للأسف ما اذكر القصه عدل ..
يعني أشيا تكون عميقه جدا .. وتثير العجب فعلا ..
وماترتبط بتحليل الشخصيات وحسب .. بالعكس يكون متعمق بدرجة أكبر ..
وممكن يوصل للتنبؤ لأمور قد تحدث مستقبلا .. (( مب علم بالغيب طبعا ولكنه ـ ظن ـ غالبا ما يصيب .. ان لم يكن دائما .. !! ))
ولا يعلم الغيب سواه .. جل شأنه ..

عزيزتي وحي القلم ..
ان شاء الله إذا لقينا لج كتب بخصوص هالموضوع ترى ما بنقصر ..

:

وجل الشكر لهذا الطرح القيم خيتو..
يزاج الرحمن عنا كل خير على تطرقج لمثل هالموضوع اللي كان ولازال يمر علينا لبث العجب والحيره بنفوسنا ..

:

كل الود عنوني ..
والسموحه .. !!