السلام عليكم و رحمة الله و بركاته
أول بادي.. سامحوني إذا ما كان هذا المكان المناسب لموضوعي
لاني ما عرفت وين أنزله بالضبط
.
.
صادفني موقف من مده خذ (( حيز )) من تفكيري و ذكرني بموقف استوالي قبل مده
.
.
الموقف الأول :
وحده .. كان لقائي وياها لمدة يوم واحد بس
عقب ما طاف الوقت و قبل ما تروح قالت :
لحظه.. أبغي أقول لكم شي
سكتت شوي و عقب كملت
بقول لكم اللى لاحظته فشخصياتكم
فلانه.. انتي شخصيتج عاديه لكنج غامظه
و كملت تحليلها لشخصية البنيه
.
.
و الموقف الثاني.. اني كنت سايره معرض و وقفت أشوف الكتب و البنت اللى تبيع
عرفت الشهر اللى انودلت فيه
و هي ما تعرفني و لا أعرفها
.
.
اللى لفتني انه شقايل قدروا يعرفون شخصيتي و شخصية البنيه اللى كانت ويايه و هم اول مره يشوفونا
و انا اللى وياها من مادري كمن سنه ما جد حاولت أحلل شخصيتها
و أصلا لو حتى حللت .. فـ متأكده انه توقعاتي بتكون غلط
لانها مب مبنيه على أساس " صحيح "
يعني ماعرف هم كيف يقدرون يعرفون أطباع الشخص من النظر و التعامل وياه
و لو حتى كان تعاملهم سطحي
.
.
فــ بديت أدور عالانترنت عن الشخصيات و كيف نقدر نحللها
بس كل الأشيا اللى ظهرن لي كانن >>
.
.
يعني مثلا :
اختبار جاهز.. أجاوب على الأسئلة و أعرف شخصيتي
ولا مواضيع من هالنوع :
كيف تحلل شخصية الفرد من خلال فاكهته المفضله
ولا من خلال تاريخ ميلاده .. اسمه .. الألوان المفضله لديه
و الصراحه ما اقتنعت بشي من اللى قريته
.
.
فـ قلت بنزل هالموضوع
عشان تساعدوني اني أعرف السر
.
.
و بعد .. يا ليت اللى يعرف يقول لي اللى عنده عن هالموضوع
ولا يعطيني أسامي كتب ممكن انها تفيدني
و عندي سؤال أخير بعد لو سمحتوا
اللى تكلمت عنه يسمونه علم الفراسه ولا شي فرق بينهم ..؟
.
.
و السموحه
وحي القلم
رد مع اقتباس
مواقع النشر (المفضلة)