شرجاوي،، ذنيني يبا يشاورك

[ذنـيـنـي]

بدور هني و هناك عن شي مستعمل و زين
و اذا حصلت شي ان شاء الله بتكون اول واحد اشاوره

بنت ناس و عرب

ليسن الدراجة آخر شي افكر فيه
لأني اصلا مب ناوي عليه p=

[مايهزك ريح]

ما انصحك ذنيني .. اخوي العود توه بايع دراجة ..

يقول صح توصل بسرعة .. بس في الزحمة ما يروم يمشي وايد (اكثر شي 60 )..
كمن مرة بغا يروح فيها ..الله سلمه

وساعات ما يشوفونك ويلفون عليك .. اتبهدل .. وايد ..آخر شي اقتنع يرد على الموتر ..

وهاي ثاني دراجة يشتريها .. وكل مرة يشتري .. ويرد ايبيع بخسار لأنه ما منها فايده وموب امان ..

وبالتوفيق عزيزي


CBR 600

[ملاك الروووح]

::

عاش راعي الهارلي ..



:

أشكر حياتك ذنيني على هالفكره ..

والله أنا سمعت عن هذا اللي يداوم في اتصالات بدراجه ..

وعيبتني الفكره وايد ..

لكن المشكله انها مش سيفتي ..

أحس خطره سواقتها ..!

:

ولد عمي كان عنده هارلي .. بس باعها من فتره ..

لكن بصراحه عجييييييييييييييييييييييي به .. طرررررررررر

أتخيل شكلك راعي الفراري وانت اتسوقها ..

وخاصه مع الهلمت واليلد الاسود .. شي بصراحه ..

سااااااااامت

:

أنا أقولك توكل على الله وخذ الدراجه ..

لا تخلي شي ف خاطرك .. الواحد كم بيعيش ..



::

اذا تبا بسأل لك ولد عمي عن دراجته ..



وعن قطع غيارها وجيه ..

ولا خلاص هونت

[ذنـيـنـي]

ما يهزك ريح

والله ما اعرف شو اقولك، ادري انها خطره و محد يسويلك سالفة لكنها تنفع حق التخشيش من بين المواتر و خاصة صوب الشارجة الي تلوع بالجبد من زحمتها


ملاك الروووح

أسألي أسألي

ما نقول لا
ناخذ جميع الاراء و المقترحات

[ملاك الروووح]

:

خلاص ان شاءالله بتصل فيه اليوم وبسأله ..



بس أحس شبهة .. بيقولي حق شو تبين تعرفين عن الدراجه

لووووووووووول

:

الله يعينك عالزحمه بصراحه ..

واذا بتداوم من عيمان .. لازم تظهر من البيت من وقت ..

عشان ما تعلق في الزحمه ..

[ألم ترى]

نصوركا انت سألت والريال رد عليك
لكنك عنييييييييييد ونسيا حبتين
اكيد تذكرت احم احم لووووول

ربي يوفقك ويسر امورك
قول اميييين انزييين !

[مجموعة إنسان]

شرااايك تاخذ بو شراااااااع ...
حلوة ورخيصة وقطع غيارها حلوة( أحلام فقارى)

[ذنـيـنـي]

ألم ترى

آآآميييييين
لول

هواجيس مشتاق
والله حصلت بو شراع زقرررررت من سوزاكي
مكينته 400 سي سي لول
و شكله فخخخخخخخخممممم
و سعره 22 الف

[دمعة شوق]

كلكلوش
ههيهيهيههيههييهيهيهيهي مسكين حاله
؛؛

ذنيني
أشـكـــــرك ياخوي
فكرتـك عجـيـبه
بس نفس ماقالوا المشكله انها خطره يعني سلامتها هب ذاك الزود
أبرك انك اتم في الزحمه ولا تخاطر بعمــرك
؛؛

بس يالله جذي ولا جذاك الله يوفقـك

[طير الحب]

ربي يحفظك...فكرة حلوة والله استانس عالناس العمليين بس وايد اخاف من هالدرجات انت مقتنع انك تقدر تكون بأمان وانت تسوقها...انا ريلي مستحيل اخليه يسوق هالنوع احس ما منه امان...ربي يحفظك

[عيون الليل]

بالتوفيـــج . . ولو أنه الدراجات خطره وبالذات مع هاييلا العالم الي ما ايعرفون يسوقون ف الشارع . .

خلك ع السياره . .

[العجيبة]

خلـك عالسيارة أحسن ..

ولو أمي تعرفك بتوديك قسم العظام في المستشفيات .. وبتييب لك نسخ من مركز الشرطة لسوالف رعاة الدراجات وحوادثهم لوول عشان تتعظ !!

[الثعلب الرمادي]

السلام عليكم ...

اتمنى ردي ما يكون متأخر بس

فكرة الدراجة النارية ممتازة جدا لكن إذا كنت مبتدىء من هالناحية فحط فبالك انك ممكن اطيح الدراجة اكثر من مرة و هالشي طبيعي و يصير لكل المبتدئين و حتى للمتقدمين فلو صار هالشي مع دراجة غالية مثل السوزوكي هيابوزا فلك ان تتخيل كم راح تكون اسعار قطع الغيار و جسم الدراجة الوكالة اللي بيتأثر

شركات التأمين ما ترحم في حالة شخص مبتدىء مع دراجة سعة محركها كبيرة و رياضية فتوقع مبلغ كبير تدفعه من هالناحية

اذا كانت الشوارع صدق زحمة فدراجة من الفئة الرياضية و بمحرك كبير انا اشوف انه اسوء حل ممكن ان الواحد يفكر فيه خاصة اذا كان الجو حار و الرطوبة مرتفعة يكفي بس تتخيل نفسك فعز الحر و راكب احلى هيابوزا و تفكر باشياء وااااايد و تفتح الاشارة و معاها تفتح الريس كامل و تسوي الويلي و هالشي يصير

دراجة الهارلي حلوة و مريحة لكنها مب دراجة الواحد يداوم فيها اكثر من انها دراجة رحلات و حواطة في الليل و ما اضني تنفع في المدن اللي فيها اختناقات مرورية و مشكلة الغولدن ونج إنها دراجة قومتها بطيئة جدا و بعدين تسرع و قيادتها مب سهلة ابدا و اذا طاحت فعلا الدنيا السلام

فنصيحتي بدراجة مستعملة من الفئة المتوسطة كبداية اداوم فيها سنة و شوي و بعدين تبيعها و تغيير للموديل اللي يعجبك و بالتوفيق

[الثعلب الرمادي]

ألم ترى

آآآميييييين
لول

هواجيس مشتاق
والله حصلت بو شراع زقرررررت من سوزاكي
مكينته 400 سي سي لول
و شكله فخخخخخخخخممممم
و سعره 22 الف

ردي متأخر عيل

ألف مبروك أخوي ذنيني و بالتوفيق

[ذنـيـنـي]

لا يا خوويه بعدني ما خذت شي

بس الاخ مجموعة انسان "هواجيس مشتاق" يقولي خذ بو شراع "سكوتر" و انا اقوله اني محصل واحد في الوكالة بهالسعر