الســــلام عليكم
يمكن "الفصحى" فيها مفردات أفضل لإستيعاب "غضبي" لكني أفضل استخدامها في أمور أجمل وأفضل
على كل حال مب "الفصحى" موضوعي ولا "غضبي" هو موضوعي!!
تقدرون اتقولون عني متفلسف شوي وتقدرون اتقولون عني غامض شوي وتقدرون بنفس الوقت تشرحون لي الفرق بين "الغضب" و "اللا غضب".
وببساطة بيطلع لي واحد وبيقول لي الفرق بسيط.. الأول "
امعصب" والثاني "
مب امعصب" !!
بعدني أتفلسف صح؟
إنزين شو الفرق بين "الفلسفه" و "اللا فلسفه" ؟
بعد بسيطه... الأولى "
صاحبها يتكلم ومب عارف عن شو يتكلم" والثاني "
صاحبها يتكلم وفاهم كل كلمة يقولها".... الحين صح؟
مب مشكله، خلوه يعصب وخلوه يتفلسف وخلوه يكون غامض وخلوه يطير بالفصحى من غصن لغصن بس لا يحل فوق غصني ويستغل كرمي وطيبتي وأوراقي البيضه ويعطيني من يد ويقطفني من يد وينسى إن
المذله تحرق قلوب صافية مثل ما تحرق النار الأوراق البيضا..
خيبه خيبه كله هذا هو: لا,لا بس اللي تحته خط
على كل حال. خلوووه يعصب وخلوه يتفلسف وخلوه يكون غامض وخلوه يطير بالفصحى من غصن لغصب وفوق كل هذا كلللللللله خلووه يذل بس لا ينسى إن العـــــود يكون طيـّـب لما يحترق مره وحده، لكن إذا احترق مرتين مستحيل إنه يرجع مثل أول.
وللأسف أرجع وأقول, مب هذا موضوعي ولا هذا أسلوبي مع إنه سهل!!
على كل حال، أنا مب زعلان من أحد والحمدلله، والمهم إن صاحبنا ما يزعل علينا عسب ما يذلنا مره ثانيه لأنه مشكلته إذا عصّــب ذل، مع إني ما أعرف ليش صاحبنا زعلان مني!!
كل السالفه إني اتصل فيه من سنه يــدي الله يرحمه وهو امسوي لأخوكم أكبر غلام طــــاف
من يدري؟
يمكن عنده ظروف، بس ما عنده رسايل يطرشها لي
شكـــــرا،، :(
إنزين شو الفرق بين "شكرا" و "لا شكرا" ؟
كلمة للأعضاء: أشتقت لكم كلكم والله إلا واحد نذل
مواقع النشر (المفضلة)