نظام التعرفه المروريه..هل انتم مع أم ضد؟؟

[بنوتة جميرا]

السلام عليكم ورحمه الله وبركاته

اشحااالكم؟؟

دبي اصبحت لا تطااااااق من الزحمه
الواحد ماقام يحب الظهرات من الزحمه
مشوار ربع ساعه الحين ناخذه بالساعات
وكله من الزحمه
هل انتو معاي في هالشي؟؟والا انا بس اشوف انها وااايد زحمه

سؤال ودي الاقي له جواب
منو هم سبب الزحمه في بلادنا؟؟
مب هم الوافدين
كل من هب ودب قام ايي البلاد
كل من هب ودب لو سيارته مكحكحه<<يعني جديييييييييييمه يجددونها عادي
والله سيايير في الشوارع ماعرف مال اي سنه يمكن 1970 يصير والله

اتعرفون كم عدد السكان في الامارات؟؟!!
قريت اليوم في الجريده
يبلغ اجمالي السكان في الامارات 4,1 ملايين نسمه
وتعرفون نحن المواطنين كم انمثل منها؟؟!!
انمثل بس 20% من هذا الاجمالي
شكلنا بننقرض في بلادنا

المهم نرجع لموضوعنا
دولتنا الحبيبه قامت عسب اتحط حل وتوقف من الزحمه
اكيد كلنا سامعين بنظام التعرفه المروريه
اللي دبي حطته عسب اتخف الزحمه
طبعا كل واحد منا يوم سمع بالخبر هذا شق الحلق وقال واخيرا الزحمه بتخف
وانا منهم قلت واخيرا بنروم نظهر شرات الاوادم والزحمه ما بطفربنا
وشو يعني 4 دراهم كل مره عسب التعرفه
بس خلوا في بالكم 4 على 4 على 4 ...... في الشهر بتوصل 800 او 1000 ويمكن اكثر بعد

سألتوا عماركم منو اللي بيدفع هالتعرفه ؟؟؟!!!
اكيد المواطن 100%بيدفعهم
وطبعا اغلب الوافدين في المؤسسات الخاصه وغيرها شرات ما يعطونهم بطاقات البترول
بيدفعون عنهم هذي التعرفه
يعني هم مب متأثرين وبيمرون ع هالشوارع عادي لان مب هم اللي بيدفعون
وعلى هالنظام الكثير من المواطنين بيدورون طرق ثانيه بديله ماتتبع هالنظام

انزين ابغي اعرف
هل انتو مع او ضد هالنظام؟؟وليش طبعا؟؟
هل في اعتقادكم هالنظام بيخف من الزحمه؟؟
وهل نحن كمواطنين بنتأثر بهالنظام وبنحس بفرق؟؟
والا هالنظام بيشمل المواطنين بس؟؟والوافدين متعززين وتندفع عنهم التعرفه؟؟

ودي اشوف تفاعلكم وابداء آراءكم تجاه هالموضوع

اختكم.. بنوتة جميرا ..

[رويان]

أكيد مع هالنظام.. لانه وسيلة عشان تخفف الزحمة..
امم اتوقع ايه.. راح تخف الزحمة لان المواطن ما تفرق معاه الـ 4 دراهم.. لكن الوافد يوفرها و يحاتيها بالتالي راح يزحفون كلهم للمكتوم و يخلولنا القرهود..
اممممم لما بتخف الزحمة بتحسين بالفرق..
يشمل الكل عزيزتي.. :)



روي

[عديم الشوق]

تسلمين اختي بنوته ع ها الموضوع ^__^

والله الزحمه امسويه ازمه للناس محد يقدر يطلع

مللينا من هاي الزحمه

متى بيخلص الميترووووووو!!!!

خخخخخخخخخخخخخخخخ

بس نظام ال 4 دراهم وايد زين

خله ياخذوون 10 بعد خخخخخخخ

بس نفتك من الهنوووووووووود

-____- شوهاااا!!!!!

و السموحـــــــــــه ^_^

[شرجاوي]

الزحمه اللي ع جسر القرهود حدها 10 دقايق و تعدونها .. انا ضد هالنظام

[مجموعة إنسان]

مثلا انا ساكن بوظبي .. وعندي دجوام عالصيييف في دبي
يعني كم بدفع !!!!

اوكي واللي بيسييير الشمالية بعد بيدفع ؟؟.

[شرجاوي]

الغالي هن بوابتين .. بوابه عند موول الامارات و البوابه الثانيه على جسر القرهود . كل بوابه 4 دراهم ..

لو هالنظام ( زين ) جان محمد الزفين ما اعترض عليه .. و طالعين لنا طلعه يديده بعد .. محد يمشي اقل عن 60 عالخطوط .. يعني اللي ينجبر يوقف ( موتره اخترب ولا يباله تبديل تاير و و و و ) بيضطر انه يدفع مخالفه لوقفته هذي .. قرارات غبيه و كل تفكيرهم المكسب المادي دون مراعاة ( جيوب ) الناس .. الله يعين

[صريح]

صدق احس هالنظام ما بينفع بالعكس بيزيد الزحمه

اكبر شارعين في دبي شارع الشيخ زايد و شارع الامارات
اذا قلنا الناس ما بيستخدمون شارع الشيخ زايد عشان الـ 4 فالسيره و الرده
ما اتخيل شو بيتسوي بشارع الامارات اخاف زحمة الصبح تووصل حدود ام قيوين

الله يعيين اذا صار هالشي

ما درسوا النظام عدل .. و اذا حد قالهم شو فايده النظام قالو
والله في اوروبا يستخدمون هالنظام و ناجح
يوم استخدموا هالنظام هناك عندهم بدل الشارع الواحد 10 غيره
يعني لو خلوو شارع ولا شارعين بفلوس الحركه مب بتتأثر لانه شي شوارع بديله
بعكس بلادنا اللي شوارعها تخطيتها مب سليم ابدا



صدقك شرجااوي

اذا مشيت 60 بيخالفونك
و اذا مشيت 200 و فوق بيخالفونك و بيحجزون الموتر
عقب سيير عن فلان و علان عسب يطلعون الموتر
واذا طلعلك رائد نحس انسى السالفه ههههه


رويان

اختي منو قال انه المواطن ما تهمه الـ 4 دراهم ؟
مش كل المواطنين اغنياء عسب ما تهمهم الاربع

عوايل (الريال و الحرمه و عيالهم) اتعيش على 4000 و الـ 5000 فالشهر
تتوقعين اذا دفعوا 1000 على الشوارع حياتهم ما بتتأثر ؟

[زمان أول]

مرحبا اختي بنوته

بدال ما تكون البطاقه سالك بتكون عالق

ليش اولا

الدول الثانيه يوم طبقت هالنظام البنيه التحيه عندها جاهزه ياما مترو او قيطار او شوارع ثانيه

نحن المترو ما خلص ويبون يدفعون الناس يعني مافي بديل ولو في البدائل قليله

مثلا بنكوك سوت نظام الدفع الهاي ويي جسور فوق الشوارع العاديه الشوارع الي تحت ببلاش والي فوق بفلوس....

ثانيا ...

من هب ودب قام يشتري سياره امس شباب عندنا ماخذين سياره من سنه الف وتسعميه وحطبه مثل ما نقول جديمه يعني الي بيلس فيها بتيه سكته قلبيه ... وتصدقون انهم املكينها والله شو الحاله ... يبونها حق اللعب اونهم خلصو الامتحانات والصيف ياي ...

وفروا البدائل ومن ثم سوو هالنظام ... صدقوني بيستوي عالق وبذكركم بعد....

والي ياي يشتغل قالكافتيريا حق شو يطلع ليسن هذا في فيزته كافتيريا يعني فالمطبخه وبس حق شو يعطونه ليسن المفروض وزاره العمل اطلع قوانين حق هالشي والا وزيرهم من يا فرحان كل يوم يطلعلنا شي جوفوني انا اطور .... ركز ع الشي المهم وعقب الباقي ....

الله يكون فالعون

[بنوتة جميرا]

رويان
منو خبرج ان المواطن ما تفرق معاه؟؟!
اكيد بتفرق معاه يوم في الشهر بيروح 800 او 1000 ويمكن اكثر من راتبه ع هالنظام
واللي ما بتفرق معاهم اكيد الوافدين اللي تندفع عنهم هالتعرفه شرات البترول وغيره

شكرا ع مشاركتج

[بنوتة جميرا]

عديم الشوق
لو خلوه بـ10
فكرت بنفسك بس لو انت اتروم تدفعهن غيرك لا
واللي كل يوم في دربه لازم يمر ع الشيخ زايد شو بيسوي يعني؟؟!!كم بيدفع؟؟!
طار الراتب ع التعرفه المروريه
نظام ابد مب مدروس

شكرا اخوي ع المشاركه

[بنوتة جميرا]

شرجاوي
زحمه جسر القرهود10 دقايق ونعديها؟!!
ماظن
صح ان الزحمه مأرفتنا وصدق قهر والواحد نفسيته تتعب من الزحمه
بس حلها مب بالتعرفه في بلادنا

شكرا اخوي ع مشاركتك

[بنوتة جميرا]

هواجيس مشتاق
لو تموا ع هالنظام وطبقوه
الله يعين

[بنوتة جميرا]

صريح
دولتنا تبغى اتماشي الدول الاوروبيه في التطور وكل شي
اكيد كل واحد منا زاير دوله اوروبيه
هناك ما عندهم كل هالسياييراللي في بلادنا
العايله الوحده لو كثرت عندها سيارتين
ونحن هني ما شاء الله

الدول الاوروبيه عندهم واااايد شوارع مثل ما قلت
يعني لو شارعين بفلوس ما بيأثر

شكرا اخوي ع المشاركه

[بنوتة جميرا]

البدوي
صدقت ما خلصوا القطار ويبون يدفعونا
وبعدين منو اللي بيركب القطار غير الهنود

هالشباب بعدهم ما اصطلبوا
سيايير عسب اللعب
هالكثر قصص وشباب يتوفون بسبه هالاشيا
بس محد يتعض
الله يهدي الجميع

شكرا ع مشاركتك اخوي

[جنة عدن]

حبيبتي تسلمي على الموضوع الحلو
الزحمة صايرة في كل مكان حتى في قلوبنا
تسلمي يا احلى بنوتة في الكون
وشكرا لاحلى مواضيع