نظام التعرفه المروريه..هل انتم مع أم ضد؟؟

[بنوتة جميرا]

جنه عدن
ربي يسلمج يالغلا
عندكم زحمه مروريه في الجزائر؟؟

[جنة عدن]

اكيد يا حلوة الزحمة وين بتروحين
بس بالمدن الكبيرةبس
وين انا عايشة مفيش
ومبعرفش الزحمة الاعبر التلفزيون الله يعينكم حبيبتي

[بنوتة جميرا]

جنه عدن
الله يعين الجميع

[لبن مثلج]

السلام عليكم

موضوعج واااايد حلو ومهم ،، لكن شو الفايدة من الكلام

قلتلكم رشحوا واحد من الواحات حق المجلس الوطني

المهم ... انا ضد هالقرار ... احس السالفه مب سالفة زحمة ,, السالفة سالفة بيزات (يعني الحكومة قاعدة تفرض ضرائب وتبا دخل مادي) هذا راي

ثانيا:: الزحمة مابتخف ،، لان الوافدين يالسين يطيحون من السما علينا مثل المطر (يريت عندنا مطر) الله يسقينا ان شاءالله .. ولاتنسون الاستثمارات والمشاريع اللي مالها نهايه في دبي ،،، وحبايبنا الهنود بيزيد عددهم لان الحكومه موجهتلهم دعوة خاصة للاستثمار في دبي... والله المستعان

وفي النهاية المواطن هو الضحية .. يدفع المخالفات ويتحمل سعر البترول وايجار البيت وغيره من المصاريف الي يالسه اتزيد يوم عن يوم وهو في بلاده ؟؟؟؟

ومساكين اللي يداومون في ديره وهم من بردبي والعكس ،، والا الي يودون عيالهم المدارس والا اللي يسيرون عند اهاليهم في البر الثاني او العكس .... ومع الايام بيسون الجسور الثانية بالتعرفة .. وبعدها الانفاق ... ماشي الا نسوق سياكل (لا بترول ولا تعرفة ولا ماتعرفه )

وصدق محد متهني في هالبلاد غير الوافدين كل شي ابلاش ،، وقاموا يتصرفون وجنهم اهل البلاد

ومع السلامه

[بنوتة جميرا]

لبن مثلج
اكيد السالفه سالفه فلوس
ويطلعونها من جبد المواطن<<حليله
وع قولتج الوافدين يطيحون من السما شرات المطر
والله وااااااااااااايدين واااااااااااااااااااايدين
والله في بلادنا احس نحن الغرب وهم اهل البلاد

محد مبتلش غير المواطن

مشكوره ع مشاركتج الغلا

[العجيبة]

تراهم قالـوا .. يبـون مصادر دخـل ثانيـة غير النفـط ..
والحمدلله الحين مب هامنهم إذا النفط خلص أو لا ..
مصـادر الدخـل البديلـة قـوية جدا وترفع اقتصـاد البلاد بشكل كبير .. والله يخلي جيـوبنـا


أنا أنصح بتغيير وجهة الحواطة من دبي إلى الغربية .. أو الاكتفاء الذاتي بأبوظبي والعين خخخ

[بنوتة جميرا]

العجيبه
والله هالفكره يت في بالي
اقول لابويه شو رايك انسير نسكن في العين والا صوب الفجيره
بس مصالحنا كلها بتتعطل جي
الجامعات والمدارس والاشغال
الله يعين

شكرا الغلا ع المشاركه

[رويان]

يمكن بالغت لما قلت ان الـ 4 دراهم ما تفرق ؟!!!
فالمعذرة.. !!!

اللي مستغربة منه ان على كل اللي مسوينه البعض يشكك في نزاهة الحكومة و يعتقد انها محتاجة الـ 4 دراهم المفروضة على الطريج ؟

يا جماعة في ناس قاعدة تفكر و تخطط و تفتح شوارع جديدة بمليارات و ما خذت و ما فرضت على المواطن انه يساعدها أو يحط شي من راتبه..

و اللي نفخ الروح في اعز الخلايق.. اني على ما رجعت للموضوع صرت استخدم الخليج التجاري و كل ما امر افكر كيف و متى و كم كلف.. رغم اني عانيت لان البداية كانت غلطة بعد محطة الامارات.. و صار الطريج عادة لانه اقرب لي.. !

و مع ذلك مستانسة على سالك وملزقتها و احس انها " شي حضاري " نحتاجة عشان نتنفس..


خلونا ننتظر 05/07/07 و نشوف
على كل..وجهة نظر و المعذرة !

روي

[بنوتة جميرا]

رويان
لج رايج

[شرجاوي]

بنوتة جميرا ... يوميا امر على جسر القرهود و تقدرين تقولين ف كل الاوقات ... مثل ما قلت لج 10 دقايق بالكثير ... الظاهر مافيج صبر

[بنوتة جميرا]

شرجاوي
انا صدق ما فيني صبر
بس والله كم مره اكون ع جسر القرهود
الزحمه تاخذ مني اكثر من 10 دقايق
لو 10 دقايق بسكت ما بقول شي

شكرا مره ثانيه

[خيال الحب]

صدق قهررر..


انا اقول لو نحن الاماراتين يودوناا جزيره ثانيه نقعد فيهااا احسن لنااا .. اشووف حقوقنااا مهضومه بالبلاد..

عيل الي عنده شقه بشارع الشيخ زايد .. هاا لازم ما يطلع من شقته

الله المستعاااان


اخوي الشرجاووي .. بس على ايام المهرجان كم دقيقه توقف عند القرهود @__@

والله اني مقهوور من الخااااطررر من الي يستوي بالبلاد.. ونحن مب قادرين نحرك شعره :((((

[بنوتة جميرا]

خيال الحب
فكره حلوة<<جزيره والله لو كانت صغيره بتكفي المواطنين

المشكله لو هالنظام بيسوي شي ماعليه
بس مافي شي بيتغير
هالنظام اللي بيدفعون له المواطنين
وشرات ما قلت قبل الوافدين بتندفع عنهم هالتعرفه شرات ما تندفع عنهم اشيا ثانيه

الله المستعان

مشكور ياخوي ع المشاركه

[المزوحي]

ضد وإلا مع

ماشي فايده

لأنه الوافدين بيدفعون ونحن مابنقدر

يعني الجسر الفاضي حقهم ونحن بنسير صوووب الزحمة ...

شوفي رواتبهم

همم مب حسد

لكن هذا الواقع

[بنوتة جميرا]

صدقت يالمزوحي
الوافدين لهم امتيازات غير رواتبهم العاليه
اما المواطنين عايشين ع رواتبهم
واللي في هالوقت لا اتودي ولا اتيب

شكرا ياخوي ع المشاركه