اممم .. السلام عليكم ..
مسرع مارجعنا .. ^_^ ..
:
المهم .. صدقج هذي السالفه وايد منتشره الحينه ..
يعني ان العلاقه بين البنت والبنت تخترق حد الطبيعه ..
محد قال ان البنت ماتنعجب ابـ بنت .. لأن بطبيعة الحال نحن نعجب بالشخص كمعدن .. وليس قالب لا معنى له هنا .. !
عندج مثلا المدارس .. وكيف صارت هالسوالف موضه واللي سبق لبق >> شو يخصه مادري
مابقول ان الكل يوصل للمستوى اللي تقصدينه .. لكن الغريب ان حتى الملتزمات عندهم هالموضوع عادي ..
وهو عادي .. مجرد وحده معجبه فيني .. خير ياطير ..
مواقف ..
مره وحده ( اجتماعية وتحب تتعرف بزود ) تقولي ان الوحده قامت تخاف تتعرف عساس ما يقطون عليها حجي الاعجاب .. !
وفعلا تعرضت البنت لمواقف لا تحسد عليها ..
موقف ثاني ..
مره كنت رايحه العب اسكايت بالليجر لاند ( قبل ) ووحده يت وتعرفت علي .. وعادي يعني تصير وايد ..
تمينا بين السين والجيم .. وطبعا السين من صوبها والجيم من عندي ( سؤال جواب للي مافهم ! )
اسئلة غريبة واختكم عنياتها بس تجاوب وتبتسم .. >> عبالي تقربلي ولا ربيعة اختي ولا شو السالفه ..!!
اممم .. شوي وافترقنا >>> اخيرا ..
بعدها بساعه دزتلي وحده ( صغيره ) تقولي انتِ أنامل قلب .. لو سمحتِ في وحده تحبج وتبي رقمج
على خيبتي
موقف آخر ..
بنفس المكان .. باليجر لاند .. رحت له بيوم ثاني .. وصدق صدق صدق من بعدها ليما الحين حرمت أدخله مره ثانيه ..
كل مالتفت لقيت ثنائي يتمشون .. وحده أنثى بزياده عن اللزوم .. والثانية أظن إنها انثى (( يعني لولا انه يوم بنات جان قلت عنها ولد ))
صدق هاليوم كان شنيع .. لو قعدت أقول شوللي شفته من مواقف انا وربيعاتي .. صدق بيشيب شعر راسكم ..
يعني الموضوع صاير عندهم عيني عينك علنا .. مب بالدسه .. بعد صدق إن لم تستحي فاصنع ما تشاء ( والحيا عندهم من الخاطر مفلس )
وغيره وغيره من مواقف ومشاكل تصير بالمدارس وغيره .. واللي نسمع عنها تنتشر من مدرسه لمدرسه ..
وهم الصغاريه عيبتهم السالفه .. وعبالهم صدق موضه .. أو إنه من عادات وتقاليد المدرسه .. !
:
مثل مايقولون مشوار الميل يبدأ بخطوه .. والفساد اهني يبدأ برساله .. ويمكن كلمه .. لتتبعها دمعه فبكاء فمناحه فـ الله لا يبليكم .. !
تلقون البنات يبدون بسوالف اعجاب بسيطه .. ( اكانت لمظهر وهو الغالب .. ولا انجذاب لشخصية معينه .. مادري )
يبون يملون الفراغ العاطفي اللي عندهم .. أو ان مجرد فراغ بالوقت يبون يعبونه ..
أو مجرد اتباع للموضه .. وحشر مع الناس عيد >> بعد شو يخصه مادري ..
يمكن البعض يقول ان الموضوع مبالغ فيه والبنت مردها بتحس وبتصطلب ..
لكن هل فعلا الكل يرجع ويصطلب .. وهل بينفع الاصطلاب والعوده للفطره دائما .. !!
احيانا المبالغه بهالشذوذ يوصل لبعد ماتتخيلونه .. ويكون له نتايج عأبعاد بعيده ..
مادري اذا كلامنا اهني يفيد ولا بيوصل لحد ..
لكن يبرد الخاطر شوي .. ويعطي دفعه للمبادره باصلاح من نرى بهم هذا الخلل المخل .. !
:
جدا شاكره لج هالحرص الطيب اختي الدافيه ..
ويزاج الرحمن كل خير عمجهودج الطيب ..
مثل ماقال حبيبنا المصطفى (( من رأى منكم منكرا فاليغيره بيده .. فإن لم يستطع فبلسانه .. فإن لم يستطع فبقلبه ..
وهذا أضعف الإيمان ))
انتِ بادرت بقلبج .. وتبعه لسانج ..
وعسى الرحمن يوفقنا للاصلاح .. ولو بكلمه ..
:
السموحه عالاطاله ..
وجل الامتنان لج دائما .. ^_^ ..
إختج أنامل قلب .. !!
رد مع اقتباس
مواقع النشر (المفضلة)