البنت اسبووورتيه =)

[هزاايم]

.............

[هزاايم]

..............

[الا انا]

ولا تلومونها البنت سبورتيه.....:::::



وااااااااااااااااايد كشخه

عيبني ,,,

تسلم انامل هزااااااااااااااااااااايم ,,,,

[بنوتة جميرا]

مب عيب ان البنت اتمارس اي نوع من الرياضات
اللي اتفضلها وتعتبرها هوايه لها

بس بالنسبه لي انا ماحب هالاشيا
يعني امارس اي نوع من الرياضات وع الملأ
احس انها مب حلوه في حقي ولا حق هلي
صح لو فزت برفع راسهم
بس اروم ارفع راسهم في اشيا ثانيه وايد اهم

مجرد راي
شكرا الغلا ع الموضوع

[عفاريتووو]

عليكم السلام


شي حلوو انج تتعلمين رياضات مختلفة لأنهم مب مجرد هواياات
لا ,, بالعكس يعلموونج اشيااء واييدة
خصوصا السباحة و الرماية و ركوب الخيل لانه الرسول وصى بهم

الفروسية يعلمج الثقة بالنفس و الصبر
الكاراتيه الدفاع عن الفس
الشطرنج يقوي التركييز و سرعة البديهة
والسباحة و غيرهم من الرياضات لهم فواييد كثيرة

وما اجوف فيها شي لو تمارسهم في مكان مخصص للبنات
لا يقلل من انووثتها ولا شي
بالعكس .+. العقل السليم في الجسم السليم .+. صح
.

بس ان تمارس هــ الرياضات في الملأ ويدام كل حد ,, لااا

انزين ليش ؟

اكيد صعب انها تمارس هالرياضات و هي لابسة شيله و عباه لوول تخيلي
ولا حتى لباس محتشم

وبعد مب حلوة بنت تلعب و اولاد يشجعونها .. مب حلوة فحقها
واسبااب ثانية واييدة
.

مشكوورة هزووم ع الموضوع

[هزاايم]

..................

[جنة عدن]

ليش لا البنت حين تمارس رياضة مو بعيب
بس في حدود الالتزام
كتير حلو لما بشوف اميرة او ملكة الشطرنج ان كتير بحبها
بس اما باقي الرياضات انا عن نفسي نا اتجرء
احنا مجتمع كتير محافظ
وابدا ماهو مسموح للبنت
بس عني انا ابدا ما افكر البس شورت وانط
وكل العالم بتشوفني شيء غريب والله

[هزاايم]

..................

[عديم الشوق]

اختي هزاايم

انا امووووت في السبورتس وخاصة كرة القدم

و اقووولج إن مب عييب البنيه اتمارس رياضتها ولكن بس

يدام البنات مب يدام الريايل !!!

إذا يدام الريايل الله يستر!!

و البويه من شكلها ينعرف إنها بويه (اتقص شعرها و تلبس كنادير ريايل و تلبس نعال ريايل!!!)

الله يهديهم إن شاء الله

اشياء غريبه و عجيبه تطلع في ها الزمن

ريال يكون مب ريال و البنيه اتكون ريال !!!

خخخخخخخخخخخخخ بس ما عليه

و السموحه اختي هزاايم ^_^"

[بنوتة جميرا]

اختي هزايم
سوري لو فهمناج غلط
ماظن ان في مشكله لو البنت مارست اي نوع من الرياضات اللي اتحبها
ولكن بس في الانديه النسائيه ..بين حريم بس..
وماظن ان البنت لو لبست شورت وكاب ولبس الرياضه بتكون بويه

[عديم الشوق]

خخخخخخخخخخخخخخخخخ

صح صح -_- بنوته

بس الشورت وهاي السوالف مب حق البنات

شو تتمصخرون ؟؟

انا ما ألبس شورت (العيب عند الريال من السر لين الركبه )

و عند الحريم (بس اتظهر الوجه و الريول)

خخخخخخخخخ

بس مادري والله إذا يدام بعض عادي

و السموحه إذا في اخطاء ^^"

[هزاايم]

.......................

[بنوتة جميرا]

اخوي عديم الشوق
لو البنت مارست الهوايه اللي اتحبها
وفي نادي نسائي
وين المشكله لو لبست شورت وغيره؟؟
انا عن نفسي ماشوف انها مشكله كبيييره

البنات يسوون العجب
ويلبسون اخص من جي في الاعراس والحفلات وغيره
الحين ع الرياضه بتكبر السالفه

لا اختي هزايم
تفكيرنا بعده ماصار غبي
دام الرياضه او اي شي ثاني بين حريم
وفي مكان مخصص

[عديم الشوق]

والله ما بسوي عمري مفتي

الله اعلم إذا كان عادي ولا

و اسمحولي إذا ازعجتكم و انا مب قصدي إني اكبر السالفه لا بالعكس

هذا لمصلحة اخواتي =)

و اتمنى كالخير لكم من كل قلبي

[بنوتة جميرا]

اسمحلي اخوي عديم الشوق
مب قصدي اجرح حد او شي ثاني
بس انا ارمس باللي اشوفه
والرياضه في نادي نسائي ماشوف انه فيها شي
من وجهة نظري
ولكل شخص رايه

السموحه مره ثانيه