تـ ـ ـ ـ راثـ ـ ـ نـ ـ ـ ا !!! اماراتي الحبيبه

[الشوق]

السلام عليكم ورحمة الله وبركاته ..


حبيت اقدم يديدي (( يعني طازه ) على قولة اخوانا المصريين
قبل ما يسووولنا بلوك على واحة الفن من قبل مشرفيها ...
.
.
بس هالمره حبينا انعبر من خلال هالرسمه عن تراث الامارات ..
وهذي الرسمه منقوله من كيسه خاصة اب تراث الامارات
وفي انتظار رايكم
ولي عوده للتعليق على كل ردود من خلال الرسمه الاولى
.
.
.
تحياتي لكم/ الشـــــــــوق

[بنت الدلع]

ماشالله رسمه غاويه
عيبتني طريقتج في رسم الخطوط
وعيون الصقر حلوه وحاده
تعبر عن قوة البصيره
ذكرتني بالشيخ زايد الله يرحمه
كيف كان له بعد نظر وتخطيط للمستقبل
احس وقفة الصقر ونظرته تدل انه يطالع جدام ويفكر وفيها تأمل وصبر

تسلمين ياحلوه على هالفن

[مــهــابه]

حبيــت نـظرة الصـقر وااايــد

موفـقـه اختيه الشوق

[تنينه]

مسااا الورد وكل الخــير

حلوااه الرسمه شوقنا والحلوو انـه فيها أكـثر من شي يعبر عن التراث أتقنتيها عسسسلزز

ما ننحرم من إبداعاتـج يارب

[هزاايم]

................

[الا انا]

الله وااايد حلوه ,,,


عيبني الدمج ,,, وااايد كشخه يوم تدمجين اكثر من شي بفكره وحده ,,,


موفقه حبوبه ’’’

[المحاق المشتعل]

ايواااا

جي السالفه يعني

سايره قرية التراث من ورانا عيل هاه

ما قلنالج سيري محل الالوان أول شوفي كيف

الحريم موتهم وحياتهم السوق قبل كل شي

.... شكلي صدق باتصفع ( ها مصير إلي يتدخل في شؤون السوق )

أختي الشوق

ادائج حلو

وخطوط القلم يبغيلها ممارسه اكثر

مافيها اخطاء

لكن يبغيلج ممارسه اكثر في الاسكتجات عشان

تحلو خطوطج أكثر

وعندي نقطه احس ساق البعير يبالها تعديل اشويه

من الخلف او توضيح اذا ماخاب ظني

....

اختي الشوق لا تزعلين من المحاق

في نصايح او مزاح أو اي شي

وربي يوفقج بهالفن الجميل

كل التقدير

محاق

[عديم الشوق]

يـــــــــــــــــا ســــــــــــــــــــلام

شوهذا ( ما الذي يحدث امامنا !!!) ؟

ما شاء الله ع ها الفن ^___^

حبيت الرسمه وايد

تسلم اناملج اختي و ما قصرتي

بانتظار كل يديدج

[أنامل قلب]

ياعيني على راعية التراث .. ^_^ ..
اممممم حليوه الرسمه ما شاء الله ..

حلو اختيارج وتنويعج بالرسم ..
ذكرتيني بلوحتين عندي ساهمت ابهم غصبا عني بمعرض : ( ..
كانوا بالفحم الاسود الخالص لول ..
يعني مادرب بس أحس الفحم ملائم لجو التراب ..وووو يعني لو عندج قلم اسود " فحم " .. وايد بتظهر الرسمه احلى واحلى ..
جربي تمرين عالخطوط بانسياب اكبر بالفحم مع ابراز التظليل اللي ذبحوني فيه لول ..

امممم .. ويا صاحبة الرسوم الطيبة .. ^_^ ..
لاحظت ان رسمة الطبيعة " القارب والبحر " كانت اظبط بخطوطها ..
يمكن لأنها من افكارج ومب نقل فخذتي راحتج .. !!
مادري والله .. ^_^ ..

مثل ماقالو خواتي عيونه حلوه ..
وطريقة الدمج محبذه بأحيان كثيرة ..
ووووو ممكن تزيدين عليها افكار " مثل مانصحوني مره لول " ..
يعني تحطين له خلفية أيضا بمزجها مع البقية بطريقة طيبة ..

::

سوري حبوبه وايد خرطت .. بس طبع عليل مب طايع يفج عني : (
ربي يحفظج عزوزتي من كل شر ..
وترانا ناطرين (( الجديد القادم )) بإذن الرحمن ..

::

كل الود ..
إختج أنامل قلب .. ^_^ ..

[بنوتة جميرا]

حلوووة الرسمه
يعطيج العافيه...

[الشوق]

مراقبتنا اليديده ما شفت انتقادها لين احينه
لي عوده للردود على الاخوه بعد الدوام الرسمي
والسموحه

[زهرة الوادي]

غاليتي الشوق

الرسمه رائعه حقاً ، دمج موفّق
وينفع كشعار لمؤسسه تابعة للتراث

ربي يحفظج ويرعاج
ويتمم عليج نعمه

آميــن يارب

لا عدمنا يديدج