حــــزّر فـــزّر

[ذنـيـنـي]

السلام عليكم

صورة تجريدية صورتها بعدسه ماكرو و اتمنى انها تنال على اعجابكم

أدري اغلبكم بيقولون شو الهدف من الصورة و انه مالها معنى
بس التجريد هذا هو، شي المفروض انكم ما تفهمونه و تحاولون تفهمونه بالقوو
و يعبر عن شي معين في بال المصور او الرسام
أتوقع انه اخونا الفنان المحاق بيقدر يفيدنا اكثر في معنى كلمة التجريد في عالم الفن

أتركم مع الصورة





By the Way

هالموضوع بيكون آخر موضوع انزله في واحة التصوير
و يمكن تكون لي رجعة في السنة القادمة لأني قررت اني آخذ بريك طوييييييييييييل من التصوير لأسباب شخصية
و يمكن تكون لي مشاركات من خلال موضوع الخرابيط

[حلم الطفوله]

وعليكم السلام


محاوله موفقه أخوي ....حلو التغيير والتنويع بالتصوير....ربي يوفقك

الكلام إلي تحت الصوره نرفزني !

[عديم الشوق]

مرحبا ذنيني ^__^

والله تصوووووووير فنااااااااان

والله كشخه

كيف جي صورتي ؟

فنااانه في التصوير

حرااام تاخذين بريك سنه =(

و بالتوفيق دووم إن شاء الله

[ذنـيـنـي]

حلم الطفوله

فعلا التغيير و التنويع مطلوبين في التصوير
و في الحياة كذلك

انزين منو منكم حاول يعرف شو هو الشي الي مصورنه ؟

[صريح]

نصوور

صوره حلووه


لعبة فيها بالفوتو شوب ؟



انا من زماان اعتزلة الغرام .. اقصد التصوير
و صار التصوير من هوايه لـ تسليه لا اكثر بنسبه لي

كميرتي عاطنها خواني الصغار لانه ما استخدمها مول الحين


و الصوره عباره عن شوكتين
هـ الفكره مرت في بالي واايد
عسب جيه بسهوله عرفت

[دمعة شوق]

الصوره اظنيـه اظنيـه
اظـنـيـه حديـد مداخــل ويـا بعضـه
؛؛
قسـم بالله لو جداميـه طراق طراقين على كف كفـين

دواك عصا
على هالرمسه

[ملاك الروووح]

:

وعليكم السلام ورحمة الله وبركاته

يا هلا [ ذنيـــــني ]



:

من محبي الفن التجريدي بصراحه ..

يستهويني وايد ..!



:

وأعتقد انه الصوره اللي انت مصورنها عباره عن شوكتين متداخلين ف بعض ..

<< أبد ما قرت رد صريح لوووول

لا والله سيريسلي هاللي يا ف بالي يوم شفت الصوره أنا بعد ..

:

ولو سمحت ممكن اتسوي تعديل حق موضوعك وتشيل الكلام اللي تحت الصوره

حتى انا ما عيبني بصراحه ..

لا تحرمنـــــــــــا من ابداعك اللي ادمناه ..!

وحتى انت صريح ..

الكلام موجه لك انت بعد ..

خلونا نشوف صوركم وابداعاتكم الحلوه في الواحات ..!

:

تحياتي لكم

:

[ نوتس .. ]

عديم الشوق .. ترى ذنيني ريال ..

وصريح .. لعبت واعتزلت تنكتب بالتاء المفتوحه ..

اسمحلي بس ما أحب أشوف الاخطاء الاملائيه لوووول

تحياتي لكم

[الـيـاه]

سلاااام !

يعني خلاص بتودر < ههه اللي يسمع بتودر يقول شي XP

أظن شوكـه
سلمت ع الصوره ..

وعاد لبريك مب سنـه S=

[مزايا]

اول ماطاحت عيني عالصوره ومن قبل ماشوف الردوود
ع طوول حسيت إنهن شوكتين داشات ف بعض ....
GOOD ABSTRACT

[مايهزك ريح]

شوكتين متداخلات .. اول ما شفت الصورة على طول عرفت ..

حلو الفن التجريدي .. بس موب اي حد يفهمه
على العموم حلوه الصورة ..
بس ليش احس انها اشوية امضببه .. ولا انا اللي عيوني رايحات

[تحفه]

شوكتين .....

[قرموشة]

ليش أنـا يا في بالي ~ مشطيييـن ! لوول
بس الصـورة حلوة .. المهندسين المعماريين يحـبون سوالف الخطووط اللي شرات هااي ..

يا ذنيني ما يـووز جـي والله ..
يعني من قامت تستوي صورك أحـلى قلت انك بتهـد التصـويرر وبتاخـذ بريييــك !

[خنفروش]

شوكتين



و تسلم الايادي

[المحاق المشتعل]

السلام عليكم ورحمة الله وبركاته

أخي الكريم ذنيني

ألتقاط جميل لزاويه جميله وابتكار تجريدي رائع من اختيارك الرائع اخي

فكرة طيبه قد تخطر على بال القليل من الناس

وهي بالفعل اختيار تجريدي موفق


....


اما بالنسبه لمعنى التجريديه

انا إلي درسته اغلب الدروس التجريديه

تتعلق في اللوحات ومادري اذا التصوير التجريد فيه مشابه

للرسم ولا مختلف لأنه للتصوير قانون وللرسم قانون آخر

ويمكن يتفقون في اشيا ويختلفون في وايد اشيا

...

بالنسبه للرسم انا ما درست التجريديه كمفهوم

لكن درستها دراسه عمليه

والتجريد في الرسم من امثلته

لوحة فيها خطوط واشياء واشكال غير واضحه أو واضحه احيانناً

ولكن لا تعطي معنا مفهوم في بعض الاحيان

مثل لوحة ملونة بألوان عديده لكن بجمال تلك اللوحة

تبقى اللوحة من غير موضوع فتسمى بالتجريديه ... هاذا جانب

الجانب الآخر

عندما نتعلم هذا الفن نبتدي في بتقطيع قصاصات من الجرائد

والمجلات والأوراق الملونه وندج كل هاي القصاصات في عمل فني واحد

وانحاول انرتب الأللوان بطريقه جميله ( هذا تجريد )

طبعاً الاشياء إلي اشرحها تتعلق بالرسم ويمكن تخاوي التصوير والله اعلم

ومن التجريد رسم لوحة تشبه اللوحات السرياليه ( والسرياليه لوحة واقعيه 100% يسودها

كم من الخيال ) ولكن لا تحتوي تلك اللوحات على الجانب الخيالي للوحات السرياليه

( على سبيل المثال أرسم لوحة فيها اشخاص ووأشكال وورود ومزهريه وطاولة

وسرير ومرآة واشيا ليست بخياليه لكن في لوحة واحدة .. هذا يسمى تجريد أيضاً )

وانا عشان اتأكد من معلوماتي بحثت أكثر في سيرج الانترنت

وحصلت فقرة مكتوبه انه الفن التجريدي غير واضح أساساً في نطاق الفن

ولهذا يمكن تكون هاي التسميه ( التجريد ) الاقرب لعدم الوضوح والله اعلم لكن

شروطها في الرسم مثل إلي ذكرته لكم في الامثلة السابقه

هذا والله اعلم

أخويه ذنيني

زعلت يوم عرفت انك ما بتشارك في هاي الفترة ليش

عسى المانع خير

ربي يعينك وين ما تكون ويرزقك من الطيبات

تقديري

محاق

[الدلووووعة]

حللوه الصوره بس انا ماعرفت شو ^^

الاعضاء ماقصرو وقالو

مادري ليش انا احب التصوير والرسمات الغامضه

اللي ماتنفهم بسرعة مع اني مافهم لها بس احب ها النوع

ادري وايد تفلسفت السموحة ^^