× 19 / 5 /2007 تحـديد مسـتـقبل طـلاب الثانوية العـامـة ×

**دمعة شوق** · 18-05-07 ||, 09:36 PM

الســلام عليــكم ورحمـة الله وبـركـاتـه

وشحالكم شعلومـكم ربكـم بخيـر وماتشكون بـاس

؛؛

الحـاله اليـوم جسيـفه والحاله للـه والشـكوى لغير الله مذلـه بس قسم بالله قهـر فصدريه وديه
اشـوف حـد جداميـه والمه بكفوف لين يقول بـس وبـزيـده عدنيـه

؛؛
19/5/2007

يـوم تـحـديـد المصـير لـطـلاب الـثـانـويـة الـعـامـة
في إمتـحـان السـيـبـا الله يعله التسبل ياربيـه
؛؛

تخـيـلوا اوكـي بس تخيـلوا شخص من اشخاص الثانوية العامـة يـاب 99.9 %
ويـاب في الـسيبـا انجليـزي أقـل من 150
يـدخــل تقـنـيـه مايـدخـل الجـامـعــة

لا تقولون مستحيل كيف كذي لا مستوي انا نص ربايعيه السنه اللي طافت نفس الشي نسبهن فوق الثمانين والسيبا الله يغشه تحت ال 150 فـ دخلن الكلية

||

افففففففففففففففففف الله يغشهـم ياربيه اوكي في ناس ترطـن انقليزي بس ناس مش متأسسين يعني نحن مدارس حكومية يتحسبونا ظاهرين امره بلبل في االانقليزي ونحن يالله يالله نمشي امورنا
وقسم بالله في بنـات إمره مايعرفن شـي يعني هـ هـ يالله يالله يس و نو
بالدز بالدز والله حرام جي يحددون مصير الاوادم بـ هالامتحـان

//
الله يعينـا ويوفـق الجمـيـع إن شاءالله ويسهل علينـا غدوه الله يعينا 3 ساعات متفيزرين طايحين ع الورقة ونـحــل ؛؛ آآخ يالقهـر صح ونسيت اقول هذا من غير اللي يبونا نحفظه عشان نبلبل عليهم 2000 كلمــة حــفــظ وين بنواحـي ونـحن طول الفصل الدراسي الثاني ونحن ننكرف كراف
كل يوم عادي 3 او 4 امتحانات من غير المشاريع وعرضهـن ولخبططهــن وين بنواحي لهذا كلـه
ويبون مادلهم شـوه ؛ الله يلقعهم ياربيه يعلهم مايرقدون ومايرتاحـون

متـفـتـه على الأخــير
سمحـوليـه بس شي يقهـر يوم تشوف في امتحان يتحدد مستقبـلك

**اللولوه** · 18-05-07 ||, 10:07 PM

الله يسهل عليـكم و يوفقكم ان شاء الله ، اتوكلي على الله .. ترا كل شي مكتوب

**وحي القلم** · 18-05-07 ||, 10:16 PM

بنرد لنفس معاناة الامتحان التجريبي

ثلاث ساعات و انتي امركزه فالامتحان عن ايطوف الوقت و انتي مب امخلصه

و على آخر الوقت تشوفين السطر سطرين

يا ليتهم ايخلونه على فترتين

.
.

دمعة شوق

اللى أشوفه انه الـ grammer سهل .. بس المشكله فالـ vocabulary

ما تعرفين شو اللى لازم اتذاكرينه بالضبط

فالتجريبي كنت أوني امذاكره الكلمات اللى قالوا انهن بيدخلن فالامتحان

و ما يابولنا شي منهن غير كمن كلمه

هذا طبعا من غير انه فالانجليزي الكلمة الوحده لها كمن معنى

و في الورقه اللى عطونا اياها عشان نذاكر منها كاتبين معنى واحد بس

لكنه ما يركب على الجمله اللى فالامتحان

معناته انه لها معنى ثاني ما عطونا اياه

عشان جيه أنا ما راجعت هالمره للامتحان غير ورقة الامتحان التجريبي

و بعتمد على اللى أنا عارفتنه من قبل و بس.. ماروم أسوي أكثر عن جذيه

.
.

على طاري الألفين كلمه

بالله عليج شقايل بنفلح فالانجليزي و هم يعطونا الكلمات عشان نحفظ معانيهن بدون تطبيق

.
.

و الله بنعذرهم إذا كانوا امأسسينا صح و زفتنا فالامتحان

بس يوم أنه التأسيس ضعيف ليش ييبولنا اياه جذيه

الطلاب اللى مستواهم ضعيف شو ذنبهم ؟!!

ويايه بنات راسبات فالامتحان

و وايدات اللى سمعتهم ايقولون ما سدنا الوقت

**وحي القلم** · 18-05-07 ||, 10:18 PM

عالعموم.. دامنا ما نروم نغير شي يا دمعة شوق

لازم نتوكل على الله .. و ان شا الله تكون درجاتنا عاليه

**دموع قلم** · 18-05-07 ||, 10:30 PM

مســاااااء الشـــوق ..
يـا مطــولة الغيبــة علينـــا ..

خخخ ضحكتينـي وااايــــــد دمعـــووو .. جنـج عيـوز تتحــرطم .. بـــلاااج .. هـدي شــوي .. ماستـوا شـي ..!
تـدريـن جـان زيـن أنتـي في دبـي .. كـنت ودي أشـوفج بـاجـر في الكليـة .. عالأقـل يكـون أول لقـا امبينــا ..!
.
.

حبـوبـة .. صحيـح اللـي قلتـيه فـوقنـا مشاريـع وتقـارير وامتحـانات شفـوية ووو .. بـس هـا في صـوب ..
وامتحـان سيـبا في صـوب .. يعنـي أنـا ويـاج أن المـدارس الحكومـيـة تعـبانيـن في اللغـة الإنجليـزية ..
يعنـي لا دراسـة عـدلة ولا شـي .. وغلطتـهم انـهم مـا درسـونـا شي في الـ 11 سنـة اللي درسنـاهـا ..
ويـو الحيـن في السنـة الأخيـرة يبـون يكرفـونـا بـالكلمـات والقـواعد وووو اللـي مالهـا نهـايـة ..

بـس يالغاليـة .. تـرا هـا في مصلحتـنا .. يعنـي شوفـي الحيـن الطلبـة اللي ايبـون درجـة حلـوة في الثـانوية ..
يـوم يـدشون الكليـة مـا يعرفـون شـي .. ولا كلمـة .. يسمعـون رمسـة الأسـاتـذة الأجانـب وهم مسطلـين ..
مـا يـدرون بالدنيـا هو شـو يقـول .. فـ يعنـي الوزارة تـبا نحن نشـد حيلنـا في الإنجليـزي .. ومثـل ما قلـت لج ..
بالـبداية الغلطـة منـهم أصـلا .. بس يعنـي نحن المفروض نطـور إنجليـزيتنـا بنفسهــا .. وووتـرا ع فكـرة ..
اللغـة الإنجليـزية وااااايــد سهـلة .. بغـض النظر عن الشخـص يحب هاللغـة ولا يتقنهـا ولالا ..!

ووووهـدي أعصـابج دمعــووو .. ولا تتحرطمين وايــد .. تــرا مـاحب أشـوفج معصبـة ومتـكدرة ..
وفكـري في التخـرج بـس .. يـــــااااهــ .. مــا أحـــــــــــــــــــلااا اه .. يــــــــااااالله ^_^
.
.

ابتسمــتي وأنتــي تمتحنيــن السيبــــا .. يــا أحلــى سيـــبا في الواحــات

..!

**دموع قلم** · 18-05-07 ||, 10:42 PM

وحــي القلــم ..

أنـا ويـاج في هـالـشي .. الفـوكــاب شـوي صعــب .. امممم يعنـي أحـس يلخبــط ..
ووويعنـي مـالنـا غيـر نصبـر ونستسلـم بالامـر الواقـع .. وإن شـاء الله تعبنـا هـذا
وشقـانـا مـا بيـروح عالفـاضـي .. وبـــيفيـدنـا في الجامعـة والشغـل والمستقبـل ..

سـالفـة امتحـان التجربيـي .. قلـت لمعلمتـنا دخيـلج صلحـيهم بسرعـة ووزعيهم لنـا ..
وكــــــــل يـوم تقـول إن شـاء الله .. عقـب .. هالأسـبوع .. وووو لين آخـر يـوم تقـــول
مـا صلحـت شـي .. ومشغـولة بمـادري شو .. ومـادري شـو .. الله يهـديهـا من معلمـة ..!
.
.

عالعمـوم .. شـدوا حيـلكم.. وربـي يـوفقنـا ويـوفقكم في الامتحـانـات إن شـاء الله ..
ووووإلا هـو تعـب أيــام ويــزول بـإذن الله تعـالى .. ووووفرحـة التخـرج بتعـوضنـا
بكـل تعـب وكـدر الـدراسـة .. إن شـاء الله .. ^_^

**الدلووووعة** · 18-05-07 ||, 10:46 PM

الله يعيييينكم والله اتذكرت معاناتي العام كيف

صدق الكل اللي فالبيت عانو مني بس الحمدالله نجحنا ودخلنا اللي ماتتسما الجامعة ^_^

لاكن بعد السيبا فيه ظلم على بنات المدارس الحكوميه اكثر عن بنات المدرسه الخاصه

بس انتي ركزي عالورق اللي عطوكم اياهم

يبون منهم وااااااااايد اشياء

نحن العام اللي كانو عدهم النموذج a كان اغلب الاسئله من الورق ( لاكن مالت على حظي خخخخخ) وكان اسهل عن النموذج b بوايد يعني اغلب البنات اللي كان عدهم النموذج a يابو دراجات عاااااااليه

بس يالله انتو توكلو على الله وان شاءالله تنجحون ^_^

**دموع قلم** · 18-05-07 ||, 10:47 PM

هيـه صح .. نسيـت أقـولج دموووعتــي ..

أهـم شـي يـوم بتـدشين لأي امتحـان .. سـوا السيبـا ولا غيـره ..
تكـونيـن مرتـاحـة ومبتسمــة .. ومـا تتـوتـرين أبــدا .. بـي كــــووول << ع قـولتهـم ..
خليـج هـاديـة .. ريلكــس .. بتحليـن عـدل .. والنتيجـة بتكـون زينـة بـإذن الله ..

بـالتـوفيـق يـالغاليـــة ..

^_^

**مــهــابه** · 18-05-07 ||, 10:50 PM

عــليج الســلام والرحمــه اختيه دمـعه

نحـن بخييير طـال عـمرج

بس أهـم شي يقـولج راحـة الأعـصاب ، ولاتـغصصين بـعمرج ولا شيـاته ، تـرى مافيه شي يسـتاهـل
ولـو يبتي 99.9 ولا 70 أو 80 تـراهم فـالجـامعـة سـوى وان شـاء الله بـتين وبـتشوفين

وكنـت ولازلـت أقـول بأن الثـانويه العـامه مش مقــدار ، بس المهم والأهـم السيــبـا
لأنه هو اللي يحـدد مصيرج ، سـوى تدخلين الجامعه ولا بـعييد الشــر يــعني

وانـا أخـتج لاتـشيلين هـم ، لأن الامتحـان ماأعـتقد أنه بيكون أكبر من مسـتواكم ، والاسئلـه وايد وحاولي تجمعين فـالقـرامر والفـوكاب لأنه فيهن كـلمااات سهلات ، وبـعد عــلييج بـالبراكتس
حلي امتحانات وايد واسئلـه سيـبا

وصـدقـيني بـتطلعـين بنتيجـة حلــووه وبتسـاتنسين عـليهـا بــعد

والله يوفـقكم كـلكم ويســهل عـليكم

وعـليج بـالدعــاااء

وعـقبـال مانقـرالـج تهـئنة بـنجاحج بـالثـانويـه والسيــبـا بـعد

وبعـدين تـعالي أنـتوا أحسن عن الدفـعه اللي قـبلكم ، ماكانوا يعـرفون شي اسمه سيـبا ، ولا شيـاته ، احيد انهم كـانوا يخلوهم فـالمدارس للعـصر بس عسب يدرسونهم

الله يــعينكم جميـعـاً

وان شــاء الله نشوفــج عـندنـا فـالجــامعه السنة اليــايه

**الدلووووعة** · 18-05-07 ||, 10:51 PM

بس تعرفون ^_^

بيكون يوم ولا احلى منه صدق بيكون يوم ونااااااسه

نحن داخلين الامتحان والله الناس قبل الامتحان تدعي ربها تعرفون نحن شو سوينا خخخخخخخخ

يالسات نتمصخر عالبنات شفتو كيف ^_^

حاله كنا ومن بعد ماظهرنا من الامتحان بعد ماقصرنا ولا جنه ظاهرات من امتحان وحاله ^_^

بس والله بييكون يوم ونااااااسه من الخاطر ^_^

**الدلووووعة** · 18-05-07 ||, 10:56 PM

المشاركة الأصلية كتبت بواسطة مــهــابه

وبعـدين تـعالي أنـتوا أحسن عن الدفـعه اللي قـبلكم ، ماكانوا يعـرفون شي اسمه سيـبا ، ولا شيـاته ، احيد انهم كـانوا يخلوهم فـالمدارس للعـصر بس عسب يدرسونهم

الله يــعينكم جميـعـاً

وان شــاء الله نشوفــج عـندنـا فـالجــامعه السنة اليــايه

خخخخخخخخخخخخخخخخخخخخخخ

مهابه صح كنا نتم لين الساعة 5 العصر

بس الصراحة كانت ايااااام واااااااايد حلوه ^_^

**محد يستاهل** · 18-05-07 ||, 11:53 PM

بالتوفيق للجميــع وأهم شيء مــا اتخــافين ...

**هزاايم** · 19-05-07 ||, 12:48 AM

..........

**خيال الحب** · 19-05-07 ||, 02:09 AM

ماعليج انتي لاتقولين جي..

عطيج عمرج دافع .. وقولي انا بحل ان شاء الله

ولا تربكين عمرج .. خلج ريلاكس ع الاخير.. واهم شي التركيز..

ولاتقعدين تشوفين ربيعاتج .. خل عينج بورقتج واقريها شوي شوي .. بس خلي بالج ع الوقت .. السؤال الي ما تعرفينه روحي للي بعده لين ما تخلصين وخلاف ارجعي للي ما حليتيه ..

وان شاء الله خير

والله يوفقكم ان شاء الله ^__^..

انا من اليوم الصبح ادعيلكم بالتوفيق..>>>نص العيله ثانويه عامه خخخخخ وحليلهم يغمضون والله