بين النيسان والجمس ( دينالي )

[ذنـيـنـي]

[

انزين خلونا نسوي مقارنه بين الجمس و النيسان من كل النواحي
و عسب ما تزعلون ما بنقارن بالدينالي، بنخلي المقارنه مع الجمس العادي بو 5.3

الأفضل >> الأسوء

القوة

جمس >> نيسان

العزم

جمس >> نيسان

الثبات على الطريق

ما يبالها كلام النيسان اعتبرها أسوء سيارة فورويل من ناحية الثبات، الهواء يلعب فيها لعب
جمس >> نيسان

الراحة في المسافات الطويلة

اتحدى شخص يقولي انه النيسان اريح من الجمس

جمس >> نيسان

خدمة الوكالة

خدمة النيسان اصبحت من اسوء ما يمكن و من خلال تجربه, عندنا فيتك و مورانو و الوكالة تعاملهم زفت.
بعكس الجمس ( بعد عندنا جمس ) الي تعامل وكالتهم من ارقى ما يمكن و فوق هذا تقدر تزود سيارتك عندهم و تركب سوبر جارج و ما بيطيح الضمان

جمس >> نيسان

عزل الصوت داخل السيارة

الجمس افضل من النيسان بترول بواااايد

جمس >> نيسان

======

و لكل من تحدث عن مشاكل الامريكي و انه يخترب
من بعد عام 2005 تم حل مشكلة الكهرباء في الجمس بشكل جذري و محد يقدر يعيب الخرابات في الجمس الحين

النيسان يتقرقع من اتطلعه من الوكاله و الجير يناقع " جير 3 "

و شو و شو و شو بعد

بس باقي انك تغير نظرة الناس للـ جمس



هيه صح

ربيعي كان راعي نياسين
على ايام النيسان كان يصب بـ 120 درهم و تمشيه 300 كيلو بالكثيييييييييييييير
و يوم خذ الجمس قام يصب فيه بـ 150و تمشيه فوق الـ 700 كيلو

[المحاق المشتعل]

امس سرت وكالة الجمس

وسويت تست درايف حق الدينالي

سياره ولا اروع في السواقه

ومن داخل النيسان صفر عالشمال بالنسبه لها الصراحه

بس السياره عودة وايد

وماعتقد ان الدينالي ثاني شي تنفع للبر بصراحه

البمبر من جدام صدق نازل وايد

صح سياره قويه

لكن البمبر بيروح على اي صعده صغيره

ويوم سقت السياره

قالي مال الوكاله جرب دوس ريس اشويه

ضغطت عالريس لصقت في السيت

ماشالله عزم عجيب في السياره

قيمة السياره اب عرض خاص 178 ألف

وقيمتها ويا الشاشه الاماميه والنفيقيشن 195 ألف

وعيبها الثاني انها يمكن تشرب بترول اكثر عن النيسان والسبب

ان اليوكن فيها نظام تحويل السلندرات من 8 إلى 4 في المدينه

هاي السياره مافيها هالنظام

ومابتروم تاخذها للبر لكن حق الشارع ماعليها كلام

وسألت ناس من برع

قالو هاي السياره بعدها يديده

صح ضمانها من بمبر لين بمبر لمدة 3 سنوات أو 60000 كم

لكن واحد من الناس قالي هاي السياره يديه في السوق

وأول مكينه من هالطراز وهاي القوة

وما يعرفون هل هاي المكينه بتستحمل هاي القوة الهائله في السياره ولا لا

ولا هل اتعمر فترة طويله ولا لا

انا عقب ما قريت ردك أخويه ذنيني جاسني احباط الصراحه

ماعرف شو اسوي

[مزن هتان]

مو على الـ نيسان يا ناصر

[ذنـيـنـي]

المحاق

جرب اليوكن العادي او التاهو بعد مكينتهم قوية

و على فكرة، ميكنة اليوكن مش جديدة، كانت تستعمل في الكاديلاك اسكاليد و اثبتت جدارتها و تفوقها

===========

مزن هتان

اوكي لول

[شرجاوي]

الجمس يكد كد و غلطان اللي يقول عكس هالكلام

[الهيثــم]

جمس وبس ...

[ولد الشحوح]

خذ لك جيب اس أر تي

[ذنـيـنـي]

^
غالي و مش عملي
و ما ينفع يدخل البر و صيانته مكلفه
و قطع غياره مش متوفرة و لازم تنتظرها

و السياره اصلا مش للأستخدام اليومي و فوق هذا بالوعة بترول

الجيب SRT-8 اوكي اذا عندك موتر ثاني، لكن كـ سيارة اساسية ما تنفع

[شرجاوي]

نصور .. الجيب اس ار تي بالوعه ؟؟؟ حرام عليك و مليون حرام .. والله صرفيتها وايد حلوه بالنسبه للسيارات اللي في فئتها .. كفايه انها تشرشح الكايين توربو

[تنينه]

اوييه ويني انـا على هالموضوع < ما ادري شو بتقول الحين مشكله البنات يوم يتفلسفون


استاذنـا المحاق المشتعـل ؛؛ انـت استاذ الفـن ودومـه ذوقـك راقي وحلـو واختيارك للـ نيسان ما بيكون شي غريب عـليك لانـه هو الرقي كله والنمبر ون في عالم السيارات ؛؛

كل المميزات فيـها من وكالتها اليابانيـه إلـى راحتها وسرعتها وقوتـها وحششش وشكلها وكل شي وكل المميزات اللي قالها صريحكوو ؛؛ وانتم السابقون ونحن الاحقون إن شااء الله في النيسان

فـ ما عليك من خطابكوو ونصوور كلامهم ما يمشي الجمس ؛؛

النيسان ينفع في كل الأحوال والأمـكان والأوقات ؛؛ في كل مكان و وقـت ما بيخذلك , البر ولا الشارع ولا الريس ؛؛ اتـم للنيسان هيييبه غييييير عن بقية سياييير العالم

واذا بـتدور الكمال بتتعب ماشي سياره كامـله لازم يكون في شي ؛؛ والنيسان ما بتحصل شراتـه فـ لا تحتاااااااار فيها او تفكير تبيييعها

[الهيثــم]

جمس وبس

[قرموشة]

^
نيسان وبــس XP

[الـيـاه]

هممم أفضل الجمس .. ماداني النياسين وايد خاصه الـ vtc - غجريه هالسياره لول -

[قرموشة]

^ عيـل الجمس وحشششش لوول

[الـيـاه]

صح وحش بقوته ..