بين النيسان والجمس ( دينالي )

[المحاق المشتعل]

السلام عليكم ورحمة الله وبركاته

ابا رايكم بين النيسان رقم 1 والجمسي ( دينالي )

شو احسن للأختيار من كل النواحي

وابغي شي يقنعني لأني وايد محتار

في انتظار ردودكم

محاق

[الهيثــم]

دينــالي ولا تحتـار

فخــامة .. راحــة .. قــوة .. أداء .. جودة في التصنيـع

وهـ السياارة داشه خــاطري من زمــان .. يعني انا انصحـك فيهـا

[مزن هتان]

مساء الخير

نيسااااان
تناسب الشباب أكثر حلوووه و سواقتها بعد خفيفه
سعرها تمام، و قطع الغيار موجود بكل مكان
خدمة الوكيل تاخذ وقت شويه

دينالي حلوه + فخمه بس أحس بها عائليه
صعب تلاقي قطع الغيار برع، مادري عن خدمتهم

خذلك نيسان

[المحاق المشتعل]

حالياً خذت نيسان 2007 رقم واحد

وسعره مقارب للدينالي تقريبا نفس السعر بعد ماعرف حق شو

بس ماعرف افكر ابيعها وآخذ دينالي

بس كل واحد من إلي سألتهم يقولي شي غير

مرة يتكلمون ان الجمس ما يعسش

عقب انه الاسعار تنزل في الجمس اكثر عن النيسان مستقبلاً اذا بغيت ابيع

بس انا اسأل هل الدينالي موتر يعيش ولا له فترة سنة سنتين عقب يولي

اذا يعمر زين اما اذا يتقرقع عقب مشكله

والنيسان مايتقرقع مثل الموديلات الجديمه ولا اليديد اوكيه

وييت باسأل هل الدينالي ينفع للبر ولا لا لأني اشوف البمبر من جدام نازل شويه

وهل قطع الغيار مالته متوفره في الوكاله ولا بعض القطع تضطر انك تتأخر عليها

هاي الاسئله ابغي اجابتها عشان آخذ قرار ان شالله

هل ابيعه النيسان ولا لا

احسبه الجمس فخم.. فيه 5 تلفزيونات وكيمرا حق الريوس

واشيا وايد روعه

اما النيسان رقم واحد تلفزيون واحد مافيه

صح سواقته ولا احلى

بس بعد الجمس اقوى وأوفر حق البترول

بس معلومات عن مستقبل الجمس هل هو مال كرف نفس النيسان

ولا له فترة ويدمر



خطاب

مزن هتان


شاكر لكم اضافاتكم الطيبه

محاق

[مزن هتان]

هل ابيعه النيسان ولا لا

أنا اقول لااااااااا تبيعه صدقني راح تندم <<< اسأل مجرب
بس اذا قررت اتبيعه (اتمنى) تخبرني

[بحر الموده]

وعليكم السلام ورحمة الله وبركاته

المحاااااااق مبروك مقدماً على السياره والله يجعلهاااااا فال خير لك

اتكلم عن الدينالى سياره كبيره وعائليه وقوييييه ومواصفات خاصه بس الله يعينك على الامريكى خرابات وايييد ليتاته حوم تقول كشافات مال البحر ومن جدام نازل وايد

النيسان صراحه رزه قوه شكل حليووو فى البر حمار مايقول لا مايردك مواصفات اقل من الدينالى

وفى الاخير السيارتين زينات بس اشوف انك ماتبيع النيسان لانه صدق موتر مال كد ويعيش زمان ولك

الخيار والسموحه

[بحر الموده]

اخوى المحاق اسمحلى اهديك هالمقطع وممكن تخبرناا هل هالنظام موجود فى الدينالى ^_~

http://www.arb.com.au/arb-air-locker-video.php

[المحاق المشتعل]

مزن هتان

جزيل الشكر عالنصيحه وان شالله اسوي بنصيحتك


بحر الموده

الصراحه يوم قريت ردك كيفت

المشكله مدمنين النياسين مايعرفون شي إلا نيسان

وحتى ربيعي امسمي عمره نيسان لعوزنا ابنياسينه

وهو حمسني عشان آخذ هالموتر

بس الفيديو إلي رويتني إياه خطير

بس شو الفايده ما اعتقد هالنظام بيركبولك إياه في الوكاله

لازم تطلبه من برع في ظني

بحر الموده

اشكر لك ردك الطيب من الاعماق

والله يبارج فيك ياخي وعقبالك النيسان اليديد بالشكل النيو ان شالله

تسلملي حبوب عالنصيحه

محاق

[بحر الموده]

العفو ولا شكر على واجب حبوب
وهذا واجبنا الغالى وماسمعت الشاعر شوه قال: خذلك فتك وخل المصخره لا وارد امريكا ولا ابريطانيا
المحاق ممكن تخبرنا بكم خذته وهل التامين مجانى ولالالا ... هالنظام موجود فى استراليا فى الفتكات مالهم شفت كيف يلعب مكانه وينطلق على طول لا ايوده حصا ولا طين ...

ماخذنه من العربيه ولا المسعود وهل فيه دفلوك مالك جير عادى ولا تماتيك وشكراً لك

وترى موديلات 2007 اقل صرفيه من الموديلات السابقه وشكله اذا نزل النيسان اليديد وطلع مب شىء بيكون الشكل الجديم ماسك سعره ومابيطيح بسرعه وبيكون عليه اقبال وايد ماعليك

شكلى كتبت لك قصه خخخخخخخخخخخخخخخخخخ السموحه اخوى المحاق واى سؤال حاظرين نحن

[صريح]

المحاق


الدينالي مثل ما قاال بحر الموده عائليه بحته
راحه و فخامه و مواصفاته واايد حلوه و حتى فالسواقه راحه
بس موول ما بنفع فالبر .. صح مكينته قويه بس الموتر ثجيل
يعني اذا غط الموتر و لحّم من تحت بتتوهق لول
و شي ثاني الموتر امريكي و سعر بيطيح من اول ما تشتريه
و عن الخرابات تراه شي معروف خرابات الامريكي كثيره



النيسان صح انه فخامته تقدر تقول عنها فوق الـ Average بشّوي،
بس سواقته حلوه وصدق راحه من كل النواحي و فالبر ما يباله كلام
بس يفضل القير العادي طبعا .. و اهم شي في النيسان انه خراباته قليله واايد
و قطع الغيار يديد او مستعمل متواجه بكثر و كل مكان
( صناعيه الشارجه - صناعيه العين - العوير - مصفح في بوظبي )
يعني ما يحتاج تاخذ شي يديد من الوكاله
و عن اعطال النيسان راها بسيطه و اي قراج ممكن يصلح لك الموتر
( فيول بمب او الوتر بمب مخترب - الراديت يليك ولا منطر - شي من البيبات منطر ) بس هالاشياء لول
مثل ما يقولك اسأل المجرب ولا تسأل طبييب..
النيسان لو شو تسوي فيه يعيش و يوم بيوصل ال 60 الف بيبدا يتقرقع
بس هذا شي طبيعي فالنيسان و عن البترول ترا السعاده تنشرا بثماني خخخ


و اذا انته راعي بر فانصحك بهدرز و فلتر
و ركبله جنبينات غاز صدقني بيستوي ارنب مب نيسان فالبر لول
لو تحوم اي مكان موول ما بتحس انك فالهوا خخخ



بس اذا فكرت تبيع النيسان و تاخذ الدينالي
ليش ما تاخذ الـ Escalade اليديد
هالفتره كل اللي فالشارجه ياخذونه
حتى الشيبه يفكر ياخذله واحد
الـ Cadillac مواترهم صح و توب من كل النواحي
و عمري ما سمعت عن اعطال لانه الشيبه يموت ع شي اسمه STS
من 98 و هو كله يسوق هالموتر .. كل ما ينزل شكل يديد
يبيع اللي عنده و ياخذ الشكل اليديد


و هذا الاسكليد اليدييد




و فالنهايه اي موتر بتاخذه يعيش على حسب اهتمامك فيه
اذا تغيرله ايل اول باول و تهتمت بالتجيكات البسيطه بيعيش
و اذا لابسنه بيخترب بسرعه



بحر الموده

اخويه من فتره ماخذ نيسان 2007

سوبر سفاري بس رقم 2 .. ما فيه فتحه ولا دفلوك و بدون يلد
خذه اب 153 الف .. ويا التأمين طلع اظني 159 الف
هذا سعر التماتيك و العادي نقص 5000
من الرستماني


و السموحه ع التفلسيف الزايد

[الهيثــم]

مع احترامي لـ آراء الشباب

بس انا بقولكم الي اشوفه واعرفه

عندنا 2 جمس موديل 2000
و 1 موديل 2001
وواحد موديل 2005

كلهم مواااتر كراف ولعاان
كل موتر يقول انا ملعون اكثر عنك

دووم ضرب خطوط السعودية والكويييت والبحرين
بس ما شاء الله الموااتر لين الحين تكد وعلى أحسن حال وما فيهم خرابات

وعن القوة في البر .. ترا الموتر وححش وما يغرز
بس إذا غرز تراه ثجيل ( الوزن )

بس ما اتحس بوزنه .. لان قووته عجييبة
بعكس الاستيشن 6 سلندر .. اتحس انه الموتر ثجيل

[ذنـيـنـي]

شكلك راعي نياسين من يومك
و راعي النيسان مستحيل يقتنع بسيارة غير النيسان
مع انه شي سيارات افضل منها (( الدينالي ))
لول راسه يابس

دام انك خذت النيسان ما انصحك تبيعه لأنك بتخسر فيه وايد و النيسان سيارة اعتماديه جدا بس يعيبها استهلاك البترول.

الجمس ما عليه كمال، بالنسبة لي شخصيا، اعتبرها السيارة المثالية و اتمنى اني اخذ منها و خاصة انها ما تقول لا يوم تزودها، اي شي تعقه في جبدها تستقبله و باضافات بسيطه تحصل قوة كبيرة

و فوق هذا مريح جدا و ثابت على الخط و ينفع للمسافات الطويلة و قوته جبارة من الوكالة مباشرةً و فيه عزم هائل. و ما يقولك لا في القلص و شو و شو و شو بعد

شوف بنفسك الشباب هالايام و بتشوف كيف اغلبهم حولوا من النياسين الى الجمسات و خاصة البيك اب.
و هذا ان دل تراه يدل على انها سيارة افضل و اريح و اقوى.
و عن الخربات، ترا السيارة اذا بتحافظ على صيانتها اول باول تراها بتعيش وياك
واذا بتهملها تراها بتلعن خيرك، و هالكلام ينطبق على النيسان و الكروزر و الجمس و اي سيارة.

[المحاق المشتعل]

بحر الموده

خطاب

صريح

ذنيني
من الاعماق اشكر اضافاتكم

والله على كل كلمه قريتها

السيارتين فيها اشيا حلوة

صح مواصفات الجمس احلى

لكن قيمه النيسان اتم فيه لو بعد مرور فترة على عكس الجمس

وانا مب راعي بر وايد لكن مرات يوم اصنف احب يكون عندي

موتر كفو حق البر

بالنسبة لأسئلتك يا اخويه بحر الموده

النيسان رقم واحد قير تماتيك تيبترونيك ويا ديفلوك وماخذنه من العربيه وسعره 176 ألف تقريبا مادري 177

بس لو كنت ادري انه مواصفاته احلى في المسعود قبل لا آخذه جان خذته مناك

انا سمعت انه في المسعود اييك الموتر ابشاشه وديفيدي وشغل عدل

وفرق بسيط اغلى عن مال العربيه

وعن الدينالي ذبحوني ابهالموتر وهو صدق فنان وداش خاطري

بس قبل اشويه كنت اكلم ربيعي مدحلي اياه بس قالي

مكينة هاي السيارة 6.1 يعني مب مضمونه نفس باقي المكاينه

يمكن اطيح في جبدك مستقبلاً

من جي اترددت

انزين وييت باسأل شي ثاني

اذا اتقرقع النيسان

ما يعدلون قرقعته الوكاله ولا خلاص ها مصيره يعني

أخويه الصريح

انا ما فكرت في الكدلك لأنه سمعت انه تجييكاته اغلى عن

السيارات الفخمه وفي نفس الوقت قيمته مووول اطيح سواءاً حافظت عليه ولا لا

واحد كان عنده كدلك ومحافظ عليه وعايبنه موتره وما يفكر يبيعه

يوم سا يبيعه ماذكر موديل كم

يابله 11 ألف اتخيل

وموتره صدق يديد وغاوي لكن ها مصير الكدلك من جي مافكرت فيه

بس هو من فخامه وراحه فندق ماعليه كلام



اخواني

اشكركم عالتفاعل وايد استفدت من ردودكم والله

[صريح]

نصـوور

مب سالفة انه راعي النيسان مستحيل يقتنع بشي غير النيسان

شوف بنفسك الشباب هالايام و بتشوف كيف اغلبهم حولوا من النياسين الى الجمسات و خاصة البيك اب.
و هذا ان دل تراه يدل على انها سيارة افضل و اريح و اقوى.

اختلف وياك فالنقطين
الشباب يدورون مواتر قويه فوق الـ 400 حصان
و ارخص شي انه الواحد ياخذله جمس عليه سوبر وارد
اييك سعره امبين ال 90 - 150 الف و يكون مزود فل
و اذا ما كان مزود يركبون له سوبر .. و تركيب السوبر ما يباله وايد شغل

بعكس النيسان اذا بتزود بتركب له تيربو و يباله شغل التيربو و برمجه و حاله
و تزويده يطلع عليك نفس سعر الموتر يعني اقل شي بدفع 50 الف اذا بتزوده عدل مب توب
اذا سعره اللي هو 130 الف اقل شي ( السلق ) عادي يوصل فوق ال 200 الف ويا التزويد

و اذا تبي شي ع قول واحد من الشباب "رخيص و قوي" عليك اب تيربوات بانكوك
بس اذا احترق موترك انا مايخصني لول



السالفه سالفة السعر مب بس الفخامه و الراحه

ما اختلف وياك انه البيك اب المخصر طر و حلوو و قوي
بس فالسواقه ما يعيبني مادري ليش

و عشان ما تزعل واحد من الشباب عنده مشروع
و بيركب مكنيه الدينالي ع نيسانه
يوم حطو المكينه مكان ميكنه النيسان البونيت ما يتسكر المكينه نصه
تواجيج برع خخخ الله يغربلها عوده


بس الجمس حق خطوط السعوديه هو المطلوب
حووت مب موتر خخخ



خــّطاب

الاستيشن ال 6 .. احمسه في البر
و الـ لكزس الفور ويل ..مسمينها العيوز ما تقهر ع البر لول

[ذنـيـنـي]

[

انزين خلونا نسوي مقارنه بين الجمس و النيسان من كل النواحي
و عسب ما تزعلون ما بنقارن بالدينالي، بنخلي المقارنه مع الجمس العادي بو 5.3

الأفضل >> الأسوء

القوة

جمس >> نيسان

العزم

جمس >> نيسان

الثبات على الطريق

ما يبالها كلام النيسان اعتبرها أسوء سيارة فورويل من ناحية الثبات، الهواء يلعب فيها لعب
جمس >> نيسان

الراحة في المسافات الطويلة

اتحدى شخص يقولي انه النيسان اريح من الجمس

جمس >> نيسان

خدمة الوكالة

خدمة النيسان اصبحت من اسوء ما يمكن و من خلال تجربه, عندنا فيتك و مورانو و الوكالة تعاملهم زفت.
بعكس الجمس ( بعد عندنا جمس ) الي تعامل وكالتهم من ارقى ما يمكن و فوق هذا تقدر تزود سيارتك عندهم و تركب سوبر جارج و ما بيطيح الضمان

جمس >> نيسان

عزل الصوت داخل السيارة

الجمس افضل من النيسان بترول بواااايد

جمس >> نيسان

======

و لكل من تحدث عن مشاكل الامريكي و انه يخترب
من بعد عام 2005 تم حل مشكلة الكهرباء في الجمس بشكل جذري و محد يقدر يعيب الخرابات في الجمس الحين

النيسان يتقرقع من اتطلعه من الوكاله و الجير يناقع " جير 3 "

و شو و شو و شو بعد

بس باقي انك تغير نظرة الناس للـ جمس



هيه صح

ربيعي كان راعي نياسين
على ايام النيسان كان يصب بـ 120 درهم و تمشيه 300 كيلو بالكثيييييييييييييير
و يوم خذ الجمس قام يصب فيه بـ 150و تمشيه فوق الـ 700 كيلو