كوكتيــل عمـوه (^_^)

[أنامل قلب]

ما شاء الله عليج عموه .. صدق مبدعه ..

حلو ميلج لرسم الورود .. نقطة طيبة جدا تنم عن روح طيبة تملكينها .. ^_^ ..
والطاووس عيبني ..

تدرين .. أحسج ترسمين براحة .. عقولة وحدة من الابلوات تعبثين باللوحة مثل ماتبين وبجرأة ..
هذا والله أعلم .. !!

اممم .. مادري والله بشو أعلق ..
داشة اليوم الساحة متفاجأة بأربع مواضيع يداد .. ما شاء الله تبارك الرحمن ..
تحمسون الواحد للرسم .. مع ان الحماس مب ناقصنا لكن الوقت مول خرط معانا .. @_@ ..

نرجع للوحات ..
عيبوني بالتسلسل اللي يو فيه .. وانتقائج لألوان اللوحة الاولى والثانية عيبوني اكثر ..
وكلهم حلوات كعادتك ..

:

عزوزتي عمة العيم ..
تقبلي جل ودي واحترامي ..
ولا تحرمينا من أي مخطوطه لج أكانت لوحة كامله .. أم خربشات مبعثرة ..
فكلها تظل طيبة لعيان القلوب ..

:

امتناني الخالص .. والسموحة عالقصور ..
إختج أنامل قلب .. ^_^ ..