وعليكم السلام والرحمة ..

:

كثيرا ما يمر الواحد منا بمثل هذه المواقف ..
وكثيرا ما يكون لهذه المواقف أثرا لا يشعر بمرارته .. غير صاحبه ..

مثل ماقالو عزيزتي ..
اشكي همكِ لله واسأليه خيرا ..

ولا تنسين وضع الاسباب والاعذار ..
يمكن مب قاصده .. سوء فهم .. مشكله خلت المعني يعمل ولا يقول اللي يضايقج ..

دايما احسني الظن .. مب لأن الناس دومها تستهال .. لكن لأن قلبج ما يستاهل إن يخطي ..
ويشوبه شي من كريه الاحساس تجاه أيا كان ..

والله مادري شوللي من الكلام اللي ممكن يخفف عنج ولا يفج من ثقل الهم عليج ..
لكن خذيها فرصة تتقربين منها بزود من ربج يوم قال بكتابه .. سبحانه .. >>
>> (( .. فاليعفوا واليصفحوا ألا تحبون أن يغفر الله لكم والله غفور رحيم )) ..
والعفو عمن تحسبينه أساء إليكِ بحد ذاته لذه ..

وانتعاش للقلوب ..
لا يقدر عليه أيا كان .. !!

وأكرر .. كثري من وضع الاسباب لهم ..
كثري دعاء وحمد .. فهمج مهما ضاق عليج مرده بيتيسر .. (( إن مع العسر يسرا ))
(( وعسى أن تكرهوا شيئا وهو خير لكم )) ..

وكلنا بالنهاية يخطي ..

:

ربي يكون بالعون وييسر لج اللي فيه الخير ..
ودامج متوكله عليه فالكل يهون ..

دعواتنا لج ..
والسموحة عالقصور ..

:

ولا تنسين تظلين مبتسمه ..
فهمج مهما كان ثقيل عليج .. يظل أهون عن غيره ..

والحمدلله عكل حال ..