هل أنتَ | أنتِ مع | ضد الإختلاط؟؟؟؟؟

[مزايا]

مرحبــا
بصــراحه ماقدر اصــوت بـ الرفض مع إني أفضل عدم الاختلاط
أنا اشــتغل فـ مكان مختلــط وتخصصي يحتم علي هالشي ومش حابه هالشي لاني مش ماخذه راحتي =(
بس الشي اللي مصبرني إنه إثنين من إخواني يشتغلون معاي
صح مب في نفس القســم بس فـ نفس المكــان =)

[عافك الخاطر]

السلام عليكم..

أنا لا مع ولا ضـد الاختلاط..

بحكم اني ادرس في كلية مختلطة .. شفت كل الأصناف.. ومب شرط كل بنت موجودة في كلية مختلطة اتحطون عليها علامة اكس ..! ا1ا بتكلم عن كليتي.. فـ فيها بنات ملتزمات و عباه عـ الراس و لا مرة اتشكوا او قالوا شي.. بالعكس ماخ1ين الأمور بطريقة مبسطة وحتى الدكاترة متفهمين لهالشي ..و البنات عادي يتكلمون مع زملاؤهم من الجنس الآخر في حدود الدراسة و بكل ادب و الاحترام متبادل ..!
وما بكون خيالية و اقول ماشي بنات مطيحات الميانه والحياة حلوة عندهم .. بس ها شي راجعلهم ..هم واهلهم كانوا يدرون شو يعني ان البنت تدرس في كلية مختلطة .. فـ اللوم ما بيكون على الاختلاط ..اللوم حزتها على البنت ..والله يهديهم ان شاء الله..

.
.
انا اعتراضي هني هو انكم تدخلون امور الزواج في هالشي..
يعني فرضاً البنت محترمة و ما فيها شي الا انها تدرس في كلية مختلطة .. ! بيكون ها سبب لرفضها .؟! بصراحة ما اشوفه سبب مقنع ..
.
.
كل شي في الحياة له سلبيات وايجابيات ..
حتى اللي يدرسون في كلية كلها بنات .. عندهم مشاكل و بلاوي ..
يعني باختصار العيب مب في الاختلاط احياناً .. العيب في الشخص نفسه ..

..
والله يوفق الجميع
:)

[جنة عدن]

السلام عليكم ورحمة الله وبركاته
انا اشكر اخي الفاضل على الطرح الحلو وشوف انو سالفة الاختلاط ترتبط بمعاني كثيرة من بينها السبب
لي خلي الانسان يشتغل في مكان عام او مكان فيه رياييل
انا شوف انو مو عيب لانو البنت لي مرباية منيح ابدا مراح تنظلم لانو اصلا الرجل يخاف من البنت المرباية والشغل مو عيب في حدود الاحترام المتبادل والشخصية المؤنة الي تخاف الله في اعراض الناس
والسلام

[ملاك الروووح]

::

سبحان الله اليوم كنت أكلم مرت أخوي عن هالموضوع ..

ويالسه تنصحني بما اني بشتغل الحين .. وتقولي من الحين أقولج ..

لا تسوين سالفه حق الشباب في الدوام .. حتى سلام لا تسلمين عليهم ..

قلت لها .. أنا حاطه ف بالي .. ذات آي ول كيب ات بروفيشينال ..!

<< عرفنا انج تعرفين انجليزي

:

وقلت لها أحس انه يعتمد عالبنت بشكل كبير ..

يعني لو وحده عاقه الميانه مع زملاءها في العمل .. أكيد بيتحرشون فيها الشباب ..

وبتتأذى منهم .. لكن لو كانت محترمه نفسها ومحتشمه .. وفارضة حدود ف تعاملها معاهم

في مكان العمل .. ما أعتقد انها بتتعرض للمضايقات ..!!


مع انه حتى المحتشمه صارت ما تسلم من لسان الشباب

::

بس لو الخيار بايدي ..

وبالنسبه لي يعني ...

أفضل انه الوحده تيلس ف بيتها وايد أحسن لها .. خاصه لو كانت متزوجه

لكن إذا كانت محتايه الوظيفه .. ومضطره تشتغل .. ف ما أشوف انه في مانع ..

إذا كانت محترمه نفسها .. وما تتعدى حدودها مع زملاؤها ..


لأني من السوالف اللي أسمعها من اخواني وخواتي وربيعاتي ..

صرت أحس انه الأوضاع الحين صارت .... يعني حدث ولا حرج .. !!


الله يستر علينا وعلى بنات المسلمين ..

:

تحياتي لكل من شارك وأبدى وجهة نظره ..