هل أنتَ | أنتِ مع | ضد الإختلاط؟؟؟؟؟

[مزايا]

^
^
^
محتلين المكــان لووول والثالث ياي فالطريــج P=

[عمة العيم]

انا قلت لا...

لأن صفة الخجــــــــــــــل ستزووووووول بين البنت و الشاب في الاماكن المختلطه (عمل-دراسه)....و هالشي حاصل بين الشباب و البنات في ايامنا هذه...و هالشي غلط!

و البنت تستوي ماتستحي من اي شاب...و الشاب ايضاً مايستحي من اي بنت.... بالمختصر المفيد
حياتنا بتتحول الى حياة الاجانب....و شوي شوي صفة الغيره بتزووول بعد...و هالشي لها آآآثار جداً سلبيه على ديننا و عاداتنا و تقاليدنا ....

(^_^)
...

[عافك الخاطر]

السلام عليكم..

أنا لا مع ولا ضـد الاختلاط..

بحكم اني ادرس في كلية مختلطة .. شفت كل الأصناف.. ومب شرط كل بنت موجودة في كلية مختلطة اتحطون عليها علامة اكس ..! ا1ا بتكلم عن كليتي.. فـ فيها بنات ملتزمات و عباه عـ الراس و لا مرة اتشكوا او قالوا شي.. بالعكس ماخ1ين الأمور بطريقة مبسطة وحتى الدكاترة متفهمين لهالشي ..و البنات عادي يتكلمون مع زملاؤهم من الجنس الآخر في حدود الدراسة و بكل ادب و الاحترام متبادل ..!
وما بكون خيالية و اقول ماشي بنات مطيحات الميانه والحياة حلوة عندهم .. بس ها شي راجعلهم ..هم واهلهم كانوا يدرون شو يعني ان البنت تدرس في كلية مختلطة .. فـ اللوم ما بيكون على الاختلاط ..اللوم حزتها على البنت ..والله يهديهم ان شاء الله..

.
.
انا اعتراضي هني هو انكم تدخلون امور الزواج في هالشي..
يعني فرضاً البنت محترمة و ما فيها شي الا انها تدرس في كلية مختلطة .. ! بيكون ها سبب لرفضها .؟! بصراحة ما اشوفه سبب مقنع ..
.
.
كل شي في الحياة له سلبيات وايجابيات ..
حتى اللي يدرسون في كلية كلها بنات .. عندهم مشاكل و بلاوي ..
يعني باختصار العيب مب في الاختلاط احياناً .. العيب في الشخص نفسه ..

..
والله يوفق الجميع
:)

[أنامل قلب]

اممم ..
الصراحه .. ماظني ان شي من البنات اللي تحب هالنوع من الاختلاط .. سواء بالدراسه أو العمل ..

لكن ..
الحينه ما شي شغله الا ويدخل فيها الاختلاط بالغالب .. لكن هم اختلاط عن اختلاط يفرق .. !!

يعني تشوف لك مكان فيه اختلاط لكن مش ذاك الزود وقليل جدا ما يتم التواصل ما بين البنت والرجل ..
وبالكفه الثانية تلاقي العكس .. البنت نادر ماتتعامل مع بنت شراتها .. وكل اشغالها تكون مع الجنس الآخر .. !!

واهني إيي دور الأهل باختيار الوظيفه اللي تناسب وطبع البنت .. يعني مثل ماقالوا البنت حييه ..
لكن إلا وهالحيا يقل ابها و تصير القعده مع الشاب بالنسبة لها شي عادي .. >> مابقول انها مسوية شي غلط ..
لكن كمنظر ووضع مول مب شي لها ..

أحيد وحده من الابلوات مره ذكرتلنا موقف جدا مب شي بالنسبة للحرمه ..
تقولنا مره لمن كانت بالجمعية وريلها صادفت وحده من المنقبات مع زوجها .. >> وابلتنا منقبه ..
تقولنا لقت واحد يناديها " الحرمه المنقبه اللي صادفتها " ويقولها هلا ....... اسمها ....... اشحالج .. لا و بابتسامه عريضه وضحكه والخ ..
وتفاجأت بالحرمه تقول لزوجها وبطبيعية (( هذا زميلي بالشغل )) وراحت تسلم عليه ..

تخيلو عرفها وهي منقبه .. $_$ ..

وبالنهاية نرد ونقول مب غلط لكن اختلاط عن اختلاط يفرق .. >> ياخي ماعرفنالج مع ولا ضد .. !

وعني أنا ..
خل اخلص دراستي بالأول لول .. ^_^ ..

لكن بشكل عام ماظني بتأقلم مع شغله فيها اختلاط .. مب ناقصه بهدله .. #_# ..
والبنت ترى حلاتها بحياءها ..

يعني أوافق عموه بشكل أو بآخر .. ^_^ ..

[أنامل قلب]

^

خخخ الله يرج ابليسك أخوي ..

فطست ضحك ..

^_^ ..

[جنة عدن]

السلام عليكم ورحمة الله وبركاته
انا اشكر اخي الفاضل على الطرح الحلو وشوف انو سالفة الاختلاط ترتبط بمعاني كثيرة من بينها السبب
لي خلي الانسان يشتغل في مكان عام او مكان فيه رياييل
انا شوف انو مو عيب لانو البنت لي مرباية منيح ابدا مراح تنظلم لانو اصلا الرجل يخاف من البنت المرباية والشغل مو عيب في حدود الاحترام المتبادل والشخصية المؤنة الي تخاف الله في اعراض الناس
والسلام

[ملاك الروووح]

::

سبحان الله اليوم كنت أكلم مرت أخوي عن هالموضوع ..

ويالسه تنصحني بما اني بشتغل الحين .. وتقولي من الحين أقولج ..

لا تسوين سالفه حق الشباب في الدوام .. حتى سلام لا تسلمين عليهم ..

قلت لها .. أنا حاطه ف بالي .. ذات آي ول كيب ات بروفيشينال ..!

<< عرفنا انج تعرفين انجليزي

:

وقلت لها أحس انه يعتمد عالبنت بشكل كبير ..

يعني لو وحده عاقه الميانه مع زملاءها في العمل .. أكيد بيتحرشون فيها الشباب ..

وبتتأذى منهم .. لكن لو كانت محترمه نفسها ومحتشمه .. وفارضة حدود ف تعاملها معاهم

في مكان العمل .. ما أعتقد انها بتتعرض للمضايقات ..!!


مع انه حتى المحتشمه صارت ما تسلم من لسان الشباب

::

بس لو الخيار بايدي ..

وبالنسبه لي يعني ...

أفضل انه الوحده تيلس ف بيتها وايد أحسن لها .. خاصه لو كانت متزوجه

لكن إذا كانت محتايه الوظيفه .. ومضطره تشتغل .. ف ما أشوف انه في مانع ..

إذا كانت محترمه نفسها .. وما تتعدى حدودها مع زملاؤها ..


لأني من السوالف اللي أسمعها من اخواني وخواتي وربيعاتي ..

صرت أحس انه الأوضاع الحين صارت .... يعني حدث ولا حرج .. !!


الله يستر علينا وعلى بنات المسلمين ..

:

تحياتي لكل من شارك وأبدى وجهة نظره ..