العـجيـبـة Vs العنــود

[العجيبة]

السلام عليكم جميييييعــــــــاااا


العجيبة اهني .. خخخ شو صاير بالدنيــا ؟
ولا شي .. بس قررت أدخـل المطبـخ ..


وقبـل ما أخبركم شـو سويـت ..
بخبـركم قصتـي المأسـاوية اللي دفعتنــي أدش المطبـخ وبقــوة


يقــولكم العجيـبـة .. هيييه هذي اللي تمشي في الأرض .. عنـدهـا بنـت خال أصغـر منها بـأربع سنوات تقـريبــا ..
المهم هالبنـت تهـوى المطبـخ والطبيــخ .. وتحـب تتعلم من أمهـا ( الطبيييخــة )، حتى أمها تطبـخ أكلات حلوة مب مثل أمي اللي مكتفية بالهريس والثريد والمجبوس وما تسويلنا هالأشياء الا ثلاث مرات في السنة ! خخخ أقصد نادراً يعني ..


المهم الثــانيــة .. هالبنـيـة .. كل ما تســوي شي يديــد .. زخـت تلفون بيتهم .. ألووووو ألووو حووول .. وين عجييبوه ؟
اتيي عجيبــوه ركض عالتلفون .. حد متذكرني ومتصل فيني لول ، هلاااا عنـدوه .. شو عندج ؟
هلااا عجبوه .. تعالي بيتنــا مسوتلـج شيء ..
أروووح بيتهم وألقى الأخـت شاقــة الحـلـج .. ولازم تغايضني " أنا سويت هذا "
ويوم تتكلم جي بخـق .. وتشوفني بنص عييـن وتقول " هااا ياللي أكبر مني ترومين تسويين مثلي "
خخخخخ

عــاد فـي 2 مايو الماضي كان عيد ميلادها عنـدووه ..
قلت لهــا فيه مفاجأة بسويلــج اياهــا .. بس يوم ألقـى فرصة ..

لقيت فرصة قبل يوميــن .. طبعـا هو ما كان شي فرصة .. بس أنا أوجدتهـا غصـب ..

ودخـلـت المطبــخ .. وخربت وحدة من المكاين اللي فيه لوول

المهم طلعـت النتيجــة كالتـالـي



وديــته حق عنــدوه ..
جان أقولها يالله ازرعيــه في بيتكم .. زيني بيتكم بدال هالحشيش اللي زارعينه خخخ
جان تقولي انزيين وشلته بلا مبالاة .. جان أقووولهااا ايييه يالطيبــة تراه أكل يأكلونه ..

خخخخخخ
يوم قلتلها جي .. طالعتني بنص عين
قلت لهـا .. والله !
هههههههههه وعقـب مـت من الضحـك يوم شفتها رفعـت الصحن تشمّـه لول



المهــم ..

هالأكله عــاديــَـه وما فيهـا شي .. وكل خلق الله يعرفونهـا
اللي هي الطبقــات ، وكل الناس يتفنـون في الطبقات اللي يسونهـا
والمشكلة كلهم يسوونهــا في صحـن واحـد وبشكـل واحـد
هالمــرة أنا غيّـــرت .. عشان أطلــع عمري محترفـة جدام بنت خالي لول

جـربــوا .. وشوفوا ردود أفعــال ضيوفكم خخ



تحيـــــــاااتـي
كــل العـجــب

[بنت الدلع]

حلفي انتي بس ؟

يعني كيف نجرب وانتي مب حاطه المقادير ولا الطريقه

انا لو كنت بدال العنود
اول شي بقولج تتمصخرين يايبتلي هاه ازرعه >>> هاه بعد اونه مب تارس عيني P:

حليلها على نياتها بعد سايره توديه برع

جان احبها لول

انزين شو هالشي ؟
سويت ، كاكاو ، اكل P: يعني food ؟

[الدلووووعة]

هههههههههههههههههههههههه

نقعت من الظحك حليلي وانا بعد اشوف الصوره قلت بلاها هاي عاطيه البنت فيمتو مثلج خخخخخخخ ومحطيه عليه نعناع ( خخخخخخخخخخ شفتو كيف التفكير )

واخر شي شو ظهر طبقات هيه فالحة تراني ^^

[مزايا]

شو الاكله بضبط ؟!
سوري بس إستيعابي بطئ وايد

[حلم الطفوله]

السلام عليكم

يا عيني عالطبيخه العجيبه !

هذا الله يسلمكم يسمونه ( حلى الشتلات )

ونفس ما قالت العجيبه ....طريقته شرات الطبقات بالضبط وكل حد يتفنن بطريقته

بس الطبقه الأخيره عبارو عن بسكوت الآرووو مطحون شوي ( عشان يكون شرات التربه )

وأخيرا نعناع أخضر

عجيبه ..عقبال المجابيس والمحمر والمشمر والمحاشي والمشاوي

[خيال الحب]

الي يسمعج يقول هاااااي الحين مخلصه الجامعه وتدورر شغل قاعده تسوي هالسوالف


مب جنه الامتحانات بقالها كم من اسبوع وتبداا لا ومب اي امتحانات امتحانات ثانويه عامه


حلفي انتي بس




انا اقول شو هالرمل وتقول حقها اكل

انزين اكتبيلناااا المواصفات احترناااا

ناس قالو فيمتو مثلج خخخخخخخخ ويا مخهم >>>تراني شراتج يالدلوعه لوووول

ذاكري انزين


العنود لاحقه عليهااا

[حركات]

ههههههههههههه سالفتكم اتضحك

بس شوهالاكله العجيبه

[عمة العيم]

خخخخخخخخ

بغششكم انا

عباره عن طبقات

كيييييك و كريمة الجوووكليت و كريمة فانيللا و بسكوت اوريو مجرووووووووش لكي يعطي شكل الشسمونه

هذا

السماااااد عشان تتحرونها صدق مشاتل

(^_^)
...

[هزاايم]

...........

[ملاك الروووح]

:

وعليكم السلام

لوووووووووول

والله أول ما شفت الصوره ..

قلت ف خاطري اشفيها العجيبه مضيعه ..

ليش منزله الموضوع ف واحة المؤكولات .. ماشي واحة المشاتل ..

شكله صج جنه زرع والله .. ما تنلام العنود يوم انها تشمه لوووول

:

يزاج الله خير عمووووه

يبالي أيرب أسويها .. عيبتني الحركه وايد والله



:

تسلمين العجيبه ..

وسلمي لي على العنوووود

[طير الغرام]

فـ البدايه شكيت فـ عمريه >> قلت يمكن حادره واحه غلط

فكره حلوه والله =)

[قرموشة]

هـ الشي كـانوا يوزعوونه في عزييمــه خاالي
اول شي تحرييته رمـل لول
طـلع نوع من الحلوياات وطععععععمه يمي يمي

[العجيبة]

بنت الـدلــع

حلفي انتي بس ؟

والله بس

أنا حاطة الطريقة واعتمـدت على الشهرة اللي تحوزها هالطريقة وما بغيت أطول عليكم وأعيد السالفة مرة ثانية

عالعموم الحمدلله انتي مب العنود .. وهاي هي الطريقة بروايتين مختلفتين ..

هذا الله يسلمكم يسمونه ( حلى الشتلات )

ونفس ما قالت العجيبه ....طريقته شرات الطبقات بالضبط وكل حد يتفنن بطريقته

بس الطبقه الأخيره عبارو عن بسكوت الآرووو مطحون شوي ( عشان يكون شرات التربه )

وأخيرا نعناع أخضر

عباره عن طبقات

كيييييك و كريمة الجوووكليت و كريمة فانيللا و بسكوت اوريو مجرووووووووش لكي يعطي شكل الشسمونه

هذا

السماااااد عشان تتحرونها صدق مشاتل

وولكم الساااااااع

[العجيبة]

الدلوووعــة

خخخخخ موتييينييي ضحـك ..
شو فيمتـو مثلج .. فـ حيـاتي ما فكـرت أسوي هالعصير .. بعد أسويه وأثلجه وأوديه حق عندووه ! قوويه يا شيخة


مـزاياااا
امممم هاي أكلة الطبقــات .. ما تعرفينها ؟ هيهيهيي أنا ما أعرف أشرحها لول أعرف أسوي وانا ساكته خخ
بس طالعي ردود الأخوات حلم الطفولة + عمة العيم .. وان شاء الله بتعرفين