مسابقة واحات بن دبي للرسم

[المحاق المشتعل]

للعلم

تم تأجيل موعد انتهاء المسابقه لتاريخ

2/6/2007م

حتى يتسنى للبقية الانتهاء من امتحاناتهم ومن ثم المشاركه

تقبلوا خالص اعتذاري

محاق

[أنامل قلب]

لاااااااااااااا
كنت مستانسة إن بيكون بوقت الامتحانات ..
عشان اظلني مشغوله والقفطة ماتصير جدامي لول .. بما إنكم بتعرضون كل الرسمات : (
لا بعد .. بكون مخلصه قبل الموعد بيومين .. 31 / 5 .. #_# ..

امممم .. احم ..
^_^ أسولف طبعا ..
بالعكس كنت ناوية ادز لك رسالة عشان تأجل الموعد ..
كله ولا وردة القلوب .. شوقنا ..
إنسانه محد يحب يرد لها طلب .. ما شاء الله عليها ..

يزاك الرحمن كل خير على مجهودك وإختنا عمة العيم ..
وربي لكم حافظ ..

[المحاق المشتعل]

اشكرج من الاعماق انامل الابداع

وشوق القلوب

تستاهل اكثر من هذا الصنيع

ونوقف لها ألف موضوع اذا طلبت

وان شالله اتكون الفترة إلي حطيناها لها كافيه بإذن الله

واذا ما كفتها ان شالله اتقول ونحن في الخدمه

محاق

[ملاك الروووح]

::

انا طرشت رسمتي .. الحمدلله ..

لحقت عالديد لاين .. وعالسريع رسمت الرسمه

ما دريت انه محاقنا بيأجل المسابقه .. ولا جان تفيجت ورسمتها على روااااق ..



:

محاقنــــا

شو رايك تكتب لنا أسامي الأعضاء اللي طرشوا لك للحين الرسومات ..

عشان نعرف منو هم المنافسين ..

[شوق القلوب]

أكـــــــــــــــــــــبـ ــر شكـــــــــــــــــــــــ ـراً للمحـــــــــــــاق...

ما تتخيــــــل اشكبر الابتســامه اللي انرسمت على ويهي من قريت ردك ..

[المحاق المشتعل]

ملاك الروووح

فكرة جميله وووو بشوف عمتنا لأنها امرتبه الأسامي والاعمال

كلها ويا بعض وان اي شي اييني اطرشه لها ( الولد كسول والبنت شاطرة )

ان شالله اتي عمو وبنشوف الاسامي كلها بإذن الله تعالى

وتعالي ملاك

اذا فيج حيل ارسمي الرسمه من اول وعلى رواق وبنحطها بدال الجديمه لو بغيتي

نحن نبغي رسمه مال مزاج سنع من جي لج الحق اذا تبين اتعيدينها مافي مشكله


ومن الاعماق اشكرج عالمشاركه الطيبه الفنانه





شوق القلوب

على الرحب والسعه

يهمني انج تطلعين من هالموضوع وانتي شاقه الابتسامه شق

وشوق القلوب تستاهل كل خبر وتستحق اكثر من هذا بس انتي آمري

في انتظار رسمتج بإذن الله

موفقه دائماً

محاق

[ملاك الروووح]

::

خلاص بنتريه عمتنا فديتها



:

هاه أعيد الرسمه

شخبارك بعد محاق ؟

علومك ؟

لوووووووول

<< وحده توهقت هاه ..

:

والله بشووووف اذا حصلت فرصه .. وخف عوار ايدي بحاول أبدا في الرسمه الحين ..



وان شاءالله خيـــــــــر عاد ..



:

أحس انه رسمتي شكلها مب لهناك .. عشان جيه تباني أعيدها

خلاص ان شاءالله آي ول دو ماي بست ..