مسابقة واحات بن دبي للرسم

[المحاق المشتعل]

للعلم

تم تأجيل موعد انتهاء المسابقه لتاريخ

2/6/2007م

حتى يتسنى للبقية الانتهاء من امتحاناتهم ومن ثم المشاركه

تقبلوا خالص اعتذاري

محاق

[أنامل قلب]

لاااااااااااااا
كنت مستانسة إن بيكون بوقت الامتحانات ..
عشان اظلني مشغوله والقفطة ماتصير جدامي لول .. بما إنكم بتعرضون كل الرسمات : (
لا بعد .. بكون مخلصه قبل الموعد بيومين .. 31 / 5 .. #_# ..

امممم .. احم ..
^_^ أسولف طبعا ..
بالعكس كنت ناوية ادز لك رسالة عشان تأجل الموعد ..
كله ولا وردة القلوب .. شوقنا ..
إنسانه محد يحب يرد لها طلب .. ما شاء الله عليها ..

يزاك الرحمن كل خير على مجهودك وإختنا عمة العيم ..
وربي لكم حافظ ..

[المحاق المشتعل]

اشكرج من الاعماق انامل الابداع

وشوق القلوب

تستاهل اكثر من هذا الصنيع

ونوقف لها ألف موضوع اذا طلبت

وان شالله اتكون الفترة إلي حطيناها لها كافيه بإذن الله

واذا ما كفتها ان شالله اتقول ونحن في الخدمه

محاق

[الـيـاه]

^

اوه ملاك الروح مشاركه .. عييييييييل اتريا النتااااايج على أحرر من الجمر ههههههه

[ملاك الروووح]

::

احم احم

يقولون يالياه اني مشتركه ..

عاد الله يستر منج .. أحس بج بتقطعيني تقطيع ..

ف ما بخبرج أي وحده رسمتي .. أحسن

:

وبعدين انتي اشتركتي بعد ولا شو ؟

لازم لازم تكونين مشتركه .. ولو مب راسمه للحين .. تلاحقي على عمرج يالله

وشدي حيلج وبدعي لنا

[الـيـاه]

^
سلمت رسمتي من زماااااااااااااااااان لووول - شاطره انا - < هيه وايد XP

[ملاك الروووح]

::

ماشاءالله عليج


عيل دام انج انتي مشتركه في المسابقه

نحن ما لنا أمل نفووووز

:

يالله متى بتنزل المسابقه

متشوقه أشوف الرسومات كلها

[المحاق المشتعل]

ملاك الرووووح

الياه

شكر خالص من الاعماق على جهودكم الطيبه

ملاك الرووووح

بالعكس فنانتنا بدون مجامله وايد عيبني شغلج

بس ما كنت ابغيج ادشين مسابقة إلا بأحسن اداء عندج

عشاني اتمنى الفوز للكل

انتي دام انج شاركتي خالص انتي سويتي إلي عليج واكثر يا اطيب الناس

لكن قلنا نبا انشوف الاداء الكامل لج مب إلي مب كامل



نلتقي قريباً في ارض المعركه شدو حيلكم

وإلي ما رسم بنفشله هيهيهي

موفقين إن شاء الله تعالى

خالص احترامي

محاق

[ملاك الروووح]

::

هلا والله أستاذنا ..

تسلم ياخوي .. من طيب أصلك والله




يربت أرسم مره ثانيه .. بس ما طلعت بنتيجه أحسن ..


ف عشان جيه .. خلاص اعتمد الرسمه اللي عندك

الظاهر انه هذا أحسن أداء لي هع هع

::

يالله نتريه المسابقه على أحر من اليمر بصراحه

وايد متحمسين .. ونبا نشوف مشاركات .. وابداعات الأعضاء ..



:

وألف شكر لك ولعمتنا .. على الجهود الطيبه المبذوووله

يعطيكم ألف عافيه ..

[عمة العيم]

ههههههه

اسم الله عليكم

تبون اسماء الي خلصوا رسماتهم؟؟؟

لا ماشي... عيب خخخخخخخ اونه عيب

لا يجوز مايستوي انقول لكم هذا غش خخخخ

اونه من لجنة الحكم وايد متعصبه خخخخ مايليق عليه حليلني وشحليلتي

اللي عندي رسوماتهم هــــــــم:-

الدافيه
الشوق
العجيبه
اليااااااااااااااااااااه
امطار
اناامل قلب
تنييييييييييينه
عديم الشوق
قطرة ندى
ملاك الروح
همس الشفايف

و بسسسسسس

نترياكم يا حبايبييييييي

جاو
(^_^)
...

[الـيـاه]

^

ماشاااااء الله ..
الصلاه ع النبي يخجي ..

والله تحسبت مال 4 - 5 جي مشاركين .. ماشاء الله زيييين انه جي
الله يوفقهم

والله يعطيكم العافيه يا عمة العيم + المحاق المشتعل

[ملاك الروووح]

:

لوووووووووووووووول

أنا والياه تونا نسولف عن هالسالفه عالمسن

طلعوا وايدين ماشاءالله هاه ..

:

أحسن .. عشان نشوف ابداعات الأعضاء ..

ونستانس .. وتكون المنافسه أقوى ..

:

بالتوفيق للجميع

[الشوق]

ماشاء الله
زين زين
كثروا من هالمسابقات .. عسب نستفيد وانحصل على جوايز من وراكم هيههيه
.
.
.
اقصد خلص الوقت متى راح اتحطون الرسومات ..
ابصراحه ابدع كل من شارك
صح ما شفت الرسمات الين احينه
بس كفايه الاسماء المطروحه يل فنانين الواحات
وبالتوفيق للجميع
:) اختكم/
الشــــــــوق

[المحاق المشتعل]

السلام عليكم ورحمة الله وبركاته

حاولت اعطي آخر وقت عشان نستقبل الرسمات

وفي النهايه تم التوقف عن استلام الرسمات من الآن

وان شالله بنرتب احينه لعرض اللوحات بإذن الله تعالى

وان شالله بيكون عرض اللوحات في موضوع يديد بإذن الله تعالى

شاكر لكم تعاونك اعزائي

كل الشكر والتقدير لكم

محاق