استغفر الله العظيم || شو ها وين دخلتونا || شو هالخارصين و منو خرّصاه " قال له اخرص يعني " و الانود سهله بس شو هالكاثود || لا وسفير الخيال طينها بيشرح الجدول الدوري || الدوري معروف و الجدول بتلقاه فالجريده ليش تبا اتعبنا || انزين اندش فالجد || و الجد هلله هلله عليه


شكرا ً مواصلات الإمارات (( شكرا ً لكل الباصات الي ركبناها - مكيفه والا مب مكيفه )) شكرا ً لكل سايق تحمل شقاوتنا


شكرا ً لج يالعجيبه على هالموضوع العجيب و الجميل و المفيد " بكل صراحه فريد من نوعه


(( عجبني مجسم الباص - بتبيعينه !!؟ ))


في تساؤل بسيط تبادر لذهني .. و هو حساب التكاليف .. تكاليف استخدام مادة الخارصين كعازل .. في جميع الحافلات .. وهل بيأثر استخدام هالماده مثلا في زياده وزن الباص .. إلخ


يعني المشروع المطروح ناقش فائدة استخدام هذه الماده و إنها راح تجنب (( مواصلات الإمارات )) الصدأ - فهل ناقش كم بتتكلف مواصلات الإمارات ؟ بغيت اعرف لا اكثر

و شكرا لج يالعجيبه على هالموضوع تسلم اياديج