..+ [ صبـــايا .. أبي مساعدتكم !! ] + ..

[ملاك الروووح]

::



إشحالكـــــــم صبايـــــــا ؟!

ان شاءالله بخــــــــير ..



:

دخيلكـــــــم أبي مساعدتكـــم ..

اطلقـــــــوا معاي العنان لخيالكم وراووني ابداعاتكــــــم وأفكاركم العجيبه

:

عرس أخوي جريب ان شاءالله ..

وطبعاً كل بنات الواحات معزومين من الحيــــــــن ..

وكنــــــا نبي أفكار حق العرس .. .. وحق التوزيعات

يعني انه نسوي حركه مثلاً ..

أو انه يكون شي ثيم .. نسوي على أساسه بطاقات العرس .. والكوشه والسنتر بيس ..

مادري إذا في حد منكم عنده أفكـــار حلوه .. ولا شاف ف عرس مسوين شي حلو وعيبه ..

دخيلكم لا تبخلون علي بهـــــا ..

لأنه نبي نجهـــــز من الحين .. ماشي وقت ..!

ومشكــــــــــورين مقدماً ..

تحياتي لكـــــــم

[شهوووودة الأمورة]

مرحبابج ملااك الرووح..

ممممم ما عندي فكره بالضبط عن اي شي .. ( بروحي أفكر في عرسي شو أسوي !!!)

بس احيد اختي حضرة عرس وعيبتها الفكره اللي مسوينها اهل المعرس.. اللي هي:-

في كل ساايد للطاولات والكراسي والسنتر بيس للطاولات كان لون .. يعني مثلا ..
بنقول انه الفندق فيه تقريبا 5 سايدات اوكيه ..
السايد الأول ( لونه أحمر)
السايد الثاني ( لونه برتقالي)
السايد الثالث ( لونه بنفسجي)
السايد الرابع ( لونه ماروني)
السايد الخامس ( لونه أصفر)
يعني هذا مثال بس ما حيد الألوان اللي خبرتني عنها اختي..
بس جد تقولي كان العرس مرتب وحلووو يخبل ..

أتمنى اني أفدتج بشي ^_^ والسمووحه يالغلاا

[ملاك الروووح]

:

مرحبا بج زود حبيبــــــــتي شهوده



:

حلـــــــو والله

عيبتنــــــي فكرة انه القاعه تظهر ملونه ..

أحس حلوووووووو !


بس أهم شي اني أحط اللون العيناوي

:

مشكــــــــوره حبيبتي ..

ماقصرتي والله ..

انشوفج ف عرسج ان شاءالله

وألف مبروك ..

الله يتمم لج على خيـــــــــــر ..!

على فكره

حبيت الشبكه واااااااااااااااايد

تتهنين فيه يارب ..

[حبوبه دبي]

سلااام .. !!

اشحــالج !! عســاج الا ابخيـــرر

مبــــروووك مقــدمــًا وربي يسعدهــم فـ حيــاتهم يارب


المــهم ،،

هممم

شــو رايــج فـ ثيــم تـــراثي !! يعنــي الديكــور والكـوشة اتكـوون دقــه قديـــمـه
ع خفيـــف احـس بيطلــع حلــو ..

وعنــدج بعــد .. ثيــم كله ورد ! اختـارو نوع واحد من الورود مثل التـوليب ودخلـو عليه لــون ثــاني همم لـون المــارون


وعـن التـوزيعـات ع حسب الثيـم اكيــد ..

ان شالله اكــون افــدتـج بشــي



والسمـــوحه

[ذنـيـنـي]

انا اقول لا تفكرون وايد

لأنه كل ما فكرتوا اكثر كل ما خسرتوا اكثر كل ما كرهكم اخوكم اكثر لول



و مبروكين مقدما و الله يكون في عون اخوج على افكاركم "الهدّامه"

[الهيثــم]

صح كــلامك ^^

[مجموعة إنسان]

تبين محل يخترعلج كوش ومادري شوووو

خلي برج العرب على يسارج
وامشي في شارع جميرا
ليييييين ما تشوفين محطة ايبكو على يمينج
بعدها خذي يوتيرن
بتشوفين بيييت لونه اخضر مادري فيروزي
جدامه جرات كبار
سيري عنده

الأول في الخلييييييج

[روضه]

مرحبا ملاك....
مبرررروك مقدماَ....
وعقبال الكل....
مشكوره ع الدعوه...
تبين فكره..؟؟؟
وحدو لون فساتين المدعوييين!!!
فكره...!!!
فكرة حبوبه دبي ...حلوووه...وهالدارج...ومب يديد...بس ستايل حلو..
يبالج اتفكرين عدل..مب سهل الموضوع...
عطينا فرصه انفكر معج...

[مــهــابه]

مــلاكـ :
خـلي الأعضـاء ينـزلون أفكـار وأنا بســرق عــنج ، أنـتي لأخوج وانا اختيه ، قـاعده
أدور لها ومب محصله شي أبد عــاد هذي آخـر وحده فـلازم يكـون عـرسهـا غييير ، مابيكون عـندنا عـرس لـيما ايي دوري( بعد عمر طويل ان شـاء الله)

فـهالله هالله بالأفكار الحــلوه

[ملاك الروووح]

::

حبوبة دبي

وعليكم السلام ورحمة الله وبركاته

أنا بخير وعافيه

اشحالج انتي ؟

عساج بخير ؟!



::

يااااااااااااااي

كشخه .. عيبني الثيم التراثي ..

حبيت الفكره وايد .. حسيتها واااااو !!



تووووني أقول حق العروس والله .. حسيتها استانست وايد ..

قالت لي جان بتسوين على حسابج سوي لا تكلفين على ريلي .. هع هع

:

تسلمين حبيبتي ..

وايد عيبتني الفكره .. و أحس انه بنقدر انبدع في السنتر بيس ..

مثلا انحط فنر .. وحوله ورود .. ومن هالسوالف ..

وحتى الكوشه .. والتوزيعات ..

الللللللللله اتحمست وايد

:

ثانكس فديتج

[ملاك الروووح]

::

هلا هلا ذنيني

لووووووووول

أول شي الله يبارك فيك ..

وعقبااااالك يارب

::

وبالنسبه لأفكارنا البناءه

ترى الله يسلمك الكوشه بتكون هديه منـــي ان شاءالله .. أسميني بفتقر

واختي بتييب الفرقه .. والصبابات .. واخواني وخواتي الباجيات كل واحد منهم متكفل بشي

عشان نوفر عليه .. وخاصه انه ورا شقه .. وبيت .. ف لازم نعين ونعاون ..

باجر نحن بنعرس بعد .. وان شاءالله ما بيقصر ويانا ..

::

الله يتمم لهم على خير .. والله يعدي هالعرس على خير لووول

:

تسلم على مرورك الحلو ذنووون

[ملاك الروووح]

::

ياهلا خطاب ..



:

أنا بصراحه ضد غلاء المهور .. وضد هاللي يسوونه الأهل أحياناً ..

يوم يحطون مبالغ ومهور تعجيزيه .. ف ويه اللي متقدم لبنتهم ..

يعني الريال يبي يكمل نص دينه .. ويبي يستقر .. ويكون أسره ..

ليش نحرمه .. أو نحرم بنتنا من هالشي !!

مقابل شو ؟ كمن بيزه !!

بتكون في الاول والأخير من نصيب بنتكم ترى .. لأنه حلال ريلها حلالها .. ولا انتوا لكم راي ثاني

ف ليش نكلف عالريال ونخليه يتلعوز عقب مع هالديون .. اللي تكسر الظهر ..

أهم شي سعادتهم .. وما أعتقد انهم بيكونون مستانسين إذا كان الريال دافع اللي جدامه واللي وراه

وصافي عالحديده آخر شي .. هذا بغض النظر عن مصاريف الحياه وتكاليفها الغاليه الحين ..

ف اشلون بيقدر انه يمشي اموره !!!

ما أقوول غير الله يكون ف عونكم ..

وان شاءالله اتحصلون بنت الحلال .. واللي أهلها ما يتشرطون وايد

وتعيشون مع بعض ف سعاده .. و وئام وما تشيلون هم الديون ..

:

نحن الحمدلله ما نطلب مهر غالي .. وحتى بيزات الزهاب .. ما نكلف عالريال وايد يعني

وأخوي ماخذ بنت عمي .. وطبعاً ماقصر فديته .. وقالنا نحن شارين الريال وهو ولدنا ومنا وفينا

ونحن مانبي شي منكم .. بس طبعاً لازم نحن ندفع

لكن ما طلبوا وايد من اخوي .. والحمدلله أبوي واخوي ما قصروا ..

ونحن البنات تكفلنا بتجهيزات العرس .. يعني اخوي مريح الحمدلله ومو معور راسه

ومستانس .. يبي يعرس بسرعه .. وأمسات أكدوا الحجز .. وأنا من فلاحتي بعدني مو مسويه شي

<< جني قلت قصة حياتي

:

عالعموم

ان شاءالله انشوف مراعاه أكثر من الأهل مره ثانيه .. لأنه ف أغلب الأحيان يكونون هم

اللي حاطين جيمة المهر .. والبنت حليلها مالها ذنب

وترى الجزاء من جنس العمل .. وشرات ما يكلفون على المعاريس اللي يتقدمون حق بناتهم

باجر الخلق جيه بيسوون في عيالهم ..!

:

تحياتي لكل من وصل لهنيه ..

وهاي علبة بندول لكم هع هع

[ملاك الروووح]

:

ياهلا هواجيــــــــــس

عز الله دليت المكان

خلاص ان شاءالله إذا استقرينا عالفكره ..

بروح المحل وبشوووف شغله ..

ودام انك تمدحه اكيد بيكون حلو شغلهم

:

تسلم ياخوي وماقصرت ..

ألف شكر ..

[ملاك الروووح]

:

ياهلا رويض

مرحبا ملايين حبيبتي



:

العفو فديتج

ترى لازم تحضرين ما يخصني

بأكد عليكم ان شاءالله قبل العرس بفتره .. أبي أشوف بنات الواحات كلهم هناك

:

لووووووووووووووووووووووول

حلفي انتي بس 5 مرات !



حللللللللللوه منج

عيبتني الفكره .. تصدقين ..

يبالنا نسترجع أيام المدرسه .. واليونيفورم ..



:

حبيت تراني فكرة حبوبه وايد .. وحاطتنها ف بالي ..

بس أبي أعرف طريقه الكوشه .. يعني كيف ممكن أسويها ؟

أنا اقترحت على اختي انه نسويها جنها براجيـــل ..

وطبعاً بيكون في حولها أشيا جديمه وجيه ..

مادري شو رايج ؟ عندج فكره ثانيه حق الكوشه مثلا ؟

:

تسلمين حبيبتي على مساعدتج

الله لا يخليني منج

[ملاك الروووح]

:

هلا والله مهابه

ألف ألف مبروووووووووووووووووووووو وووووووووووووووك فديتج

الله يتمم لهم على خير ..

والله يوفقهم ويسعدهم ويهنيهم ..



وعقبااااالج .. أنا الحمدلله شي وحده قبلي ..

بس المشكله انه الوالد ما عنده مانع الصغيره تنخطب قبل .. ما يبي يقطع رزقنا

:

هاه بشري وصلتي حق شي ؟!



اذا حصلتي شي ولا شي .. خبريني ترى ..

أنا للحين حاطه فكرة حبوبه ف بالي .. بس ما يخالف اذا خذت أفكار ثانيه ..



وإذا انا حصلت أي شي تراني بقووولج ان شاءالله

لازم انعين ونعاون ..

<< دخيلكم كم مره قالت شي في الرد

:

نورتي الموضوع فديتج