مسابقه في مجال فن الرسم في واحة الفن التشكيلي ( والدعوة عامه )

[العجيبة]

خلاص اكتــبوا اسمي ويااااكم بعـــد





<< وايد متحمسة الأخـت ..

هذا أول ما شفـت الموضوع

بس عقــب ما شفـت الردود

اسـتـويت جي


الحين مشاركتــي بتعتمــد على نوعية الرسمة المطلوبة، والزمــان ( يعني لا تعتمدوني رسمياً )

أتمنــى انهـا تكون من النوع الأول ، وفي حـدود مقدرتي الرسمية > هذا اذا كان شي مقدرة أصلا <
تنعــد عالاصابع المرات اللي رسمـت فيها، وبعد يايه اشارك


امممم الصراحة الاسماء اللي سجـلت وايد تخـوف، بس اذا شاركـت وياكم بتكـون مشاركتـي تطبيقا للمثل اللي يقول " حشر مع الناس عيد " خخخ .. يعني لا تخافــون مني .. ما بكون منافس قوي


صدقوني يكفيني شرف المشاركة << هيهيهييي كلام حفظتنـي اياه ابلة الكيمياء

وما ننسى نشـكـر لك جهـودك أخوي المحاق المشتعـل ، والأخـت عمة العيم .. الله يوفقــكم

[المحاق المشتعل]

هههههههههه

وهذا وعمة العيم لين أحينه ما تعرف شو السالفه و هي وينها ماعرف ههههههه

يبالها كمن بكس من انامل قلب


.
.
.
.

خنفروش

الله يابك

خلك جاهز حق التكفيخ عنا كمن عضو يبالهم اشويه

حبيب الشعب اشكرك عالمرور ولا تحرمنا انتقاداتك البناءه

[المحاق المشتعل]

هزااايم

هلا فيج أختي وسهلاً

شرفتي مسابقتنا المتواضعه

وها اسمج سجلته عالويتن ليست

وان شالله بتسمعون التفاصيل عن قريب بإذن الله

شاكر لج مشاركتج

موفقه بإذن الله

محاق

[المحاق المشتعل]

اختي الكريمه انامل

جداً شاكر لج حضورج الطيب

في الواقع انا يوم ذكرت عمة العيم على اساس انها بتقرا الموضوع

وبتعرف شو السالفه لكنها ماعندها علم مسبق بالسالفه كلها

بس ننتظرها تحضر وإذا حضرت بتترتب كل الامور بإذن الله تعالى

أما إذا ما يت وإن شالله ما يصير هالشي .. انا بتصرف بالمسابقه كلها

لين ما تحضر ان شالله

عشان جي ما نقدر انحط اي شي أكيد للآن هي مجرد افكار اناقشها وعقب انثبتها بالتشاور

انا والعمة العيميه

بس ان شالله تحضر عشان انثبت المسابقه

وان شالله بطلب منكم اعضائي الكرام خلال هاي الايام بتثبيت توقيع المسابقه

من ضمن تواقيعكم إذا كان ما عندكم مانع طبعاً

عشان نجتذب اكبر قدر من المشاركين

فنانتنا القديره

اسمج موجود سرتي فوق نزلتي تحت

يعني لازم رسمه

فشدي حيلج ونحن ما نستغى عن فنج ابد

موفقه يا رب

محاق

[المحاق المشتعل]

العجيبه


إذا ها حماسج لا بالله نجحت المسابقه هههههه

عزيزه وغاليه اختي المتميزه

اسمج اتسجل من ضمن قائمة الويتن ليست

بس بتشاركين يعني بتشاركين

الرسمه ما بتكون صعبه

اذا كانت صعبه بفنش من الواحات هههههههه

واذا كانت سهله خلو الهديه حقي

والوقت ان شالله اول ما اتي عمة العيم بنحدده

مش لأني ما اقدر احدده احينه

لكن لازم هي كفنانه ولها احترامها اتكون متواجده معانا

وبعدين انحدد كل المطلوب بإذن الله تعالى

اهم شي العجيبه ما تبردين وخلي حماسج فوق

وانا بتصل في خالد حريه عشان يزيد حماس الاعضاء اكثر

( شكلي اتدخلت في الرياضه وشؤونها وشكله كلكوووش وحليله بينازعني هههه )

ومنو قالج الاسماء اتخوف ... انا اشوف كل واحد يقرا اسم الثاني يخاف ليش

السالفه كلها ما يبالها شي اختي

كل إلي في الموضوع أنج بمشاركتج ما بتخسرين شي

وبتسوين جو حلو من المنافسه والمرح

والفايز الله يهنيه بالفوز وان شالله اتكونين انتي

شرفتينا بحضورج والشكر لج مني وبالنيابه من عمة العيم لج ولكل الاعضاء إلي قررو المشاركه

وان شالله يكون الفوز من نصيبج

كل التقدير

محاق

[أنا فقط]

السلام على مبدعي الواحات (زمااااااااان ع الوااحات )

و صباح الخير


شميت ريحة منافسة و تحدي بين الأعضاء .. عادي أسجل اسمي ف هالمعركة الفنية




::


كلمة شكر و تقدير لبابا محاق و المبدعة عمة العيم و بقية فناني الواحات .. يعطيكم ألف ألف عافية


لي عودة بإذن الله !

[الا انا]

"""""""""""""" ناااااااااااااااااااااااا ااااااااااااااااايس """""""""""

:::::::
:::::::::::::
:::::::::::::::::::::::::::::::::::



بالتوفيج للجميع //////////////////////

(((((((((((( محاق انا قبل قلت بشارك بس ,,,,,,, الحين غيرت رايي لأني ما اعتقد اني بفضى ،،،،،،،،

:::::::

يعطيكم العافيه اخوي محاق واختي عمة العيم ........

[المحاق المشتعل]

قطرة ندى

حياج في اي وقت فنانتنا وها اسمج سجلته

وان شالله اتكونين من المتواجدين بإذن الله

واشكر لج كلمتج الطيبه في حقي وحق عمتنا

وان شالله موفقه بإذن الله

محاق

[المحاق المشتعل]

الدافيه

شاكر لج جداً عالمرور

وان شالله حصل خير والله يعينج على انشغالج

بس إذا فضيتي وحصلتي فرصه الموضوع مفتوح لج أختي

فلا تترددين بالمشاركه

دمتي في الحفظ والصون

محاق

[عمة العيم]

هااااااااااااالحيييييييين ااااااه عمة العيم و عمة العيم تطروني من الصبح و انا اعظ لساني في اليوم 100 مره و تكفخوني من الصبح

يعني يعني يا محاقنا انا زعلانه

لييييييييش تتفق ويا غيري قبل لا تحط الموضوع عن المسابقه و ماتخبرني؟؟؟

بعد حاطيني في لجنة التحكيم ؟

بالله عليكم هذه رمسه؟؟؟؟

اناااااا زعلانه



زين ماعليه

الله يصاااااامحق

انا رايي

كالتالي:

نشوف كم عدد المتسابقين....و كل متسابق شو بشو يعرف يرسم .....يعني بنشوف عندنا ناس يرسمون بالرصاص و عندنا ناس يرسمون بالفحم و عندنا ناس يرسمون بالالوان الزيتيه او بالمائيه
عقب بنشوف من كل نوع كم متسابق عندنا؟

عقب بنقسم المسابقه الى مثلاً مسابقة الرسم بالرصاص - مسابقة الرسم بالفحم- مسابقة الرسم بالزيتيه.....فرضاً ماعندنا حد يرسم بالباستيل فما بنسوي عن الباستيل و جي....فهمت يا محاق قصدي؟

عقب المسابقه بتكون على اساس ان....
مسابقة الرسم بالرصاص:
لجنة التحكيم تختار صوره فوتوغرافيه
و المتسابقين يرسمون الصوره بالرصاص
و نختار افضل رسمه تمام؟

مسابقة الرسم بالفحم:
لجنة التحكيم تختار وره فوتوغرافيه
و المتسابقين يرسمون الصوره بالفحم
و نختار افضل رسمه حلو؟

......... الخ

زين عقب بنجمع افضل الرسمات من كل مسابقه رسمه او فائز

و طبعاً الفائزين ينالون على جوائزهم


عقب

بنييب صوره فوتوغرافيه وحده و نخلي جميع الفائزين من الرصاص و الفحم و الزيتي
نخليهم يرسمون الصوره هذه

و الجائزه الكبرى تكون من نصيب افضل و ادق و اتقن رسمه من بين هالانواع من الرسم




شو الراي محاقنا

(^_^)
...

[أنامل قلب]

امممم ..
راي طيب منج خيتو العيمية .. >> ليكون تقربيلي لول ..

:

بس في نقطة مافهمتها ..
يعني بالمسابقه صورة فوتوغرافية وحده لكل الاقسام " اللي وزعتيهم " ولا ؟!؟!
وبالنهاية لمن بتصفون المتسابقين من " مادري كم " لثلاث اعضاء مثلا ..
بيتطلب منهم نقل رسمه ثانية غير اللي رسموها ولا شو السالفه >_< ..

:

امممم ..
يالله ناطرين استاذنا المحاق يبدي رايه ..
وان شاء الله الراي الاسلم يصيب ..

...................:: احترامي ..
والسموحة منج عمتنا اذا ضايقناج بشي .. من غير قصد طبعا .. ^_^ ..

[عمة العيم]

لحظه بعده فخاطري خلوني ازاعق شويه



اللييييييييييييييييي ذبححححححني قهررررررر

ان محاااااااق مسجل اسماء من خلف الكواليس معناته رامسين بالسالفه وانا اخر من يعلم

و الناس تتريا طرح موضوع المسابقه و انا اخر من يعلم

زعلاااااااااااااااااااااا ااااااااااااااانه مايخصني


................

انامل
لا لكل قسم صوره مختلفه

و بالنهايه اخر مرحله يوم نجمع الفائزين نختار صوره موحده لجميع الاقسام

ماعرف انا هذا رايي عاده مادري محاقنا شو رايه

هي هي محاقنا لا تطالعني جي انا معصبه بعدني هي هي معصبه

يا قلبوووه لا فديتج مازعل منج انا

(^_^)
...

[المحاق المشتعل]

عمتنا

الله يابج لنا بالسلامه

وسامحيني الغلطه غلطتي اني ما خبرتج

لكن ما ننسى اسمج في اي موضوع من هاي المواضيع لا تخافين

عمتنا

افكارج حلوة

بس احد الاصدقاء يزاه الله خير اقترح عليه انه ليش ما تخلون المسابقه

من ثلاثة جوائز للمراكز الأولى وممكن اتكون حق كل قسم

للتلوين وللفحم وللرصاص

وعن التلوين الزيتي مادري

يمكن عدد إلي يلونون بالزيت قليل

وإذا يا حد ثاني بيلون بماده غير شو بيكون وضعه ؟

المهم بنشوف الاعضاء شو اختيارهم وبنحدد المسابقه

أشكرج عمتنا عالافكار الطيبه

انا عن نفسي مب مشكله عندي اذا تبغونها جائزه وحده ولا ثلاث جوائز

عمتنا

طرشتلج اسماء المشتركين

إذا كان عندج مجال خاطبيهم بالرسايل وشوفي بشو يحبون يشتركون

اما عن التقييم

فانا اقترحت ناخذ أول شي تقييم اعضاء الواحات

ونحن انا وعمة العيم بعد ما نشوف تقييم الاعضاء

بتكون الصور عندي او عند عمتنا ( اقتراح )

والاول يعرضها عالثاني بدون الاسماء ( اما انا اعرضها على عمتنا أو العكس)

ويقرر الحكم بتقديره من إلي يستحق اللقب بعد دراسة ترشيح اللوحات من قبل الاعضاء

فشو الراي

عمتنا يزاج الله خير

وانتظر افكارج أكثر وهاي الافكار قابله للتعديل

وما نبغي انطول



اشكركم من الاعماق

محاق

[أنامل قلب]

اممم .. حلو ..
أشوف الأفكار بدت تصير اوضح وتترتب بشكل أكبر ..

لأن فعلا التقييم بيكون مختلف باختلاف الاداة وحلو بيظهر التقسيم ..
حتى طريقة التقييم احسها زينه والله أعلم ..

بس متى ان شاء الله بنبدأ .. ترى مب كل يوم عيد نفضى لول خخخ ..

ولازلنا نتابع لسير المسابقه .. ^_^ ..

[الـيـاه]

اذا جي انا انسحب من الحين ..

ماحبيت انه تتقارن لوحة ملونه بلوحة رصاص اكيد بتطغى الألوان - صح مب شرط - بس لا ارادي
تلفت الألوان ..

كنت مفضله أن الكل يكون نفس الشي وبنفس الأستخدام
عسب يكون التقييم عادل