مسابقه في مجال فن الرسم في واحة الفن التشكيلي ( والدعوة عامه )

[المحاق المشتعل]

السلام عليكم ورحمة الله وبركاته

اخواني واخواتي اعضاءنا الاحباء

بالاجتماع مع الاداره

قررنا نطرح مسابقه للرسم بإشرافي وإشراف الفنانه القديره عمة العيم بإذن الله

وقبل لا نطرح مضمون المسابقه قلت باخذ بشور الاعضاء سواءأً بالرسايل الخاصه

أو في هالموضوع عشان نحط المضمون إلي يناسب ميولكم بإذن الله

انا بعد ما سألت عدد معين من الاعضاء ..البعض منهم افادني انه اتكون المسابقه

في مجال النقل ( يعني نحاول انقلد صورة واتكون من اختياري )

وانا يتني فكرة ثانيه بعد اضيفها وانتو اختارو بين الفكرتين

والفكره هي انه اقولكم ارسموا لوحه عن عالم البحر أو على الشاطئ أو منظر معين

وهاي هي فكرتي الثانيه

فأبغي من الغالبيه يعطوني رايهم وانا بشوف أكثر الاعداد إلي وافقو غلى أي فكرة من الفكرتين

وعقب بنبتدي المسابقه بإذن الله.

...............

...........

وطبعاً في اعضاء سجلو اسماءهم للمشاركه

وإلي حاب يسجل اسمه يتفضل مرحبا فيه في اي وقت يحط اسمه

وبتكون هناك جوائز قيمه بإذن الله عقب بخبركم عنها

وبتكون فترة المسابقه لمدة أسبوعين من تاريخ طرحها

وبحدد اليوم النهائي لتسليم الرسمات بعد

بس طبعاً نحن ما بدينا لين احينه ( لين ما ناخذ آرآءكم في موضوع المسابقه المناسب لكم )

وطبعاً انا ما بشترك ولا عمة العيم لأنه بنكون انا وهي من ضمن لجنة التحكيم ان شالله


.....

نقطه ثانيه إلي بيخاف يسجل في المسابقه او انه يستحي يخبرني

عشان ازقرله ألم ترى يستلمه في واحة الاصدقاء

....

والمسابقه تشمل الكل والدعوه عامه للجميع

وان شالله عقب ما يتحدد الموضوع بنرتب توقيع للدعايه في المنتدى

شاكر لكم جميعاً وفي انتظار تسجيل أسماءكم بإذن الله تعالى

موفقين بإذن الله

محاق

[ملاك الروووح]

:

يااااااااااي

وناســــــــــــــه


أنا بسجل اسمي وياكم استاذنـــا



وأنا أتفق مع الفكره الاولى ..

بما اني مبتدئـــه يعني .. وعلى قد حالي ..

ف أحس لو نبتدي شوي شوي بيكون أفضـــل

يعني انه نقـــلد رسمه انت تحطها لنـــا

بس حط شي بسيط عاد هع هع

:

يعطيكم ألف عافيه على الفكره المتميزه

وان شاءالله انشوف اقبال على المسابقه ..

لكم تحياتـــــــــــي

[المحاق المشتعل]

ملاك الروووح

هههههههه


انت ليش واعيه لين احييينه

يبالج قب على راسج ( انتقام من آخر سالفه )

هلا فيج اختي وسهلاً في موضوع المسابقه

واشكرج وايد عالمشاركه وعلى رايج وان شالله بيكون من ضمن التقييم

وانا اذا بحط صورة اكيد بحط صوره بسيطه جداً لمراعاة جميع الاطراف

من جي ما بخلي عمة العيم تشترك ههههههه

شكلها بتغسلني هي وانامل قلب وياها

....

واتمنى يا ملاك انج اتكونين جاهزه بقوه لأنه في جوايز حلوة ان شالله

مقدمه من شركة المحاق ( الوهميه ) اللامحدوده ... يمدحونها وايد هههههههه

لا .. جد في جوايز بتعيبكم ان شالله بكشف عنها لاحقاً بإذن الله

.............

أوووه صح نسيت

في شي ثاني

( هل تبغون المسابقه اتكون بالألوان ولا بقلم الرصاص والفحم بس )

انتظر ردودكم

وشاكر لج اختي وايد عالمشاركه وبالتوفيق يا رب

محاق

[ملاك الروووح]

:

هلا محاقنــــا ..



اللي موعنك هو نفسه اللي موعني لووول

والله فيني رقاد .. بس قلت بتريه الصلاه .. لأني أعرف عمري ما بنش عقب


جني سمعت حد يطري القب

<< تلاميذ آخر زمن هع هع

:

هلا بك زود ياخوي ..

وبالنسبه لي أنا .. أفـــضل بقلم الرصاص ..

<< ما تعرف غير بقلم الرصاص أصلاَ

وممكن انلونها بعد .. أحس بتطلع أحلى ..

يعني انت شوف راي الأغلبـــــيه .. وشوف شو بيفضلون ..

:



أفا عليك لا اتخاف بتريه المسابقه تنطرح بس .. بسنتر هنيه ..

وبكون من أول المتواجدين .. بس انتاكشف الستار أول شي عن الهدايا الوهميه << اهم شي


والله فكرة المسابقه حلوه وايد .. وبيكون شي حماس .. ومنافسه بين الأعضاء ان شاءالله ..



بنتريه راي باجي الأعضــــاء ..

عاد لا تبطون علينا انت وعموه ..


نرقبــــــــــــكم

ويالله رقاد

[بنت الدلع]

احم >> ليش مستحيه مادري

وعليكم السلام والرحمه

من يومين وانا ابا ارسم
وافكر وافكر وافكر
ويوم ماعرفت شو ارسم
رديت افكر وافكر

اخر شي ماظهرت ويايه فكره عسب ارسمها

احم >> لا شكرا مابا ماي بس صوتي ميّود

فكرة المسابقه عيبتني
وانا اشوف الفكرتين اوكي
بما اني ماعرف شي في الرسم > عيل ليش رازه بويهج؟ ياخي الواحد يستفيد يعني مب عيب
يمكن تكون الفكره الاولى اسهل
بس الثانيه تعطينا مجال اكبر
ممكن نبدع فيه > اسمع انته
يعني مابنكون متقيدين برسم معين
كل شخص بيرسم الي فهمه من الموضوع
وبجي بتكون عندنا رسومات منوعه

> احسبو كم مره قلت رسم <

بس كبدايه يمكن الفكره الاولى تكون انسب

كل الشكر للطارح والمطروح، قصدي لطارح الموضوع ولعمة العيم

[شهوووودة الأمورة]

أخيييييييييرا حطييت الموضوووع..

لي عوده .. ^_^

[عبرات حالمة]

اممم حلوة المسابقة
خاطري اشترك
يمكن اذا كانت الفكرة الاولي :: مبتدئة
ماعرف ماعرف ماعرف ..!
بس داشة عرض

[عديم الشوق]

مرحب المحاق المشتعل

خاطري اشارك

بس ما اعرف ارسم خخخخخخخخخخ

[شهوووودة الأمورة]

انا ييت..

أفضل الفكره الأولى..
هل تبغون المسابقه اتكون بالألوان ولا بقلم الرصاص والفحم بس )

مممم .. انزين استاذنا محاق..
شورايك كل واحد يرسم حسب قدرته في الرسم .. سواء ب أقلام الرصاص والفحم أو بالألوان

عني أنا ما عرف ألون .. برسم بأقلام الرصاص او الفحم (:

مجرد رأي لاا أكثر ..
^_^

[المحاق المشتعل]

ملاك الرووووح

أشكر لج وجودج الطيب وافا عليج

زين انه الدييج مب هو إلي امواعني

كنت امصدع من جي ما رقدت ( يمكن امصدع من القب مالج آخر مرة )

والله ان اشوف انه المسابقه اتكون بقلم الرصاص أو الفحم افضل

ليش لأنه الكثير ما يعرفون يلونوون

واذا واحد يعرف يلون

بتكون لوحته اجمل عن كل اللوحات

وهني ما بيكون التقييم مناسب

وانا إلي افكر فيه

انه التقييم النهائي بيكون بيني وبين عمة العيم

ما بيكون من ترشيح الاعضاء عشان ما يستوي اي تلاعب

بس مع هذا بناخذ ترشيح الاعضاء عشان نعطي اللوحات حقها

وعقب نحن بنقرر الفايز بطريقه جداً آمنه بتفاهم فيها وياكم عقب

والجايزه طال عمرج هي عباره عن ادوات رسم قيمه ما بذكرها في الوقت الحالي

وان شالله تنال اعجاب الفايز بإذن الله تعالى من جي شدو حيلكم

شاكر لج هالتواجد الرائع ملاكنا

موفقين

محاق

[نجمة دبي]

الاااااااااااااااااح

انا بشااااااااااااااارك ^_^

الفكرتين حلوات ..

وانا اترك الاختيار لباقي الاعضاء :)

شكرا لكم

[المحاق المشتعل]

فنانتنا بنت الدلع

كل كلامج الحلو إلي كتبتيه وإلي فيه رسم وتلوين

ابا اعرف هل بتشتركين احينه وايانا ولا لا

انتي فنانه وانا اعتقد انج بتبدعين والمسابقه ما بتكون صعبه

والهدايا قيمه ... فليش ما تشتركين



( انا احينه مب متأكد إذا اشتركتي ولا لا هههه )

فنانتنا القديره

الموضوع يستقبل فنج الكبير في اي وقت

وكل آرآئج إلي طرحتيها بناخذها ان شالله بعين الاعتبار

بس عمتنا الهيزه ما يت لين احينه ( يبالها قب على راسها )

ان شالله اول ما توصل بإذن الله بنتفاهم على الشروط المناسبه للمسابقه

وفنانتنا القديرة ابغي تأكيد منج على إنج بتشاركين ان شالله

في انتظار سموك الكريم

محاق

[المحاق المشتعل]

شهوووودة الامورة

هلا فيج أختي في اي وقت

( من إلي سجلو اسماءهم مسبقاً )

مال حكومه من يروملهم

[المحاق المشتعل]

عبرات حالمه

اشكر لج تواجدج الطيب أختي

انزين ما بيستوي شي لو شاركتي .. شو بيستوي يعني

في كل الحالات ما بتخسرين شي .. ولا انا غلطان

يلا انتظر تأكيدج ان شالله على المشاركه بإذن الله

[أنامل قلب]

أخيرا ..
ياخي ذليتونا عالمسابقه >>> أسولف والله ..

^_^ ..
سبحان الله .. توني مكلمة دموعتي عن المسابقه بالدرب واحنا رادين من الدوام ..
أكلمها عن الموضوع " ومتى بينزل ياربي ! " .. >> طرار ويتشرط لول سكتو عني .. : )

امممم .. أستاذي الطيب المحاق المشتعل ..
بالنسبة لسؤالك عن أي الفكرتين انسب ..
بالنسبة لي أشوف ان اذا المسابقه للي قدراتهم شراتي " هاويين " فالأسهل بيكون النقل ..
أما لو بغينا شي أصعب ونظهر القدرات الابداعية الخاصه لكل منا فالفكره الثانية تلائم أكثر ..
ومن اللي فهمته " عن المسابقه " .. فالفكره الأولى " النقل " هي اللي بتساعد بشكل أكبر ..
وتلائمنا اكثر كبداية لنا في هالمجال .. ! >> وعقبال المسابقات الياية تكون اصعب واصعب >>

وعن سؤالك الثاني " أداة الرسم " .. فأشوف " راي " ان لو نوحد المطلوب أحسن ..
لان الكل يدري ان الرسمه الملونه تقييمها غير عن الرصاص .. والمظهر العام جدا مختلف .. ومابيكون فيه تسوية بالموضوع ..
والله اعلم طبعا .. ^_^ ..

بالنسبة لي ماعندي وقت استخدم الالوان لول .. خخخ .. خلكم مني وايد ارمس .. >> اللي يسمع يقول شاطره بالتلوين
بصراحة .. كنت اود لو الموضوع انطرح او ينطرح بوقت أسرع لأني بكل يوم يمر أنشغل أكثر ..
ماقصد طبعا التعجيل بالطرح .. لأني من الاساس مب ضامنه وقتي .. ولا ضامنه مشاركتي .. ..

لكن ان سمحلي الوقت فجدا بكون سعيده بالانضمام والمساهمه ..
ويشرفني طبعا ذلك .. وسأساهم طبعا ضمن حدود امكاناتي ..

وكنت بقول شي بس نسيت ..
تعبت من زود ماقعدت أفكر " ياربي شو كنت بقول " لكن ماكو فايده .. ..
شكلي ماصحصح الا لمن أنام العصر ..
خلاص بنجلع لـ ..
وان شاء الله برد اشوف الاوضاع بوقت آخر .. وبرز فيسي طبعا.. بشوفكم وين رسيتو ..
وشو القرارات اللي ظهرت من وراي ..

بعد لازم نعرف آخر الاخبار .. يمكن يكون لنا نصيب بالمساهمه والفوز لول .. ..

:

ومثل ماقالت بنت الدلع ..
>> ليش مستحية مادري ..

:

وجل شكري وامتناني واحترامي لكم ..
ماقصرتو .. أخوي المحاق .. وعمو الشرية اللي هواها الطق .. >> أمزح : )

وبحفظ الرحمن دوم يارب .. ^_^ ..