مسابقه في مجال فن الرسم في واحة الفن التشكيلي ( والدعوة عامه )

[المحاق المشتعل]

عديم الشوق

اسكت يا عديم الذوق

تراني سجلت اسمك وانته اتعرف ترسم

يبالك قب انته الثاني على راسك

بالتوفيق يا اخويه لا تتغيب عن التواجد

محاق

[المحاق المشتعل]

شهوووودة الامورة

هلا فيج اختي من جديد

اشكر لج هالتواجد الطيب

بالنسبه لموضوع مادة التلوين

هممم انا اقول بنرسى على قلم الرصاص والفحم

بيكون افضل ( ها من رايي ) بنشوف راي عمة العيم بعد ان شالله

وبنفيدكم باقرب فرصه بإذن الله

وانا اشوف الغالبيه اختارو الفكرة الاولى

وانا اشوفها هي الانسب

بس بننتظر آراء الاكثريه

موفقين بإذن الله وشكراً جزيلاً عالمشاركه اختي

محاق

[المحاق المشتعل]

نجمة دبي

هلا فيج فنانتنا

وها اسمج سجلناه وبالتوفيق يا رب

اشكر لج مشاركتج فنانتنا

[الـيـاه]

سلاام ..

الأفكار وايد حلوه والمسابقة أحلى .. نتريا ابداعات الأعضاء
وأنا براي الفكرة الأولى كـ بداية وايد زينـه ..
ونتدرج شوي شوي في مسابقات يايـه ان شاء الله =)

بس اذا كان عندي وقت اكيييييد بشارك
انا فالـ waiting list اوكي لول

[بنت الدلع]

اويه والله طلعت ذكيه
كتبت وكتبت وكتبت
ونسيت اكتب اني بسجل وياكم
بس يعني لاتحرجوني لان رسمي احم ^_^ وايد بدائي

والصراحه اخجلتني يوم قلت فنج الكبير
الله يهديك بس اي فن ترمس عنه
مايي شي جدام فنك بصراحه ^_^

[بنت الدلع]

علامة السكوت الرفض
يعني اعتبر عمري مش مقبوله ؟ :(

[قرموشة]

السلام عليـكــم والرحمـــه

محــاااق ..

أفضـل الاخـــتيــار الأول .. ويكـون الرســم بالطـريقـه اللي نباهــا ..
يعني سـوااء بالرصــاص أو الفحـم أو الالـوان .. لانه بهـ الطريـقه بنفتح المجـاال للكــل ووبتكون الفرصـه أكـبر
لكـن بعدين في مـراحـل متقدمـه من المـسابقـه تقومون انتو لجنـه التحـكـييم بتقرير الرسمه ونوعيه الادوات المستخدمـه فيهــا
شرااايــك ؟
ولكـن طبعـا في الاخـير يعود الراي لكـم =)

[المحاق المشتعل]

بنت الدلع

افا عليج والله لا سكوت ولا شي

انا طلعت اشويه وسرت اخلص شغلي في الوكاله ورديت

اهلاً وسهلاً فيج دوم يا فنانه ليش انردج

دايماً مرحبا فيج وواحة الفنون كلها تحت امرج تدللي بس

وها اسمج وسجلناه وان شالله انشوف تواجدج الطيب ويانا يا فنانه

جل كلمات الشكر والتقدير لمشاركتج

محاق

[المحاق المشتعل]

الياه

يا هلا فيج ومرحبا بج في المسابقة الناريه

اهلاً فيج وسهلاً وشرفتينا بحضورج المرموق اختي

وها اسمج سجلناه في الويتين ليست وحاضرين للطيبين

وعن الفكرة الأولى خلاص ان شالله بنمشي عليها بإذن الله تعالى

جزيل الشكر والتقدير عالمرور

محاق

[المحاق المشتعل]

قرموشه

يا هلا بالفن كله وحضور سموه الكريم وطلته

هلا فيج أختي المبدعه

( طبعاً من الاسماء إلي سجلناها للمشاركه خلف الكواليس ) أحم أحم

هلا والله فيج يا طويلة العمر وكبيرة الذوق الطيب

فكرتج فكرت فيها

ولقيت انه كلامج بالفعل صح ( رغم انه افكاري اتشتت ههههه )

هو في الواقع في ناس اتعرف تلون بس ماتعرف ترسم اوكيه

وفي ناس اتعرف ترسم وماتعرف اتلون

وفي ناس اتعرف اتظلل بالرصاص بس ماتعرف اتظلل بالألوان

ونحن بناخذ كل هاي القيم

وبنخلي الموضوع مفتوح لكل مجالات الرسم بالرصاص أو التلوين

وبناقش عمة العيم بهاي النقطة أكثر يمكن اتفيدني اكثر ان شالله

فنانتنا القديرة

شاكر لج هالحضور

وكنت بطلب منج طلب ما يامر عليج عدو

مادري هل عندج فكره لتصميم توقيع للدعايه عن المسابقه هاذي

شاكر لج كل جهودج الطيبه

محاق

[المحاق المشتعل]

اخواني وأخواتي الاعضاء

إلي عنده بعد افكار في تواقيع للدعايه عن المسابقه

أو يقدر يساهم بتوقيع

يخبرني يزاكم الله خير =)

موفقين بإذن الله

[خنفروش]

شاكرين لكم جهودكم


ربي يوفقكم



متابعين

[هزاايم]

...............

[أنامل قلب]

السلام عليكم ..
احم عدنا .. >>> انزين وش تبين .. ! ..

اممم .. واضح انكم استقريتو عفكرة النقل ..
والحمدلله قبلوني في الويتنج ليست لول ..

وكاني ناطره الصورة .. ^_^ ..

أما عن الاداة المطلوبة ..
فأشوف الراي للحين مب واضح .. وطبعا الراي رايكم والشور شوركم .. : )

:

أخوي وأستاذي الكريم المحاق المشتعل ..
آنا أشوف اللي لازم تنطق اهني خيتو عمة العيم .. مب نحن المساهمين ..
اذا اللي بلجنة الحكم غايبة .. فنحن ماننلام لول .. خخخ

:

سعيدة بجهودكم صدقا .. وأتمنى ان تلاقون اقبال طيب .. بطيبة نيتكم ..
وان شاء الله الموضوع مايثقل عليكم ولا يتعبكم أو يضيق من وقتكم ..

.......................... :: احترامي ..
وجل الشكر لكم ..

..:: وعموه ليكون مستحية ..

[العجيبة]

خلاص اكتــبوا اسمي ويااااكم بعـــد





<< وايد متحمسة الأخـت ..

هذا أول ما شفـت الموضوع

بس عقــب ما شفـت الردود

اسـتـويت جي


الحين مشاركتــي بتعتمــد على نوعية الرسمة المطلوبة، والزمــان ( يعني لا تعتمدوني رسمياً )

أتمنــى انهـا تكون من النوع الأول ، وفي حـدود مقدرتي الرسمية > هذا اذا كان شي مقدرة أصلا <
تنعــد عالاصابع المرات اللي رسمـت فيها، وبعد يايه اشارك


امممم الصراحة الاسماء اللي سجـلت وايد تخـوف، بس اذا شاركـت وياكم بتكـون مشاركتـي تطبيقا للمثل اللي يقول " حشر مع الناس عيد " خخخ .. يعني لا تخافــون مني .. ما بكون منافس قوي


صدقوني يكفيني شرف المشاركة << هيهيهييي كلام حفظتنـي اياه ابلة الكيمياء

وما ننسى نشـكـر لك جهـودك أخوي المحاق المشتعـل ، والأخـت عمة العيم .. الله يوفقــكم