و من خبـــرتكم... نستفيـــد ..!!!

[شوق القلوب]

الســـلام عليـــكم...

هالايـام أفكر اشتريلي كاميــرا للاستخدام الشخصي.. يعني شي للمناسبات و هالسوالف..

المهم.. اتكون كولتي عالي.. و خفيفه .. و سهله الاستخدام..

..

عادة كنت دايماً اشوف كاميرات السوني.. بس اتردد اشتري اي وحده فيهم..

وماشاء الله اشوفكم هني كله تمدحون الكانون.. بس ما ادري اذا شي منها حجم صغير ..!!!

وجني حفظت انه احسن نوعيه هي D80 ..!! صح استاذ ناصر ؟؟

وشو يكون سعرها ..؟؟

..

و بالمره.. اذا اتعرفون كاميرا فيديو تستاهل ..


..


و يسلمووووووو.. ^_^

[حلم الطفوله]

السلام عليكم

إن شاء الله يساعدونج يا أخت شوق القلوب

وشو يكون سعرها؟

شوق هل كيف صيغة هالسؤال

[قلوب دبي]

عليكم السلام

من راييه كبدايه خذي كانون 400D

معقول سعرها و مواصفاتها زوينه

واذا الحصاله متروسه
عليج بالكانون اللي هم احسن من 400

وموفقه دايما ^_^

[شوق القلوب]

حلم الطفوله

كنت حاطه في بالي انه " شو اتكون غاليه ولا لا.. " فعشان جي سألت.. شو يكون سعرها = شو سعرها ..!

تسلمين ع المرور الحلوو

..

قلوب دبي

ما جد شفت الكانون ع الطبيعه.. فعشان جي مب متأكده من حجمها..
المهم اتكون عندي انها مب عوده وايد..

و على كم هاللي خبرتني عنهم تقريباً..؟؟

و تسلم على التواجد الطيب :)

[دمعة عين]

عللى حسب تبين احترافيه ولا ديجتال عاديه ..

إذا احترافيه .. انصحج بــ كانون دي 400.. بس هااي شفتها في السووق .. دبـــــه .. كنت باخذها صراحه بس أجلت السالفه لين أسير الجامعه أحسن .. مابتنفعني حق المدرسه ( أبا وحده أقدر أخشها أي مكااان ) .. هههه ..


وإذا عاديه .. << هاي صغيروناات كيووت تقدرين تحطينهن في أصغر شنطه عندج .. لوول ..
أنصحج بـ IXUS ( كانون ) .. وايد شفت نااس شارين منها .. وكل حد يمدحهن .. هع هع ..
سعرها مابين الألف والألفين مب أكثر ..

وها كل إلي عندي .. ما أنصحج بغير الكاانون ..

والسمووحه منج ..

[شوق القلوب]

دمعة عين

بصراحه.. اول مره اشوف هالنوعيه... و ماشاء الله شكلها حلو و يساعد..!

سويت عليها سيرج و حصلت هالنوعيه

http://www.dpreview.com/news/0508/05...sd450sd550.asp

..

يبالي اسأل عنها..

تسلميـــــــــــــــــــن و الله .. و ما قصرتي..

[دمعة عين]

مرحبااا مره ثاانيه .. هع هع ..!

هييه .. هييه هااي إلي أقصدها .. أنا جربت إلي رقمها 55 .. وااايد فنانه ..
أنصحج فيها .. والكوالتي واايد أوكي .. وخفييفه لدرجه أنا نحطها في المغلمة هههه .. ..

شوفي إلي يريحج .. واسألي إلي خبرتهم أكثر فيها المجاال..

أفا عليييج الغاليه .. هذا وااجبنا ..

.. في أي وقت .

[شوق القلوب]

يا ســــــــــــــــــلام..!! و تنحط في المقلمه بعد ...

والله اني متععععععععععععقـــده من الكاميرات الكبيره.. شليتهم لين ما هلكت..

..

صح نسيت اسألج.. اتصور فيديو ولا لا..؟؟؟

[دمعة عين]

هيييه تصور .. بس انتي خذيلها ميموري كاارد .. بتحصلين 1 جيجا ..

وبتحصلين فيها بعد حركات .. من تركيز الألوان والأبيض والأسود ..
والماكرو مالها حلوو .. وليه درجاات بعد .. !!


<< أووه فديتني شكلي بربح الشركه .. لووول .. هع !!

.
.

[شوق القلوب]

اغريتيني فيها عـــــــدل..!! ان شاء الله اذا طلعت هالاسبوع بدورها ..

[وحي القلم]

شوق القلوب

عندي شرات هالكيمرا اللى انتي حاطه صورتها canon IXUS 750

و أنا أشوفها زينه .. صغيره و تصويرها واضح

و كل صوري اللى فالواحات صورتهن بهالكيمره

"إذا تبين تعرفين الوضوح يعني "

.
.

[شوق القلوب]

وحي


يعني جنج اتقوليلي زيـــنه = ماشي حالها ..

شو؟؟ مب عايبتنج وايد ..؟؟

[وحي القلم]

لا.. بالعكس

زينه = فنانه

.
.

و هي 7.1 ميغا بكسل

يعني تصويرها واضح يا شوق

[ذنـيـنـي]

حياالله الـ Photographer TO BE شوق القلوب

بالنسبة للكاميرات عندج 3 انواع


اولا الكومباكت، او يسمونها في بعض الاحيان Point and shoot

و هذه تكون صغيرة و خفيفة و صورها حلوة لكنها مش بروفشنال
في اغلب الاحيان يكون فيها تسجيل فيديو

مثال على هالنوع من الكاميرات



و النوع الثاني يسمونه Semi SLR او SLR like

و هالنوع فيه فيديو و فيه تحكم شبه كامل بالكاميرا و خاصة في الوضعية اليدوية
لكن ما تقدرين تبدلين عدساتها
طبعا عيبها انه حجمها كبير و هالشي يمكن ما يعيبج



و النوع الثالث هو SLR و هي الكاميرات الاحترافية و الي تتبدل عدساتها
هذه مافيها فيديو لكن تقدرين تتحكمين فيها بشكل كامل اثناء التقاط الصور







شوفي شو الي يناسبج و ان شاء الله بنقدر نساعدج في اختيار الكاميرا المناسبة

[شوق القلوب]

ذنيني


حالياً.. ما افكر الا بالـ Point and shoot