لكل من اساء لنادي الوحده


صحيح اني ما اتمنى ان الوحده ياخذ الدوري لإعتبارات بداخلي .. لكن كلمة الحق تقال ..

الوحده نادي كبير .. و الدليل على هذا ان كل موسم يطلعون لاعب او لاعبين مواطنين جدد .. و يكونون على مستوى ..

اسماعيل مطر .. المنهالي .. الكثيري .. الشحي .. عمر علي .. كلهم لاعبين شباب ..

و الكثيرين غيرهم ..

اذا انتو تقولون ان نادي الوحده ما كان نادي كبير .. تراه صار نادي كبير .. بفضل التخطيط السليم و الفكر الاحترافي الرائع الموجود عندهم ..

بتقولون لي كيف ؟ اولا انلغت جميع الالعاب و صار نادي مختص بكرة القدم ..

حد فيكم فكر يدخل نادي الوحده و يشوف كيف يقبلونه في النادي ؟
اي شخص يبى يلعب بنادي الوحده يخضع لإمتحانات بدنيه و فنيه و شفهيه و على ورقه بعد ( و كأنك مقدم على وظيفه )

هل في نادي في الامارات يطبق نفس المنطق و نفس الفكر ؟

نادي الوحده يمكن ما يملك الكثير من البطولات .. لكن انا متأكد ان اذا استمر على نفس النهج بيقبل على الكثير و الكثير من البطولات ..

اللي ينقص نادي الوحده الحين بس مدرب يعرف يوظف امكانيات اللاعبين ..

و الدليل على القاعده المتينه اللي يملكها نادي الوحده .. فوزه في المباراة السابقه بظل وجود 7 لاعبين شباب احتياطيين ..

فـ رجاء لا تجرحون في هذا النادي الــكـــبـــيـــر

ســلام