هناك رسمت يوما .. بذكرياتي القديمه .. والكتكوته .. !

[أنامل قلب]

...............................:: عمـــــــــــــوه ..
اشحالج ..
أقول .. انتو منو اللي قص عليكم وقالكم اني مسوية روحي ماعرف .. وعندي كل هالفن ..
شكلكم مضيعين ..
وليش الطرد بعد .. جي تشيشينهم عليه .. ..
حبوبه .. ربي لا يحرمني من مرورج الطيب .. والافاده منج دوم ..
وانا اللي انعجبت بردج واسلوبج العجيب .. ^_^ ..
ولا يهمج .. بناضل لآخر نفس لول ..
وبالنسبة لـ " و ابغيج تتحدين المحاق " >> هذي قوية .. ..
ويسلمو عنوني .. ويا أحلى عمه ..

:

................................:: خيتو وعزيزتي الجنية ..
مرورج أهو الحلو .. و الكشخه .. ^_^ ..
واللي ضاف عرسومي الكتكوته شي من الجمال المميز .. المبروز بصافي ردج ..
وجميل كلماتج ..
يزاج الرحمن كل خير .. وجل الشكر لج يا ورده .. ..

:

...............................:: أخوي الكريم عديم الشوق ..
أسعدني مرورك العطر ..
وتشكر على نشاطك الملحوظ بهالساحه .. وغيرها .. ما شاء الله عليك .. ^_^ ..
تفداك العيوز أخوي .. وطوايف خشم أبوها .. ..
وان شاء الله يكون عندي يديد قريبا .. >> أونه صار عندي يديم ويديد .. خل أتعلم بالاول ..
بس وقت الرسم عندي الحين كله مخربط لظروف الدراسة ..
واي شغله تظهر تكون غير مرتبه وعالسريع .. ومن عايلة الـ " فش خلق " .. ..
وتسلم عمرورك الطيبب أخي مره ثانية ..

:

لكم احترامي وتقديري ..

[أنامل قلب]

...............................:: أخوي الكريم مايهزك ريح ..
اذا كانت رسومي جميلة وفيها ابداع بنظركم .. فهي لما حفلت به من ردود طيبة ..
فالجميل هنا هو ردك أخي .. ^_^ ..
ولا يهمك .. بستمر بالرسم .. >> مب بكيفي ..

:

..............................:: اختي وعزيزتي طير الحب ..
سعدت بمرورك ِ صدقا .. ^_^ .
والحلو حبيبتي ماسطتره هنا من كلمات رقيقة .. مزدانة بصافي اهتمامج .. ما شاء الله عليج .. : )
وبالنسبة لمجلة ماجد ... >>> غبار غبار خخخ ..
تراني ماقصرت بهذيج الفترة اللي كنت مدمنه فيها لهذي المجلة .. شاركت مرتين بقسم المسابقات
" ما اذكر اسم المسابقه بس شي يخص تخيل عناصر اهمه يحددونها بعد50 سنه كيف بتكون "
وفزت بالمرتين هذول لول .. حتى ربيعتي قالتلي اللي بيشوف اسمج مرتين ورى بعض بيشك إن شي وراج واسطه ..
والله أيام ..

اما عن موضوع المعرض فاشتركت مرتين .. والحمدلله .. >> الله يعينهم .. ..
وووو أحيدني أستغفر الله كنت أرسم لتنسيق الصف صور الأنايم على امتداد الوسيلة ..
واللي تلومت عليهم لأن الطلبات تمت تزيد لول ..
مره مادري منو بيينا وارسمي هذا ..
ومره مادري منو روح عنا خخخ ..

ولازلت أحب هالامور ولو كانت بسيطه .. وحلو التنويع ..
وعندي خرابيط تشيب شعر الراس .. بمختلف الطرق لول .. ..

.. يعني الهمه موجوده .. بس التحفيز عدنا مب ذاك الزود .. ^_^ ..

ولو كنت بهديج شي لبيتكم اليديد .. فمابتكون طبعا لوحه جديمه مثلها ..
لكن فداج كل قطره موهبة احتويتها لتحتويني بيوم ما .. >> وكاني على قدي .. ^_^ ..
ومبروك مقدما " جعله ربي بيت عامر بذكره وحفظه " ..
وجل الشكر والامتنان لردج اختي .. والمعذرة عالاطالة ..

:

.....................................:: خيتو العجيبة ..
هلا والله .. نورتي الساحه يا أعجب عجيبة .. ..
اها.. طلعتي معاي عالخط بسالفه مولان .. والله أيام .. ..
عزيزتي العجيبة .. الحلو ردج اللي جمل رسومي .. وزانها بفيض طيبج ..
وان شاء الله بواصل كثر ما أقدر ..
ولازلت لمرورج الزاكي شاكره ..

:

لكم احترامي وطيب مودتي ..

[أنامل قلب]

............................:: أخوي الكريم الملهم ..
الرائع ردك أخوي ..
وبالنسبه للمعارض او المهرجانات .. ..
من صدقي قدراتي جدا بسيطه .. بس مادري شو السالفه اليوم الكل مخدوع ..
يعني لارحت معهد ولا دوره تدريبة ولا هم يحزنون عشان أكون مدركة بقواعد الرسم ..
بس ان شاء الله بقدر أطور من الموهبه البسيطه إذا لقيتلي أحد ينتقدني انتقاد لاذع " ذبحتكم بهالانتقاد اللاذع " ..
بالاضافة الى إن رؤيتي لجميل مايطرح من رسوم ولوح هنا تساعدني جدا جدا جدا ..
لأني انتفع بشكل أكبر بالنظر .. وطبعا رؤية طريقة التطبيق تفيد بشكل أكبر ..
ولن أجلس مكتوفة اليدين باذن الرحمن .. ^_^ ..
ولك جزيل الشكر عردك الطيب .. ومرورك الصافي ..

احترامي ..