مختارات من لوحاتي القديمه

[المحاق المشتعل]

الدافيه

أهلاً فيج أختي الكريمه

شرفتي موضوعنا بحضورج الكريم

بالنسبه للرسمات صدقتي هي كبدايه لا بأس بها

وما شالله هل انتي رسامه ؟؟

يا سلام ..

عيل لازم انشوف اعمالج عن قريب بإذن الله

وماشالله عليكم ( عايله فنيه ) تبارك الرحمن

انا ابويه رسام بس في الصف الثالث الابتدائي

ما قدر ينافسني فتمسك بالخط عشان ما اغلبه

...

إذا كان للفن هاي المكانه عندكم

ليش ما تخلين خواتج يشاركون بلوحاتهم في هالمكان

هالشي بيشرفنا كثير

وانتي بعد نبا انشوف اعمالج ومن قديمها وحديثها

وعلى فكرة وين درستي دورات الرسم ؟ في الشارجه ولا دبي؟

أختي الكريمه

أشكر حضورج الطيب وزيارتج الأحلى

وان شالله تمسكين في يوم قيادة هاي الواحة

بأفكار مبدعه وفنانه بإذن الله

دمتي في حفظ الرحمن ورعايته

محاق

[المحاق المشتعل]

حلم الطفوله

شرف لي حضورك المرموق

لكِ ازهار البنفسج على لطف تلك الإضافه

تقديري وارق كلمات الشكر

محاق

[الا انا]

محاق تسلم اخوي عردك المحترم "" هذي الردود ولا بلاش "

بالنسبه لخواتي فدراستهم شاغلتهم .... وايد " يلي ترسم ويوه ومن هالسوالف مصريه بالدراسه "" وآخر شي انشغلت فيه " قامت ترسم سوالف "" يعني قصص مع رسم ... وعرضتهم لمحمد حارب "" فريج """
وبالنسبه لاختي الثانيه .. من جريب تخرجت واستغلت موهبتها بالتخصص " هندسه معماريه "" وانا اعتبرها الرسامه الاولى فبيتنا ... فعقولتها مش فاضيه ..

وخواتي الباجيات بالدراسه لاهين ... وعني انا والله من زمان زمان مب راسمه رسم فيه خير ؟؟
لأنهم كرفوني بالكاريكاتير اكثر .. والحين دراستي ماخذه كل وقتي .. حبيت اتخصص فنون جميله .. بس محد رضى .... فللحين .... ابغي اصقل موهبتي ... بس الوقت وايد صعب ....

وانشالله قريب راح اعرض الرسمات :::

تسلم مره ثانيه عالرد والاسلوب الذوق ....

[المحاق المشتعل]

الدافيه

حاضرين ولو أختي الكريمه

همممم

دام انه خواتج مشغولات

انتي مب مشغوله بتكونين ان شالله

عيل لازم تشاركين بأعمالج وترسمين ويانا إذا حبيتي ان شالله

وعن الفنون الجميله

أنا افكر ادرس هناك احينه

وهالمكان في جامعة الشارجه

لأنها من الدراسات إلي بكمل فيها

عالبراد إن شالله لأعلى المستويات

بس ماعرف كيف اجراءاتهم هناك في جامعة الشارجه

كل يوم حد هناك يقول شي

والدوام امخرب

لكن ان شالله المحاولات مستمره بإذن الله تعالى

شاكر لج حضورج الرائع فنانتنا الواعده

موفقه بإذن الله

محاق

[الا انا]

محاق
انا اعرف وايدين هناك بالجامعه
اذا تحب بسألك ....
شنو استفساراتك واسألتك وانا بخبرك ؟؟؟؟؟؟؟؟؟

[المحاق المشتعل]

اهلين اختي

سامحيني عيل إذا بكلف عليج ببعض الاسئله

شو المطلوب حق التسجيل؟

وكيف الدراسه بالساعات ولا بشو بالضبط ؟

الرسوم المطلوبه للتسجيل ؟

علمي ولا ادبي؟

راي إلي يدرسون هناك في الجامعه .. عايبتنهم الدراسه ؟

شو الدروس إلي ياخذونها غير حصص الرسم ؟

وشو الدروس الفنيه إلي مطلوبه منهم ؟

هل في وايد طلاب في الجامعه هاي ؟

حد يسلفني أسئله عشان اسأل ههههههه وايد سألت سامحيني اختي

[الا انا]

ههههههههه

بالعكس والله افا عليك جم محاق عندنا ؟؟؟؟؟؟ "" واحد ""
حاضرين للطيبين ... ولووووووووووووو

عالعموم انشاالله بسرع وقت بتوصلك الاجوبه...

تحيــــــــــــــــــــــ ــــــاتي

[المحاق المشتعل]

جزيل الشكر أختي وبكون في الانتظار ان شالله

[الا انا]

محاق ردي عليك بالخاص ""

[ملاك الروووح]

:

أخوي الكريم .. وأستاذنـــــــا

المحـــــــاق ..

وعليك السلام ورحمة الله وبركــــــــاته

هلا بالحامل والمحمول هع هع

هلا بجديــــــــمك ويديدك ..

وحيالله هل الابداع ..!



:

عيبتنـــــــي هاي ماضيك الأسود حلللللللوه !

:

ماشاء الله عليـــــــــــك .. موهوب من صغـــــــــرك

على الرغم من صغر سنك يعني .. إلا ان اللوحات اللي راسمنها وايد حلوه ..

حبيتـــــــــها كلها بدون استثناء والله ..

وخاصه ولد خال ولد عم يد حرمة أخو تنينه



فـــــــــن بصراحه

بس أبي أعرف الأخ وين كان ؟

ف موقع تصوير مسلسل العبابيد ؟ لوووول

أسولف ..

::



حبيـــــــــــــته وايد !!



:

هاي روعـــــــــــــه بصراحه



بس أحس انه راس الطير شوي صغير .. ومش متناسق مع باجي جسمه

بس حبيت التفاصـــــــيل كلها .. ..

ماشاءالله عليك اتقنتهــــــا !!

:



عاش جيم كيري

عجـــــــــــــــــــــــ ـيب

:

واااااااااااااااااااااااا اااو

هاي أحلى صوره حسيتها بصراحه !!



ماشاء الله عليك .. فعلاً موهوب ..

لازم تشترك ف معارض

لانه حرام موهبة شرات اللي عندك .. ما تلاقي التقدير اللي تستحقهـــــا ..!

روعه الرسمه .. وتلوينك وايد حلـــــــــــو !

يبـــــالك تحترف الشغله هاي ..!

لأنك مبـــــــدع بصراحه ..!



::

حبيت تدرج الألوان .. عاللوحه اللي عاليمــــــــين

واللوحه الثانيه .. قمة الابـــــــــداع



:

ماشاء الله عليــــــك يا استاذنــــــــأ

كل لوحه تقول الزود عندي ..

روعـــــــه بصراحه ..

وشكلي أنا بعد بعطيك ع راسك مو بس بنت الدلع ..

اتحريت لوحاتك شرات اللي نحن كنا نرسمها .. << بلا فضايح دخيلج

بس طلعت وايــــــــد حلوه ..

:

نتمنــــــــى نشوف لك ابداعات ثانيه على صفحات الواحات ..

وألف شكر .. لمشاركتنا هالجمال والتميز

تحياتي لك

[المحاق المشتعل]

ملاك الروووح

بكل كلمة ذوق أحييج من الاعماق

على ردج السحري بكلماته بنجومه المتلونه

اغلى تحيه لج واغلى أهلاً وأغلى سهلاً

دمتي طيبه كما عهتدتك أختي الطيبه

وها حضوركِ يبث لموضوعي المتواضع جمالاً فاتناً

وهذه أنتي بروعة ما تكتبين فلك الشكر الجزيل من المحاق



...

وانا اقرا الكلام وقفت عند كلام كتبتيه

وقفت عنده لحظه ...........

وعقب كملت

( ما كنت بوقف لو إني ما علقت عليه هههههههه )

إلي هو ( ولد خال ولد عم يد حرمة أخو تنينه )



ومن قصدتي وين كان؟؟ انا ولا التنين ؟

ومنو مسلسل العبابيد .. شو يبيع ؟
....

اشكرج على انتقادج من الخاطر ... هاي الجرأة إلي اباها في الاعضاء

عشان احسن ادائي

هو إلي قلتيه صح .. وهي الصورة منقوله من رسمه ثانيه

بس ماعرف هل الصورة كان فيها غلط ولا رسمتي ( أكيد من الصورة هههه خقاق )

أكيد مني بس احسن من هذا كله اني تركت رسم الويووه وهذا احلى ما سويته

.....

وعلى طاري جيم كري

هاي الرسمة رسمتها من التلفزيون دايركت

اموقف الفلم على هاي اللقطة

وكل ما ابحلق فيها ارسم

بعد كم دقيقه يبند الفيديو روحه

وارد اعيد على نفس اللقطه

لين ما خلصت الرسمه

والزيادات المجانيه عقب اضفتها روحي

....

من الاعماق اقولج يا أختي شكراً

من الاعماق أهديج اغلى كلمات الشكر والثناء

على كل كلمه حلوه استحقتها لوحاتي

وجودج هنا يعني لي الكثير

وانا صدق يبالي قب على راسي لأنه مب مثل قبل

ما ارسم مثل زمان أول

أحينه وايد بردت واتهايزت

يبالي قبان بعد

الله يعطيني القوة عشان ارضيه سبحانه واطيعه وما اعصيه

واسوي إلي يرضيه ثم يرضيكم ان شالله

كل الشكر والتقدير لج يا اطيب الناس

محاق

[ملاك الروووح]

:

هلا وغلا المحاق ..

والله ياخوي نحن شهادتنا فيك .. وف موهبتك .. وأخلاقك العاليه مجروحه ..

الله يكثر من أمثالك بس .. ويشرفنا انه نشوف شباب مواطنين ..

يملكون هالموهبه المتميزه .. ويسعون انهم يطورونها ..

ويطمحون يوصلون للأفضـــل دايماً .. أحيي فيك هالشي والله

:

بالنسبه ل ولد خال ولد عم يد حرمة أخو تنينه

كنت أطري فيه التنين العجيب ..

بس لا يكون انت ولد خال ولد عم يد حرمة أخو تنينه صج !!

ومسلسل العبابيد الله يسلمك هذا مسلسل عربي كان ينعرض من زمان

عن الملكه زنوبيـــا .. والأحداث اللي صارت في سوريا ف حقبة من الحقبات

<< وحده توهقت ما تدري متى مستويه السالفه

كان من بطولة رغده .. و رشيد عساف .. وسلوم حداد ..

تذكرته ولا ؟

مادري ليش يوم شفت العمود اللي واقف عليه التنين .. تذكرته على طول

::

لالالالالا أكيد من الرسمه

لوووووووول

الرسمه وايد حلوه والله .. وشرات ما قلت لك حبيت التفاصــــيل ..

رسمت الطير بدقه يعني .. ماشاءالله عليك ..

وراسه حلو .. بس حجمه هو اللي مخرب شوي



لووووووووول

يعني رسمة جيم كيري صج جديمه .. دام انك راسمنها وانت اتابع الفلم

بس ماشاءلله عليك .. ضابطنها يعني ..

واحس مبين انه هو جيم كيري !

:

انت بس نزل لنا دوم من ابداعاتك .. ولوحاتك المميزه ..

ولا اتحاتي .. محد بيجرب صوبك بالقب .. أنا لهــــم


:

يعطيك العافيه أخويه ..

والسموحه عالمداخله <<مايخصه السمايل بس عايبني


حط مشاركه وحده بس .. وعقب بيع لي الرقم

[المحاق المشتعل]

ملاك

كلج ذوق ونظر أختي الكريمه

يسعدني مرورج الطيب دوم ويسعد لوحاتي أيضاً

تخجل الكلمات من ردودكم فتنحني كلمات الشكر لها مرحبةً دوماً

أختي الكريمه

في ردودج تشجيع كبير للفئة المواطنه الشابه إلي حابه تبدع

وكل كلمه في ردج ترمز بشكل كبير لإسم الابداع

وانا أحيي فيج هاي الروح إلي اتخلي الشباب في تطور للإنتاج الذي هو بإذن الله نرضيكم به

....

وبالنسبه لبنت خال أبو يد خال ام خالة بشكارة تنينه ( شو السالفه )

فاصل إعلاني ونعوووود إليكم

.
.
.
.
.
.
.
.
.
.
.
.
.
.
.
.
.
.
.

( بعد ما نسينا السالفه )

هممم

كنت باخذ فاصل إعلاني ثاني لكن قلت بسأل عقب بفكر

انا عرفت عبابيييييييييييييييد عشان أعرف زنووووبيا

ههههه

شكلي مب ابقب بنظرب

شكلي بتصفع بعد



....

ملاك الروح

امتناني الشديد لج اختي وما قصرتي

وعسى الله يطول بعمرج ويديم عليج الخير كله

وما ننحرم ابد من روعة إضافاتج وطيبة قلبج

وان شالله إذا كان في جديد بإذن الله ما بحرمكم منه بإذن الله تعالى

بس ابا اشوية تشجيع منكم

بس مب بالتصفيق والدق

[ملاك الليل]

المحاق المشتعل طابت ايامك وردا ...

ماشاء الله .. تبارك الكريم فيما اعطى .. ان كانت هذه اللوحات منذ الصغر
مذهلة هكذا ماذا تعتقد انا نقول على كل جديد لك ..


هواية شغوفة رائعة بالفعل .. استمر في عطائك اكثر فثمة سحابات خير تبشر
ببزوغ نجمك عن قريب ..

جل الود

ملاك

[قرموشة]

المـحـــــاق المشتعـل أكتفـي بقـول

روعـــــــه


أحس لو كتبت رمسـه ما بوفيـك حـقك .. وان تستـاهـل اللي أكـثر مـن جـي
بس عندي اقتراح .. شرايك تغير نك نيمـك لـ ( البدر المشتعـل )