مختارات من لوحاتي القديمه

[شوق القلوب]

السلام عليكم..

مــاشــاء الله عليـــــك..

انشـــوف جــديمك.. يعيبنا..

و انشوف يديـــدك.. نتعجب !

..

الله يسعدك دايماً.. مثل ما تسعدنا بابداعات اناملك..

.
.
.

ما ادري ليش.. كل ما اشوف رسوماتك.. أحس بشعور غريب

[المحاق المشتعل]

شهوووودة الامورة

استانست وايد يوم قلتي رسمك مب حلو ( لأنها الحقيقه )

وزعلت وايد يوم قلتي رووووووعه .. ( لأنه ما يستاهل )

الروعه مب في اللوحات

الروعه كلها في كلامج الجميل بلا شك

روعة هالكلام الجميل أضفى جمال رائع في لوحاتي ( بعد ما طرحتهم )

لكن بجد ما تستحق لوحاتي كل هالكلام لكن الموضوع مفتوح

حق كل الردود وانا ما اقدر امنعكم من هالكلام ( كيفكم يعني انا مب عايبتني )

أختي الكريمه شهوووده

سعدت جداً لحضور قلمك ِ الرائع هنا

وعسى ربي ما يحرمنا من اقلامكم الفياضة بنبع الحبر الصادق

دمتي طيبة ً بحفظ الرحمن

كل التقدير والوفاء

محاق

[أنامل قلب]

أخوي واستاذي المحاق المشتعل ..

امممم .. بصراحة ..
من شفت طرحك تذكرت دفتر مخطط محتفطة فيه ..
يحمل رسوم اغلبها نقل لصور " كرتونية بالغالب" كنت اشوفها .. واللي اغلبها اشكال بشر .. استغفر الله .. >> كلنا لنا سوابق لول ..

بس هالدفاتر اللي عندي .. على كثر ما إن اللي فيه يقطع الويه لول ..
إلا إني كل ما أشوفه تدمع عيني ..
والله أيام .. احليلي .. ^_^ ..

:

وبالنسبة لرسومك اهني .. وبصراحة ..
تعبت من زود ما أحاول أوصف لكم سعادتي بكل رسمه تنطرح : ( ..
وكل مره اقتنع اكثر بإن الكلمات تقف عاجزة عند باب الوصف وترجمه مايدور بين طيات النفس وصاحبه ..

بس أظن إنك قمت تعرف رايي بفنك وابداعك كما يشهد عليه الجميع .. >> ما شاء الله عليك ..
فحافظ عليه دوما .. واقرا على منفسك دوما : )

........................................:: أخوي الكريم المحاق المشتعل ..

من شفت طرحك رحت وانجلعت صوب الدفاتر الجديمه اللي سبق وذكرتها ..
وقعدت بين البسمه والدمعه .. قاضيه بضع دقائق قبل أن أضيف ردي ..

وحابة أطرح الجديــــــــــــــم من هذول الرسوم ..
لا لشيء .. إلا لاني وجدته فكاهي قليلا .. خاصة بتعليقات كتبتها عليها وانا بالـ 10 أو الـ 11 ..
ما أذكر .. بخط أعوذ بالله .. إحم أشك إنه خطي لول ..

فمن بعد إذنك .. ولو سمحت لي طبعا وماسببت لك ولكم أي ازعاج .. أحطهم ..
وخذو راحتكم بالضحك شرات ما أقعد أضحك عليهم كل ماحبيت أقعد أعيد ذكريات مضت ..
لعمر البراءة .. والصفاء ..
وإن ماكان مكانه اهني ملائم .. لا تنحرج ترى عادي والله .. ناوية أحطهم يعني ناوية أحطهم خخخ ..
لو ماكن بطرحك اهني .. بيكون بطرح منفصل إذا راد الرحمن ذلك ..

:

وجل احترامي وتقديري على جميل قولك وفعلك دائما .. وجهودك المباشرة والغير مباشرة لإفادتنا ..
إختك أنامل قلب .. ^_^ ..

[المحاق المشتعل]

شوق القلوب

انا عن نفسي كل ما اشوف ردودج يحلى الموضوع اكثر

وإذا ما كان موجود موضوعي ما يكون له اي قيمه

سعادتي .. في سعادتج ... الله يديم السعاده لج

واليديد ابداً ما بينطرح لولا الله ثم وجودج مع باقي الطيبين

واتمنى الإحساس الغريب ما يكون احساس مزعج

لأنه لو كان له سبب في ازعاجج أنا بعتزل الفن كرمال أخلاقج الطيبه

ربي يحفظج ويسرج ويعطيج ألف عافيه

محاق

[شوق القلوب]

بعدم احساسي الغريب.. جان وراه اعتزال الفن !

..

الاحســـاس.. نابع من تأثري الكبير بكل خط وبكل لون أشوفه في لوحاتك..
لوحاتك.. كتاب مفتوح.. انحس بها قبل ما انشوفها بعيونا..

[العجيبة]

ما شاء الله .. بداية وااايـــد حلوة

وزين انك ابتعـدت عن هالنوع من الرسم .. لأني ما أحسك وااايد مبدع فيه مثل رسماتك اليديدة اللي تبهرنا بها ..


الله يوفقــك دووووم ..

مب ناوي تسوي معهد تعليم تكون فيه استاذ ؟ أو تشتغل أستاذ تربية فنية ؟

[الشوق]

استاذي واخي الكريم
الانوميشن يالله عجيب ماشاء الله عليك
الخطوط والاستايل غريب
ماشاء الله عليك ..
شو رايك اتسوي كونتراكت مع منتجي المسلسلات الكرتونيه لهالشخصيه الخياليه
.
.
صراحه اشوف الرسمه ويالسه ادقق فيها
واقول في بالي يا ترى اذا قلدت الرسمه بتوصل في نفس مستوى رسومات استاذي والا
؟؟؟ وحصلت الاجابه لا لان مستوى رسوماته دايما اتكون غيــــــــــر ..
ابدعت يااخوي
وموفق ان شا ء الله

[تنينه]

صباح اللإبداع والفن

اول رسـمه حبيتها تــنـين هو شكلـه مب غريب اكيد من الأهل لول

حلوات الرسمات ورسـمة الألوان المائيـه روعــه ؛؛ خيال مبـدع ورسـم دقيق و رائـع

ماشاااء الله عليييك استاذنـا ما أعرف كيف أوصف رسماتك ؛؛ ربي يحفظك وما يحرمنا هالإبداع كله والله

[الا انا]

..........................................
.................................................. .................................................. ........................
.........................................

محاق إبـــــــــــــــــــــــ ـــــــــــــــــــــــــ ـــــــــــــداع بس كبدايه ؟؟؟
بصراحه وايد حلوه اللوحات ... كمبتدا
أنا ارسم وهذي موهبتي ... وتقريبا كل افراد عائلتي يرسمون ..." لأنه ابوي يرسم " أنا اموت عالابيض والاسود ..وكنت وايد احب ارسم اشخاص .. بس بالفتره الاخيره ملت للكاريكاتير وااااااااايد لاني وايد رسمت ... بالكليه وقبل المدرسه كانو يطلبون مني كاريكاتيرات
خواتي الثنتين رسامات " بالنسبه لي " أنا ما ادق سلف عندهم ... بحاول احط رسماتهم وتشوفها
وخذت وايد دورات عن الرسم والتلوين وآخرها خذت عن النقد في الرسم .. وايد روعه ""

وايد حلوه الرسمات وبالتوفيق انشاالله

[المحاق المشتعل]

انامل قلب

فنانتنا القديره

إلي يقرا كلماتج الطيبه

يعرف مدى ميول قلبج للرسم لأنه قلب جداً رقيق

صافي ومشع بالطيبه ... ليش تدمع عيونج على ماضي

إلا إذا كان هالماضي مؤلم ... الله يبعد كل آلامج

جداً أثر فيني ردج الرقيق .. لأن الانسان إلي يحمل قلب

جداً طيب مثل قلبج ما يستاهل أي شي من ذكريات الحزن

فنانتنا القديرة أختي وتاج راسي

بالعكس انا ليش اعارض إني اشوف فنج

فنج هو إلي ابغي اشوفه مثل ما ابغي اشوفه من كل فنان

بس لا تظلمين رسماتج في موضوعي انا

عطي رسماتج لو شو كانت حقها في موضوع مستقل

خلي الجرأة في عرضها هو الشي إلي تفكرين فيه

وإذا حطيتيها في موضوعي بتضيع بين الردود حرام

لازم اتحصل نطاق ان الكل يشوفها ويبدي رايه فيها

ولا انا غلطان

انامل قلب الطيبه

لا تحزني فالحزن ليس لك ِ

قلبك الطيب لا تليق الأحزان له ابداً

حفظك الرحمن من كل حزن وكل هم

تقديري الشديد لك ِ وجداً شاكر لج إضافتج القيمه

محاق

[حلم الطفوله]

السلام عليكم

ما شاء الله على هالفن الراقي :)

ربي يحفظك

[المحاق المشتعل]

شوق القلوب

ممتن جداً لذاك الإحساس

ولا تحرمينا روعة أحاسيسك الجميله



حفظك إلهي

محاق

[المحاق المشتعل]

العجيبه

أشكرلج ردج العجيب

إلي خلاني افكر بعجب في كلماتج العجاب

أختي الكريمه الطيبه

ابتعادي ولله الحمد كان بفضل الله سبحانه والحمدلله على هاي النعمه

وأسأل الله التثبيت بإذنه سبحانه

هاي اللوحات صح بايخه لكن ما عرضت الجانب الشري في المحاق

أو الخسوف المظلم للمحاق لأنه ما تمت لي لوحات من تلك النوعيات

لكن الحمدلله إني انتهيت من رسم الملامح وانا سعيد بابتعادي عنها

بالنسبه لفكرة المعهد

هي فكره جميله

بس انا نوعيتي ما تفكر بطريقه تجاريه ابداً

لأنه مخي صفر في التجارة أو في الترتيب

مخي امخربط

لكن كتعليم ولو كان مجاني انا ما عندي مانع فيه

جزيل الشكر والتقدير على إضافتج العجيبه

[المحاق المشتعل]

الشوق

فنانتنا المبدعه

يشرفني حضورج البديع

وانا عن الخيال ما بقصر فيه

لكن ألوان اللوحه هاذي انا اصلاً مش مقتنع فيها ذاك الزود

لأني رسمت رسمة بنت بالأنيميشن طلعت مليون مره احلى من هاي

بس ماعرف وينها

يمكن احصلها في مكان ما بجيك عليها يوم من الايام بإذن الله

وبالنسبه للمشاركه مع مصممين الكرتون الصراحه وايد فكرت

في هالشي من زمان ودايماً كنت ابحث لكن في النهايه تركت رسم

الملامح البشريه ( وهذا اهم شرط يطلبونه حق رسم الكرتون للأسف )

وليش يعني يا فنانتنا ما تقدرين اتسوين نفس هاي الرسمه ؟؟

انتي ما فيج شي عشان ما تقدرين ماشالله عليج

النقطه هي في التقليد

إذا دايماً بتمين اتقلدين الصور والرسمات

بتكونين استايلج الخاص في الرسم

وبتخزنين خبره جديده في كل رسمه ترسمينها

لهذا استمري واذا تبين نصيحتي خليج من رسم الاوادم

وعليج برسم الطبيعه تراها كنز لا يشعر بغلائه إلا القليل

جزيييل إمتنااااني الشديد لك ِ أختي وفنانتنا الشوق

تقديري الدائم

محاق

[المحاق المشتعل]

تنينه الفنانه

إضافه رائعه اضافت نكهة المرح لموضوعي المتواضع

غمرتي قلبي بالسعاده بتلك الكلمات المضيئه

وبين روعة الكلمات ( لو ادري انه هالتنين من اهلج جان شقيت الرسمه ) هههههههه

الرسمه روحها خبر خير متقرفصه عالآخر

انا ابا اصورها ما اروم جني امطلعنها من متحف

تنينه المبدعه

جداً فخور بهذا التواجد المزهر

واشكر لك ِ روعة إطراءك المبدع

دمتي نجمة بفنك

محاق