إعتذاااااااار

[الا انا]

بسم الله الرحمن الرحيم

إخواني وخواتي والله انه ماكان قصدي اي شي ... بس مشكلتي اني " عصبيه & حساسه " زياده عن اللزوم ..

أخوي المحاق المشتعل ..... السموحه اخوي اذا ضايقتك بكلامي وبالعكس انا يشرفني ويسعدني انك تنصحني وتكون مراقب علي وعلى غيري وادري اني انفعلت بالرد وما كان ردي عليك محترم ..

اختي الياه ... السموحه منج اختي أنا مبغي اي احد يزعل مني ..

أخوي أتمنى .. السموحه بس انا ماحطيت الموضوع عسب اناقشه .. لأ .. أنا حطيته لأني كنت منرفزه وما حطيت فبالي وين حطيته بس كنت ابغي اتفاهم مع احد من الإداره يعني ماكنت حاطته حق المناقشه
ويمكن تسرعت يوم حطيته بالمكان الغلط ... عسب متقول لي لتحطين مواضيع وتقولين رايكم وميهمني
بالعكس انا اهني عسب آخذ واعطي بالكلام واستقبل الردود بكل رحابة صدر ... عالعموم مشكور والسموحه منك ..

وما أنسى اختي الشوق "" مشكوره اختي عكلامج المحترم ....


وإلى كل أعضاء وإدارة هذه المنتدى " السمــــــــــوحه ... السموحه " اذا اخطيت بحق احد ::


اسمحولي اذا نك نيمي ضايق اي احد فيكم وراح أغيره انشاالله ::

[ذنـيـنـي]

ان شاء الله الاخوان و الاخوات يتقبلون اعتذارج
و ان شاء الله ماشي زعل من بينا
كلنا اخوان و الاخو مستحيل ما يسامح اخوه

ربي يوفقج و تسلمين على هالبادره الطيبه

[الا انا]

ذنيني
تسلم اخوي عالرد الطيب
وانا بعد مصره اني ماغلطت لكن بعد اعتذر ... لأنه محد بينفعني غير ذكر الناس عني بالخير ""
وحلو الواحد يوم يعتذر ""

[الحاضر الغايب]

اكيد ماشي زعل ان شاء الله ...

وكلكم راضيين على بعض

اختي في طريقة سهلة عشان تعرفين اذا العضو اللي يكلمج بنت او ولد ...

تحت كل اسم مكتوب الجنس

هذه الصورة معناها بنت

وهذه الصورة معناها ولد

اتمنى اكون فدتج

والسموحه ...

[الا انا]

الحاضر الغايب
أخوي تسلم عالرد الطيب
بس انا اعرف افرق لكن ذاك اليوم ما كنت منتبهه وماكنت اصلا متفيجه اشوف نوع الجنس "بنت ولا ولد "
عالعموم تسلم الغالي عالافاده ""
تسلم

[إسهر معي ليله]

من طيب أصلج،، وان شالله محد يكون شال بخاطره عليج

وحلو لو تخلين الأعضاء يقترحون عليج نك نيم يديد،،

موفقه

[ذنـيـنـي]

و انا ما قلت انج غلطتي
بالعكس الانسان يكون كبير يوم يعتذر

يمكن الي صار سوء تفاهم،
مب يمكن، الي صار هو سوء تفاهم و يمكن يحصل لأي حد فينا
و مب شرط انه اذا الشخص اعتذر لشخص معناته انه غلطان


اعتذارج هذا ان دل على شي تراه يدل على طيب اصلج

موفقه ان شاء الله

[الـيـاه]

شكرا ً ومافي حد زعلان منـج ..

[المحاق المشتعل]

السلام عليكم

أختي الكريمه

بالأسلوب الطيب تشترين ألف راس و راس

بالأسلوب الطيب تكسبين العالم كله

صح اسلوبي مب طيب

لكن ما كانت نيتي الإساءه لج ابداً

لكن سامحيني إذا وصلت المعلومه بطريقه يمكن ما عجبتج

واعتذارج مقبول اختي ومرحباً فيج ويانا في اي وقت

محاق

[تنينه]

صح اسلوبي مب طيب

لكن ما كانت نيتي الإساءه لج ابداً

لكن سامحيني إذا وصلت المعلومه بطريقه يمكن ما عجبتج

مهااااق

اذا انت أسلوبـك مب طيب عيل منو اللي اسلوبـه طييب ؛؛

والحمد الله اختي الدافيـه انتهت السالفـه على خييير

[الا انا]

المحـــــــــــــــــــــ ـــــــــــــــــــــــــ ــــــــــاق
بالعكس والله إنت الطيب كله ........... واسلوبك كان واااااااااايد محترم
وهذا يدل على اخلاقك العاليه وطيب قلبك """""

[بحر الموده]

وعليكم السلام ورحمة الله وبركاته

الدافيه عذرج مقبول وان شاء الله محد زعلان منج

وعسا الزعل بعيد عن كل انسان متواجد فى الواحات

وتقبلى منا كل الود والاحترام وربى يوفقج للخير ويحفظج

والسموحه ...

[الا انا]

تنينه حياتي تسلمين عالرد الحلو


اسهر معي ليله
تسلم الغالي عالرد الطيب وتواصلك الدائم
واكيد موافقه دامه اقتراحك ...

[الا انا]

بحر الموده
مشكور عالرد الحلو

[أتمنى]

مساء الخير ..

اختي الكريمة ..
اذا مرة ثانية تنرفزتي
و ما تبين تناقشين الموضوع
و غايتك هي انك تتفاهمين مع شخص من الادارة

راح يكون الحل انك تراسلين
الادارة عبر الرسائل الخاصة ..

لأنه مهما كانت نيتك او غرضك
الاعضاء ما راح تعرفها إلا اذا حددتيها

عواافي ..
أختك :)

ينقل لواحة الاصدقاء كونها الانسب