تاراتاتا

[ولد الشحوح]

برنامج مشابه لغالبية البرامج العربية
أغاني حشرة صدعة راس زلمات
برنامج تاراتاتا مبين انه مصروف عليه مبلغ مب هين ويقدمه الإعلامي نيشان ما اعرف ليش مسوين له قدر انا ما اجوف انه مقدم بارع .... برنامج غير هادف ، تافه ، ما أضاف شي لقناة دبي حاله من حالة باقة برامج قناة دبي اللي أجوفها مركزة على المجتمع المصري وكأن المسؤولين نسوا انها قناة إماراتية ، لاحظوا الجمهور في البرنامج اللي بيحصل مواطن بعطيه هدية
باختصار اللي ابا اوصل له ان قناة دبي شو هدفها من هالبرامج التافه او اللي ما تخدم مجتمعنا
مثل تاراتاتا ولا برنامج نشوة اللي تقلد فيه اوبرا ويحق لها بس مب ع حساب الإماراتيين في كثير من الإماراتيين المبدعين في مجال الإعلام ومحد عطاهم الفرصة وها نيشان مقدم تاراتاتا من قناة انفنتي الى دبي واتخيلوا كم معاشه .... اذا نجاح المساعيد تاخذ أكثر عن الوزير والله حالة
ادري انه افكاري غير مرتبة بس من الغيض ومن اللي اجوفه ...؟!؟

[الـيـاه]

جفت دعايا هالبرنامج .. بس ماعرف شو سالفتـه !
بس من كلامك أفهم انه برنامج هيصه وأغاني لاستوديو في مصر ..

يالله
مب شي غريب
كل البرامج ستوت جي وبدون هدف ..

[فركوشه]

نيشان بتروول كان يقدم برنامج فـ نيو تي في

هالبرنامج اللي استوت فيه سالفه اصاله ويا ريلها العرياان

والله نسيييت اسمه.. على ما اظن اسمه باللهجه العرااقيه

واصلا انا ما اتابع قناة دبي.. اجووف سما دبي و ون تي في والرياضيه بس

[مزايا]

صح سمعت عن هالبرنامج وماكان فيني الفضول عشان اشوف ولو نص حلقه وحده
بس من دعايته إحس إنه برناامج تافه وماله هدف
وبما أن معظم الاتجاهات الحين تتجه ل عالم الفن والغنــاء ف حبّـوا ينتجون برامج غنائيه تجذب هواة الغـناء يعني حالهم حال باقي القنوات

[الـيـاه]

توه حطو الدعايا .. منو نيشان ؟ هذا مب الكويتي بركات اللوقيان ؟؟؟

غريبــه
بركات كنت اجوفه انسان وايد لبق في كلامه ومثقف .. مره جفته فيس تو فيس في هاردزز وايد محترم

[فركوشه]

امنوووه بركااات..؟!

[الـيـاه]

هذا بركات اللوقيان

http://www.alqabas.com.kw/Final/News...0009_small.jpg

مب هو نفسه المذيع اللي في هالبرنامج اللي تطرونه ؟

[فركوشه]

لا غييييييير هذا غاوي

نيشان زلمه لبناني

وهاذي صورته

[الـيـاه]

اوه عيل ليش في الاعلان يحطون بركات وهو يرمس ويقولون انه وياه !

[قرموشة]

يتشابهـون لول
ماعرف هـ البرنـامـج ولا جد سمعت عنـه وقناه دبي ما أشوفهــااا
بس أحـس عادي كـل البرامـج استوت بهـ الطريقـه وأخـس عن جي بعـد !
ومابـ اليد حيـله

[عيون الليل]

سواء بركات ولا نيشان . . الاثنين اسخف عن بعض . . .

ع العموم البرنامج مقتبس من فكره غربيه اكيد . . لانه نحن العرب عمرنا ما ابتكرنا برنامج محترم . . دائماً برامجنا مقتبسه من الغرب. .

وللاسف بدون هدف . .

ومثل ما قلت يا اخويـه . . برامج قناة دبي كلها برامج يغلب عليها الطابع المصري ! ! ابا اعرف وينه الرميثي !

تســلم اخويه . . وانا فيه غيــــض مثلك وبالذات ع هالبرنامج الي اسمه سخيف مثله

[بنوتة جميرا]

قناه دبي صارت غير هادفه
وبرامجها واااايد تافهه بدون هدف
وشرات ماقلت ياخوي
مب جنها قناه اماراتيه
صاروا يهتمون بمصر وغيرها ومشاكلهم اكثر
وبرامجهم كلها تبث من استوديوهاتهم
وهالبرنامج احس انه من اسمه تافه بلا قيمه

[شوق القلوب]

السلام عليكم..

مره قريت خبر عنه في الجريده.. البرنامج فكرته ألمانيه على ما اتذكر.. و فكرته انه في كل حلقه يستظيفون كذا فنان و يخلينهم يغنون مع بعض.. و في كل حلقه اييبون مقدم غير..

يعني هم في الحلقه الاولى .. كان المقدم نيشان.. ويابوا أصاله .. و فله .. و الشاب خالد

الحلقه الثانيه.. توني شفت شوي منها .. يقدمها بركات الوقيان .. و يايبيين صابر الرباعي .. و ملحم زين .. و هنتين أول مره اشوفهم.. و يايهم واحد بعد..

..


طبعاً البرنامج سخيف .. و تقليد أعمى..
و مثل ما قلتوا.. ما منه فااايده أبداً.. خساره ميزانيه على الفاضي.. يعني التلفزيون يصرف اشكثر على برامج جداً سخيفه.. و أبداً مب موجه للمواطنين.. أبداً ما يخدم الوطن..

[طير الحب]

البرنامج فاشل اول حلقة قدمها نيشان الثانية بركات وما بتعتمد على مذيع واحد حتى حليمة بولند بتقدمه بس انا شفته من باب الفضول وطلع انه برنامج فاشل

[ملاك الروووح]

::

السلام عليكم ..

أنا بالصدفه حطيت قناة دبي وشفت الدعايه ..!

واستغربت انه اعلامي بحجم بركات يقدم .. هالنوع من البرامج ..!

انصدمت بصراحه .. لأنه وايد يعيبني ..

انسان محترم .. ومثقف .. ولبق .. وراقي ..

بس دام السالفه فيها حلقه وحده .. ف بسامحه هالمره لوووول !

:

للأسف كل القنوات تتجه لهالنوعيه من البرامج ..

لأنها تجذب أكبر شريحه من المشاهدين ..

برامج هابطه .. سخيفه .. مال أبوها داعي ..

بس طبعاً الهدف من وراها هو الربح المادي السريع !

والضمايـــــــــر ( مــيتـــــــــه !! )


:

تقليد أعمى للغرب .. بشكل مش طبيعـــــــــي ..

تناسوا انه عندنا عادات وتقاليد وأعراف .. تمنعنا من انه انقدم هالنوعيه من البرامج ..

بس طبعاً بما انه مافي حد يعترض .. او يحتج .. ما راح يوقفونها ..!

وشرات ما قلت .. اهم شي عندهم الحين الربح المادي ..!



:

السموحه عالاطاله ..

ويمــــكن لي عوده ..

:

الله المستعان بس