~-~-~(( الحب فالمنتديات))~-~-~

[الدلووووعة]

السلام عليكم ورحمة الله وبركاته

اليــوم عنــدي موضووع أنا و "ربيعة أختيـه الغالية" الدلوووعه

في موضوع حبينا نتكلم عنه ونجوووف شوو رايكم فيــه .. <<الحــب فالمنتــديات>> يمكن عنواان الموضوع ياخذ بال أي حد يقراه لشي معين، ويختلف التفكير من شخص لشخص ..
وألحــين بخليــكم مع هالحــوار اللي ما انكـتـب الا مـن تـجــارب وقـصــص واقـعـيـة سـمـعـنــا فـيـهـا وأثــرث فينــا وحبيــنا انــا ننقلــها لكــمـ بـهـذي الصورة ...


( أبطااال القصة : فطوم وميثوه ربع قو ويا بعض ،، وطبعا فطوم تعرف انه ميثوه تحب ولد عمها من زماااااااان بس هاي الايام ميثوه ماقمت ترمس عن ولد عمها ودوم ترمس عن واحد وياها فالمنتدى طبعا فطوم شكت في ميثوه ..جان تسألها ...؟؟)

فطوم : ميثوه انتي ماتلاحظين وايد ترمسين عن ها العضو اللي وياج فالمنتدى وماترمسين عن ولد عمج.

ميثوه ( تغيرت ملامح ويها يوم سألتها فطوم) جان تقول: هاااااا لالا عادي ما أرمس وايد عنه ليش يعني ؟

فطوم : ميثوه شوفي هب عليه انا هاي الحركات اعترفي احسن لج لني اعرفج من اسلوبج

ميثوه : تبين الصدق احم احم انا اصلا ماكنت احب ولد عميه بس يمكن مجرد اعجاب اكثر من انه حب

فطوم (وهيه مستغربة ، أول مرة تسمع ميثة تغير رايها فولد عمها) : انزين وبعدين الشيخة ميثة كملي

ميثوه : فطوم تراني ارمسج جد انا ماحب ولد عمي الحينه احسه عادي حاله حال اخويه بس قبل يمكن
شخصيته تعيبني لاكن الحينه لا عادي ، بس له معزة خاصة فقلبي لأنه ولد عمي

فطوم : والحينه لاتقولين انا احب راعي المنتدى اللي دوم ترمسين عنه ؟

ميثوه (مبتسمه ومستانسة من السؤال) : هيه فطوم احسه انسان غييييييييييير غييييييييييير عن الكل

فطوم : كيف يعني غير؟ شو الشي اللي يميزه عن غيره ؟ غردي على مسامعي

ميثوه: اسلوبه، طريقة، رمسته، مواضيعه، كل شي، كل شي احسه غييييييير عن باجي الاعضاء والله

فطوم : حبيبتي ميثوه يعني انتي الحينه متأكده انه هو يحبج؟

ميثوه : هيه .. وانا تأكدت من ها الشي

فطوم : بعد متأكده .. كيف ان شاءالله ؟ لاتقولين لي مسوتله اد عندج عالمسن !!

ميثوه : هيه سويتله ..عسب جي فالبدايه كنت معجبه فيه ..لكن الحينه من بعد مارمسته عالمسن وجي حبيته صدق

فطوم : واااااااااااي.. بضربج يا ميثوووه.. انتي خبله ولا شو سالفتج؟! كيف تحبين واحد وياج فالمنتدى؟؟ ولا عالمسن ؟! انتي خبله !!؟؟

ميثوه : وليش ماحبه شو الغلط في ها الشي ؟

فطوم : ميثوه شوفي الحينه انتي شو دراج اذا هو صدق يحبج وألا لاء؟؟ يعني خلينا نفرض انه اعترف انه يحبج بس .. هب كلهم يصدقون في اللي يقولونه بس مجرد رمسه لاغير

ميثوه : لا ها العضو مايجذب انا متأكده من ها الشي ولا ماكنت بحبه

فطوم (وفخاطرها تضرب هالهبلة اللي يدامها ) : خلي عنج هاي الرمسه متأكده ومادري شو وبعدين تعالي انتي كيف مسوتله اد عندج ؟

ميثوه : عادي شو يعني مسوتله اد حبيبي ولازم بسويله اد

فطوم: أييييييه هبلوووو .. لاتقهريني زود اونه حبيبي .. انزين خلينا من ها الحينه اذا صدق يحبج اخر شي بتتزوجون ؟

ميثوه : هيه ليش لا

فطوم : عما ظن انتي تعرفين اهلج اكثر عني .. انتي اهلج مايرضون تاخذون واحد غريب .. صح ؟

ميثوه : انا بحاول وياهم مايخصني بس خليه يقول انه بيتقدم لي وانا بتكتك حق كل شي

فطوم : ماشاءالله الشيخة وايد متعذبه وبتسوي المستحيل بعد

ميثوه: انتي ليش جي ماتشجعين ها الحب شو فيه ها النوع من الحب ؟

فطوم : انا ماشجع ها النوع لنه اصلا احسه هب ها الحب الصح ،، يعني ها بس مجرد كلام لاغير ،، أو اعجاب

ميثوه : لا هب الكل جي انتي شو فيج شو ها التفكير اللي عليج ؟!!!

فطوم: ميثوه انتي ليش ماتبين تقتنعين انه ها مايسمونه حب!!؟ .. خلج من ها الانسان .. صدقيني بعدين بتقولين صدقها فطوم

ميثوه: لا مابقول وانا عايبني ها الانسان هو يحبني وانا احبه ليش اخليه .. نوووووووو هب مخلتنه

فطوم : شوفي انا بحط ها المووضوع فالمنتدى وبنشوف شو راي الاعضاء في ها الحب اوكيه ،،وبعدين بنشوف امنو الصح انا ولا انتي؟؟

ميثوه : اوكيه ماعليه وبتشوفين انه انا اللي اقوله صح ..

فطوم : اوكيه ..


طبعــا شفتــواا الحــوار اللي دار بين ميثوه وفطوم وهـــو عن الحب ،، بس أي حب :
"حب وحده حق واحد من االمنتدى" أو العكس " حب واحد لوحدة فالمنتدى"
هل انتو مع ها الشي ولالاء ؟؟
وهل انهم اذا حبو بعض صدق يرومون يتزوجون بعدين من دون معارضة اهاليهم؟
وألا لاااااء ؟؟

ويــاريــت مـن كــل من يقرا هالموضوع يشاركنا براايه .. حتى لو كانت كلمة وحدة ،، راح نستانس .. عسب نفتح باب النقاش للجميع ..


كـــل الـــود :
الدلوووعه و أمـــريــن

[المرعب]

السلام عليكم ورحمة الله وبركاتة
امممممممممم كيف احب في المنتدىوانا ماعرف اي شي عنها
في المنتدي اشوف كل انسان على خلق وكل الطيبه موجوده فيه
مثل الواحد الي لبس قناع ومتخفي فيه او مثل وحده لبسه برقع وماتعرف شو ورها
الي انا اشوفه الحب من المنتديات او المسن او اتعرف عليها عن طريق اتيلفون غير ناجح
وسموحه منكم

[الدلووووعة]

السلام عليكم ورحمة الله وبركاتة
امممممممممم كيف احب في المنتدىوانا ماعرف اي شي عنها
في المنتدي اشوف كل انسان على خلق وكل الطيبه موجوده فيه
مثل الواحد الي لبس قناع ومتخفي فيه او مثل وحده لبسه برقع وماتعرف شو ورها
الي انا اشوفه الحب من المنتديات او المسن او اتعرف عليها عن طريق اتيلفون غير ناجح
وسموحه منكم

وعليكم السلام ورحمة الله وبركاته

انا وياك اخويه في اللي تقوله
انه الكل هني او هب الكل الاغلب يكون مثالي
وانه دوم هو الصح ومايسوي غلط ابد
وانا وياك انه اغلبيه ها النوع من الحب هب ناجح
بس ماننكر انه مافي ها النوع من الحب

تسلم على مرورك وتواجدك اخويه

[راعي الزعـامه]

الحب عالنت عموما مايعتبر حب ابدا ،،
يمكن اعجاب باسلوب الشخص والا مواضيعه والا اي شي ثاني ،، و يمكن يتطور لمراحل ثانية ماندري لو هي شينه والا زينه

و يفضل ان اتكون العلاقه سطحية بس عالمنتدى ما توصل لمكان أبعد دام ان الاثنين مايعرفون بعض الا في المنتدى ،، والشخص مهما كان اسلوبه في المنتدى أكيد بيكون شخص غير في الواقع ويحاول يكون مثالي في المنتدى ويغير من شخصيته ولو شوي ،،

فأنا رايي ان علاقات المنتديات نبقى لحدود المنتدى وماتوصل مكان ابعد ،، او حتى علاقات النت بشكل عام ،، لان انتو ماتعرفون منو يرمسكم خلف هاي الشاشه وشو طبعه وتفكيره وبشو يطمع ،،

تسلمون الدلوعه وامرين على المووضوع الشيق ،،

[الدلووووعة]

الحب عالنت عموما مايعتبر حب ابدا ،،
يمكن اعجاب باسلوب الشخص والا مواضيعه والا اي شي ثاني ،، و يمكن يتطور لمراحل ثانية ماندري لو هي شينه والا زينه

و يفضل ان اتكون العلاقه سطحية بس عالمنتدى ما توصل لمكان أبعد دام ان الاثنين مايعرفون بعض الا في المنتدى ،، والشخص مهما كان اسلوبه في المنتدى أكيد بيكون شخص غير في الواقع ويحاول يكون مثالي في المنتدى ويغير من شخصيته ولو شوي ،،

فأنا رايي ان علاقات المنتديات نبقى لحدود المنتدى وماتوصل مكان ابعد ،، او حتى علاقات النت بشكل عام ،، لان انتو ماتعرفون منو يرمسكم خلف هاي الشاشه وشو طبعه وتفكيره وبشو يطمع ،،

تسلمون الدلوعه وامرين على المووضوع الشيق ،،

انا وياك انه مايعتبر حب بالنسبه لك ولي
ولبعض الاشخاص بس البعض الاخر يعتبره حب
حاله حال الحب الحقيقي

وصح انه العضو يكون مثالي فالمنتديات
بس على قولتهم الحب مايعرف ها الشي ( طبعا انا مأيد ها الشي ابد )

واكيد لازم مايتعدى حدود المنتدى
لنه يعني ان تعدى حدود المنتدى مالهم إلا المسن
ومن بعد المسن بتطور العلاقة لخ لخ لخ


بس الله يهدي هاي الفئه

ووتسلم اخويه عالمرور والتواجد

[بنت الدلع]

why not

اذا هم يعرفون بعض
وكل واحد منهم يميل للثاني
ليش مايخلون هالشي رسمي
وتكون علاقتهم جاده
اذا فيه حب بيكون فيه تضحيه
بيكونون اسره حلوه ومحبه
بس مب اي حب
مب حب مصخره ولا لعب يهال

الله يوفقهم

تسلمون عالطرح يالثنائي الدلع ^_^

[الدلووووعة]

why not

اذا هم يعرفون بعض
وكل واحد منهم يميل للثاني
ليش مايخلون هالشي رسمي
وتكون علاقتهم جاده
اذا فيه حب بيكون فيه تضحيه
بيكونون اسره حلوه ومحبه
بس مب اي حب
مب حب مصخره ولا لعب يهال

الله يوفقهم

تسلمون عالطرح يالثنائي الدلع ^_^

تسلمين اختيه عالموضوع

حلوه وجهت نظرج
بس في عائق ثاني هم الاهل
يعني اغلب الاهالي يوم ولدهم بياخذ بنت
مايعرفها يعرف اخوها وجي يرفضون فمابالج من النت وجي عند بعض الاهالي نو وي وبعضهم عادي

وفي ناس تزوجو من النت
وعايشين حياتهم انا اقصد المنتدى

بما انه الاغلب يكون بصوره الشخص المثالي

[بوسلطان]

مــــع المـرعــب..
بــدون اي اضافــات..

[الدلووووعة]

مــــع المـرعــب..
بــدون اي اضافــات..

تسلم اخويه عالمرور والتواجد

[تحفه]

^مستحيل حد يتزوج وحده عن هالسوالف .. ... .واذا حصل وكانو مستانسين ها فالنادر و اذا حصل صدق بيتعبون

الزواج مسؤوليه كبيره مب لعبة يهال وتاج الحب وهالخربطان !! لـــــول

مادري كيف اشوف البنات يقولون يبون يعرسون .. العرس تعب مب شي هيّن

نحن في بيوتنا و بس عاونا في عزيمه وحده لساعه وساعتين وقلنا تعبنا وصدعنا وبرقد لين اليوم الثاني !! لول

عيل فما بالج انج تتحملين مسؤولية بيت و ارواح !

البنات عندنا يقولون يبون يعرسون علشان يفتكون من قيود استرتهم ( لا تطلعين روحج - لا تروحين سنما - لا ترمسين في التيلفون - لا تصبغين شعرج - لا تسوين مادري شو )

فيحليلها البنت تصير تبي تعرس عسب هالاشيا

ماتدري انه "الضريبه" ماتستاهل كل شي هي بغته


اللــــــه الهــــــادي.

[قرموشة]

فيحليلها البنت تصير تبي تعرس عسب هالاشيا
ماتدري انه "الضريبه" ماتستاهل كل شي هي بغته
اللــــــه الهــــــادي.

احلفـي انتـي بــس !!
البنت يمكـن في بدايـه الامـر بتفكـر بـ هـ الاشيــاء لكـن يوم تنحـط جـدام الامـر الواقـع تعرف انـه كـل هـذا في صـوب .. ومـسؤوليــات الزواج فـ صـوب ثانــي !
وكـيف تسمـين الزواج ضريبـه يا تحـفـه * الله يهـديـج هـاي سنـه الحـيـااه *
الزواج عـبـاره عـن خـليط مـن كـل شي فرح وسعاده وتضحـيـه وحـب واهتمـام ورعـايه من الطرفين واحترام وفوق هـا كـله انجـاب الاطفال ..
يعنـي باختـصـار لولاه جـان انتـي مـب مـوجـوده
ممم أفهـم من كـلامـج انـج ما تبين تعرسين ؟! لوول

أدري ما يخـصـه طـلعت برع المـوضـوع بس لفتني رد تحـفــه
وعـن الحـب في المنتــديات .. شي جـايز ويصيـر ..
واذا كـانوا الاثنين يحـبون بعـض صدق .. وتكـون هـ المـشاعر نابعه من القـلب
ووجـود قناعـه بهـ الشي ليش مايحـاولـون انه هـ الحـب ينتهـي بالزواج
.
.
.

[تحفه]

احلفـي انتـي بــس !!
البنت يمكـن في بدايـه الامـر بتفكـر بـ هـ الاشيــاء لكـن يوم تنحـط جـدام الامـر الواقـع تعرف انـه كـل هـذا في صـوب .. ومـسؤوليــات الزواج فـ صـوب ثانــي !
وكـيف تسمـين الزواج ضريبـه يا تحـفـه * الله يهـديـج هـاي سنـه الحـيـااه *
الزواج عـبـاره عـن خـليط مـن كـل شي فرح وسعاده وتضحـيـه وحـب واهتمـام ورعـايه من الطرفين واحترام وفوق هـا كـله انجـاب الاطفال ..
يعنـي باختـصـار لولاه جـان انتـي مـب مـوجـوده
ممم أفهـم من كـلامـج انـج ما تبين تعرسين ؟! لوول

أدري ما يخـصـه طـلعت برع المـوضـوع بس لفتني رد تحـفــه
وعـن الحـب في المنتــديات .. شي جـايز ويصيـر ..
واذا كـانوا الاثنين يحـبون بعـض صدق .. وتكـون هـ المـشاعر نابعه من القـلب
ووجـود قناعـه بهـ الشي ليش مايحـاولـون انه هـ الحـب ينتهـي بالزواج
.
.
.

انزين فعلا انا كريمه وايد بنات يبون يعرسون فليش ماكون كريمه واتيح لهم الفرص

لول

لا بس صدق

منو متفيج يقعد يتحمل مسؤولية ريل من اول ما يفتح عيونه الصبح الييييييييين ما يطبق يفونه الفليل

صراحه ماقدر اتخيل حياتي امسخره في خدمة انسان من الصبح لين الليل

مخلية الحلم الوردي حق المتفيجات لول

[قرموشة]

انزين فعلا انا كريمه وايد بنات يبون يعرسون فليش ماكون كريمه واتيح لهم الفرص لا بس صدق منو متفيج يقعد يتحمل مسؤولية ريل من اول ما يفتح عيونه الصبح الييييييييين ما يطبق يفونه الفليل صراحه ماقدر اتخيل حياتي امسخره في خدمة انسان من الصبح لين الليل مخلية الحلم الوردي حق المتفيجات لول

ههههههههههههههه ويارااسـج
الحـيييين كـل هـ النـااس عـرسـوا وتحمـلوا مـســؤووليــااات عـيالــهم وريااييللـهم
وانتي تقوليين مـنو متفيـج .. ! تفكييرررج ماعرف كـيف !
بس يوونييك يعني

وأدري انـه الله بيحـاسـب كـل حـد على وقتـه وعلى كـل اللي يسـوييه .. بس تفكيرج انتـي بهـ الطـريـقه
وكونـج مـا تبيين تتحمـلين مـسـؤوليـه شـرع الله ترا هـذا انتـي بعـد مـحـاسبـه عليــه

جاااو

[الزرعوني]

غلط × غلط


هذا رايي

و الاسباب كثيره

[الدلووووعة]

^مستحيل حد يتزوج وحده عن هالسوالف .. ... .واذا حصل وكانو مستانسين ها فالنادر و اذا حصل صدق بيتعبون

الزواج مسؤوليه كبيره مب لعبة يهال وتاج الحب وهالخربطان !! لـــــول

مادري كيف اشوف البنات يقولون يبون يعرسون .. العرس تعب مب شي هيّن

نحن في بيوتنا و بس عاونا في عزيمه وحده لساعه وساعتين وقلنا تعبنا وصدعنا وبرقد لين اليوم الثاني !! لول

عيل فما بالج انج تتحملين مسؤولية بيت و ارواح !

البنات عندنا يقولون يبون يعرسون علشان يفتكون من قيود استرتهم ( لا تطلعين روحج - لا تروحين سنما - لا ترمسين في التيلفون - لا تصبغين شعرج - لا تسوين مادري شو )

فيحليلها البنت تصير تبي تعرس عسب هالاشيا

ماتدري انه "الضريبه" ماتستاهل كل شي هي بغته


اللــــــه الهــــــادي.

تسلمين اختيه عالمرور

والله ياختيه صح كلامج
بس هب كل البنات يتزوجون عسب ها الشي إلا نادر