السلام عليكم ..

1) من أين حصل هؤلاء على الأسلحة؟

حسب معلوماتي إن في ناس داخل الدولة عندهم أسلحة ومابنروح بعيد مثال يوم الامارات خذت كاس الخليج كانوا هل العين يحتفلون بضرب رصاص عشان جيه منعوا المسيرة هناك والشرطة مشدده وايد عليهم فـ مابنستغرب وجود أسلحة عند العصابات اللي تخطط لسرقات كبيرة وبدراسه مضبوطه وعندها علاقات اكيد ويه ذوي الخبره والتجارب في هالموضوع

2) كيف تشكلت هذه الخليه وخططت وتشكلت ولم يكن لأي جهه أمنيه أدنى فكرة ؟

اليوم أي حد يبى يخطط لشي يكون حاسب ألف حساب للكلمات والمسميات اللي يستخدمها بدون مايذكر كلمات تخص الموضوع من قريب (تشفيرات) ويعرفون كيف يتلاقون في أماكن مختلفه بدون ماتلاحظهم العيون وكل شي يتدبر لأن في راس عود وراهم هاييل مايتحركون بروحهم ! وعلى طاري إختيار الوقت فـ هو الأنسب لأن العامل يكون في نهاية الدوام وتوه بادي يرجع المجوهرات للخزانه لأنه لو دخلهم وقفل عليهم ودخلوا المركز فالليل صح مابيكون في حد بس صعب عليهم يسرقون في نفس السرعه لأن فتح الخزانه بروحه يباله مده طويله هذا إذا قدروا

3) كيف يتم كسر بوابة المركز ولم يصل رجال الامن " علماً بأن هناك أنطمة أمنيه متصله بشكل مباشر بمراكز الشرطة " ؟

بصراحه عن هالنقطة أحس الموضوع فيه خلل لو فعلا كان في جهاز إنذار يبلغ الشرطة مباشرة لأن نفس الحالة صارت يوم إحترق مركز الواحة بإن البلاغ وصل للشرطة عقب حوالي 40 دقيقه ومع ان المركز مابقى منه شي بس الإنذار ماوصل للشرطة فـ يمكن هو خلل في الجهاز نفسه ويمكن يكون بفعل فاعل معطلين هالجهاز ويكون في ناس متعاونين وياهم على هالشي ولهم نصيب ليش لأ !

4) عندما كسر الباب لماذا لم يهرع رجال أمن المركز ؟

السكيوريتي لايهشون ولا ينشون شي طبيعي لأن ماأعتقد في واحد بيشوف مسلحين ومايعرف شو عندهم او على شو ناوين وبيواجهم بجهاز أشبه بالهوكي توكي عشان يمنعهم لأنه يعرف شو بيصير فيه قبل مايروح وبعدين كل شي صار بسرعه بحيث ان بعدهم الناس مب مستوعبين اللي يصير يعني ممكن أي يشوف هالشي بدون سابق إنذار بيتحرى تمثيل ومابياخذ الموضوع بجديه يعني لو هم مطولين شويه والناس كانت فاهمه يعني أقل يسوونه اللي فوق إنهم مثلا يفرون الكراسي والطاولات وطفايات الحريق على السيارات أو أفراد العصابه ولا بد حد بيتعور من هالشي وبيتاخرون لو شويه

5) إذا هرب المسلحون إلى زعبيل ، فكلنا نعرف بأن زعبيل مقر الحكم واغلب أفراد الأسرة الحاكمة فيها إذاً أين كاميرات المراقبه وأين دوريات الأمن في زعبيل؟

هم حسب علمي وقفوا في أقرب منطقة هاديه لموقع الجريمه اللي هو جدام مستفشى الوصل تقريبا وهالمكان صاير في مدخل زعبيل من الخلف يعني منطقة يدوب كل فترة تمر فيها سيارة وبعدين البلاغ اكيد ماكان واضح للشرطة عن نوع الحادث أو عن اللي صاير بالضبط ولا كانوا على الاقل حاصروا المنطقة من برع عشان محد يطلع منها بس السؤال اللي طرح نفسه هني إنه دامهم حرقوا السيارات لابد يكونون ركبوا سيارات ثانيه إما تنتظرهم أو موقفينها هناك ولابد يكون حد شاف هالشي لو من بعيد وعرف السيارات اللي كملوا عمليتهم فيها واتوقع هالمعلومات وصلت للشرطة بس هم مارمسوا عنها عشان يخلونهم متطمنين لآخر لحظه

6) هل نتوقع سرقات مشابه في المستقبل وهل ستتحول دبي إلى سان فرانسيسكو ؟

لابد أن تكون في سرقات ثانيه مب شرط بنفس المستوى يعني سرقات البيوت تصير دايما من مبتدئين بس المحترفين نظرتهم دايما أبعد ومايلعبون إلا على الكبير بس في الجهه المقابله الشرطه بتتشدد أكثر وبتجهز نفسها لمثل هالأمور وإن شاء الله بتتدارك أي شي مشابهه في المستقبل وخاصه نفس المركز المفروض خلاص تكون آخر مره وتكون عليه رقابه شديده

السموحه

الاســـطـــوري
أخوكم