القاء القبض على العصابة اللتي سطت على وافي سيتي

[المقاتل]

إليكم آخر موجز الأنباء . .

تم إقتحام مركز وافي من قبل عصابه مسلحه ( مافيا ) اليوم بسيايير مسروقه إلى مركز وافي وتم سرقة 70 مليون من محلات بن هندي .. !!

وتم تفجير السياره في زعبيـــــل !! وحتى الآن لم يتم القبض على هذه العصابه < المافيا > .

ونسأل الله لنا ولكم السلامه من شر هذه العصابات في دبي . . !!

وسوف أنقل لكم الفيديو إن شاء الله قريبا

مراسلكم . . المقاتل . .

[شوق القلوب]

السلام عليكم...

شو هالخبر..!!

بسم الله .. استوت عدنا سوالف المافيااااا..

..
وكيف هذيلا حاطين 70 مليون في مركز تجاري..! ولا هم سارقين اشياء قيمتها توصل لـ 70 ..!!


نتريا الاخبار و التفاصيل..


..


وتسلم يا المقاتل..

[قرموشة]

OMG !!
أمـسات خطفنــا صوب وافــي
حليلهــم والله !

[طير الحب]

الله يحفظ بلادنا ويحفظنا

[قرموشة]

شـوق القلـوب ..
المركـز هـذا بكبره ماراكـات فـ مـاركـات
وغـير مـحلات المجوهـرات اللي قيمه الاشيا اللي فيها بـ الملايين
يعني هـذا يعتبر شـويه لول
والمقاتـل قال من محـل واحـد بس 70 مليون .. فمـابالج بالاشـيا الباقيه

[شوق القلوب]

قرموشه..

هي أدريبـــه انه كله ماركات و الاشياء اللي فيه كلها غاليه..

كنت اقصد المبلغ كاش.. مب قيمة بضايع..

[المقاتل]

العصابة سرقت من محلات بن هندي وهي عباره عن ألماس ومجوهرات تصل إلى قيمة 70 مليون .. هيه نعم أختي شوق القلوب عصابة المافيا متواجده في دبي من زمان .

والقهر إنها مش أول مره اتصير . . هاي الصرقه الثانيه إلي حصلت من تاريخ مركز وافي . . !!

. . المقاتل . .

[حركات]

اميييه شوهالخبر

ليش فجروا السياره !

الله يستر و ان شاء الله يزخونهم بسرعه

[الاسطوري]

السلام عليكم ..

أول شي أنا شكيت في المعلومه بس يوم سألنا واحد في التحريات أكد لنا الخبر والسالفه صارت تقريبا
على الساعه 10 او قبل بشوي مب متأكد وهم سيارتين أودي A8 مسروقات
وحده سوده ووحده بيضه دخلوا بهم في المركز وهم
مسلحين وأصابوا عامل حاول
يمنعهم و السكيوريتـي مال المركـز لا حـول ولا وقـوة طبعـا وجهـاز الانذار أشتغـل بس كل شي صـار
بسرعه وهم لابسين لبس عصابات أسود في أسود من فوق لـ تحت ومايبين
منهم شي وطلعوا من بوابة ثانيه وعلى طول حرقوا
هالسيارتيـن في زعبيل
بس وحده منهم لحقوا عليها المطافي قبل ماتحترق ، وعندي بعض الصور اللي إلتقطها الجمهور
اللي كانوا هناك وطبعا للعلم الصور منقوله من مواقع ثانيه وعندي لكم
بعد فيديو هـنـــــا ، والله يحفظنا ويحفظ بلادنا
من العصابـــات

الاســـطـــوري
أخوكم

[ألم ترى]

بسم الله الرحمن الرحيم ..

..

لاحول ولاقوة الا بالله ..

الشكر موصول لـ المقاتل والأسطوري ع التغطيه ..

الله يحفظ بلادنا وبلاد المسلمين من شر هالأعمال ..

[مزن هتان]

اللـه المستعان

[مــهــابه]

لاحـول ولاقـوة

شكـل المركز وهو متـكسر يـخوف والله !!

الله يحفظ بلادنـا من كل شـر

[بريد ألكتروني]

انشالله فأقل من اسبوع بنجوف صورهم فالجرايد .. دبي هذي يا بابا دبي .. يا ويلهم من بو راشد

[بنت الدلع]

ويـــــــــــيييه باسم الله

شو هاللي يستوي في بلادنا !!

من كثر اللوث والاجانب الي فيها لازم نتوقع كل شي

[أمطار]

من وين لهم الأسلحه؟؟؟؟
حتى لو هم يايين البلاد ،، مستحيل يقدرون اييبون عندهم الاسلحه!
فـ هذا اول شي لازم يعرفونه..
إذا هذيلا قدروا يوصلون لأسلحه مثل جي،،
أكيد غيرهم بيقدر. . .!

الله المستعااااان..