القاء القبض على العصابة اللتي سطت على وافي سيتي

[حلم الطفوله]

توني يالسه أقرأ الجريده ..... سوق المجوهرات قايم هالأيام :)

[سفير الخيال]

الله يستر

[وحي القلم]

تم القبض عليهم والحمدلله ..

أكــيــد ؟!

[ملاك الروووح]

::

والله للحيــــن مش قادره أستوعب اللي صار ..!

حسيت عمري أشوف أوشنز 14 !!

عصابه بروفيشنال .. قدروا يسرقون ويشردون ف أقل من 3 دقايق ..!

وكانوا على علم بوقت تغيير دوريات الشرطه ..

ويعرفون الوقت اللي يشلون فيه الأطقم المعروضه في الفاترينه ..

و يحطونها في الخزنه .. وهاللي سهل عليهم طبعاً العمليه ..!

:

على العموم مصادري الموثوقه في القياده العامه .. تنفي خبر اعتقالهم .. حتى الأمس

وعملية البحث عنهم مازالت جاريه .. ونتمنى أن تسفر عن نتائج في القريب العاجل ..!



:

حتــــــى الامان اللي كنا نحسه في بلادنا .. شكلنا بنفقده ..!

والسبه هالأجانب .. والعماله الوافده واللوث اللي قاعدين ايون البلاد بالهبل !

الله يحمي بلادنا .. ويحفظها من كل شر ..

:

تحياتي

[روضه]

معقوله!!!
صدق والأ تمزح سفير الخيال؟؟؟
شوصاير عندنا ؟؟
الله يستر..
وين الامن والامان؟؟؟
الحمدلله انها سرقات مب تفجيرات

[نبراس الليل]

أكيد !!

[ملاك الروووح]

نبراس ..

اذا تسألني انا لو الخبر اكيد ولالا ..

أقولك أكيـــــــــــــــدين ..!

وأخوي قايل لنا .. انه إذا زخوهم بيخبرنا على طول .. وأنا بدووري بنقل لكم الخبر اليقين على طول

[نبراس الليل]

انا ما أسال




هذا جواب

[ملاك الروووح]

ReLaaaX Bro

تراني قلت لك إذا كنت تسأل .. ف هذا جوابي ..

وإذا لا .. ردي بيكون لتأكيــــــــد الخبر بس .. !


ويارب يلقون القبض عليهم جريب

وهاللي متوقعينه من شرطة دبي ..!

[طعون القلب]

just to let you know

العصابه خلاص فرت من البلاد .. وشرطة دبي وصلت لأخر خيط ودلت الشقة اللي كانوا فيها لكن للأسف ما ألحقوا عليهم لانهم طاروا برع البلاد ...

ومن المحتمل الأكيد العصابة يوغسلافيه او اوكرانيه .. وكانت أمرأة وياهم في عملية السطو ..

...

[إسهر معي ليله]

كل واحد يقول رمسه !

واحد من ربعنا يداوم في العمليات،، يايب صورهم وما طرى انهم شردوا او طلعوا من البلاد

بالعكس!.. يأكد لنا انه هذيل زاخينهم زاخينهم..

ماعرفنا شو الصح احين

[بنت ناس و عرب]

بن هندي نسى شو سوى فمطار دبي !

يالله الله ما يظرب بعصاه الا جذه ،، و عنده الخير اما العصابه دام ما سوت شي بنا ش علينا منهم ! نتوكل ع الله و كل شي الحمدلله امان ،،

[ملاك الروووح]

::

صدقه ألم ترى ..

كل حد يقول رمسه ..



أخويه توني سألته للمره المليون من عقب الحادث

جان أحصل لي هزبه معتبره هع هع

قالي ليش معوره راسج انتي وايد بالموضوع ..

خلاص قلنا لكم يوم بنزخهم كل حد بيعرف .. والسالفه أكيد بتنتشر ..

قال انهم تعرفوا على العصابه بس .. ولهم أكثر من 100 عمليه مشابهة برع ..

بس تم التعرف عليهم في دبي .. لكن عملية القبض عليهم للحين ما تمت ..!

هذا والله أعلم ..

:

بس حبيت أعقب على كلام اختي بنت ناس وعرب

دام العصابه دام ما سوت شي بنا ش علينا منهم !

اشلون ما سوت فينا شي ؟!

يعني لازم تجتل حد .. عشان نعتبرها مسويه شي ..!

مش كفايه انها كانت سبب ف زعزعة الأمن اللي نحن كنا عايشين فيه .. الحمدلله ..!

ومش كفايه انها بتعطي دافع .. لأصحاب القلوب المريضه .. والضماير الميته ..

في تقليد مثل هالعمليات .. يمكن لدافع الشهره .. ولا طمع في المال ..!

مش كفايه انها شوهت الصورة الحلوه والانطباع اللي الكل كان ماخذنه عن بلادنا ..

و إذا الشرطه ما زخوهم .. بتكون هاي لطخة عار على جبينا ..!

ونقطه سوده على ثوبنا الأبيض !!

محد بينساها ..!



:

أملنا بالله .. وبجهود الشرطه كبير ..

وان شاءالله ما يخيب رجانا .. ويقدرون يلقون القبض عليهم جريب ..!

[دانة حتا]

متى زخوهم انا لين امس اسال عنهم يقولون محد زخهم

ما ادري مع انه اللي سالناهم هذي شغلتهم يعني
بس ان شاء الله يكون اكيد

[إسهر معي ليله]

اقروا جريدة اليوم،،

ضاحي خلفان صرّح عن السالفه،، وما اعلن انه زاخينهم

بس قال فيه مفاجأه يوم الأحد .. نتريا ...