القاء القبض على العصابة اللتي سطت على وافي سيتي

[العجيبة]

شيكاغوووو مب دبي !

[المزوحي]

من فترة تراهم دخلوا وافي وبرجمان في نفس الوقت

ما احتاطوا ؟؟

[عمة العيم]

المزوحي

يمكن مب هم نفسهم!!!

[أنامل قلب]

[تحفه]

خل يتعلمون

امشرعين البلاد حق الاجانب

وحارقين السيايير في زعبيل جدام قصر واحد من الشيوخ مابقول اسمه

اذا انتو عرفتوه مبروك P;

[تحفه]

لو تعرفون شو ردود افعال ربيعاتي لول بتنفجرون من الضحك

وحده مستانسه اتقول الحين بلادنا اتطورت استوت نفس ميامي لولولول

والله تصدقون بنات

يحتايلنا هالرشاشات الصغيره انحطها في شنطنا

والله ها و سرقه عيني عينك تمو الشباب الي في المركز امتنحين ( مادري وين السكيورتي لول )
يعني عادي والله باجر يشلونا يقطعونا ويحطونا في كياس زباله جنه ناس ما نرزى ~,~

[إسهر معي ليله]

زين،، بعد نبا أبراج ومشاريع

كل يوم اجنبي يديد... وكله على حسابنا !

[بنوتة جميرا]

اليوم في الجامعه اسمع بالسالفه
ووحده من ربيعاتي ساكنه في زعبيل
اتقول البارحه حسيت بعمري عايشه في نيويورك
اتقول الفريج كله شرطه وجلاب وهلكبترات من فوق
وكان عندها تسجيل في تيلفونها شفته
والله زياغ
شو اللي قاعد يصير في بلادنا
الله يحفظنا يارب

شكرا اخوي المقاتل ع الموضوع

[قلم رصاص]

طبعاً لا شك بأن إلي حصل ماساة لنا نحن كشعب إماراتي وحتى للسكان في دولة الإمارات ،

ولكن هناك بعض الأسئلة وأود أن أجد لها أجوبه :

1) من أين حصل هؤلاء على الأسلحة؟ إن كانت من خارج الدولة فهل هذا يدل على إهمال موظفين الجمارك ؟
2) كيف تشكلت هذه الخليه وخططت وتشكلت ولم يكن لأي جهه أمنيه أدنى فكرة ؟

3) كيف يتم كسر بوابة المركز ولم يصل رجال الامن " علماً بأن هناك أنطمة أمنيه متصله بشكل مباشر بمراكز الشرطة " ؟

4) عندما كسر الباب لماذا لم يهرع رجال أمن المركز ؟
6) إذا هرب المسلحون إلى زعبيل ، فكلنا نعرف بأن زعبيل مقر الحكم واغلب أفراد الأسرة الحاكمة فيها إذاً أين كاميرات المراقبه وأين دوريات الأمن في زعبيل؟
7) هل نتوقع سرقات مشابه في المستقبل وهل ستتحول دبي إلى سان فرانسيسكو ؟

تحياتي

[وحي القلم]

حسبي الله و نعم الوكيل

[مــهــابه]

وايـد مـرتـفع ضغـطي من هالسـالفـه
وصدق صـدق متـضـايجـه

هـذي نتـيجه تـشريـع الأبـواب لـكل من حـب ودب ، جـنه إلا مب فالإماراتـ
كـانـت بـلادنـا أمـان ، وان شـاء الله بـتم آمــان !!

بس امـوت واعـرف ، كيف دخلـوا؟

وشقـايل خططوا؟

وكيف أصـلاً تـجرأو؟

ولـيش؟

ماعـرف ليش احس وقـتها صـادف أن محمد بن راشد بيعرض اسـتراتيجه الإمارات، يعـني لـها خص ولا صـدفـه !!

ان شـاء الله بيـزخـوهم وبيأدبـهم محمد بن راشد ، وبوفـارس قـدهـا وقدود

بس خلـهم يعـرفون لو صـار شي فـالبلاد كـل هذيـلا مابيـهتمون ولا بـيحسون شـراتنـا نحن


الله كريم !!

[قرموشة]

اللي سمعتـه ان الشرطـه وصـلت لمـكـان السرقـه بعـد 3 دقايـق بـس من العمـليــه
لكـن واضـح انـه السرقه هـاي تـم الترتيـب لهـا مـن فتره عـشان يكون كـل شي بيرفكت ويسير بسـهولـه ويسـر

1) من أين حصل هؤلاء على الأسلحة؟ إن كانت من خارج الدولة فهل هذا يدل على إهمال موظفين الجمارك ؟
ممممم يمكـن بس ما جـد حـصـل هـ النوع من السطـو المـسـلح فـ بلادنــاا

2) كيف تشكلت هذه الخليه وخططت وتشكلت ولم يكن لأي جهه أمنيه أدنى فكرة ؟
اللي سمعتـه انهـا ( مافيـا ) وهـ النوع من العصابـات مـوجـوده منذ الأزل لول .. والغرض واحـد


3) كيف يتم كسر بوابة المركز ولم يصل رجال الامن " علماً بأن هناك أنطمة أمنيه متصله بشكل مباشر بمراكز الشرطة " ؟
4) عندما كسر الباب لماذا لم يهرع رجال أمن المركز ؟
ممم غريبـه ! المفروض عند البــاب شي رجـال أمـن .. ووافي مـب من كبـره عـشان يكون صعب عليهم

6) إذا هرب المسلحون إلى زعبيل ، فكلنا نعرف بأن زعبيل مقر الحكم واغلب أفراد الأسرة الحاكمة فيها إذاً أين كاميرات المراقبه وأين دوريات الأمن في زعبيل؟
والله أمـرهم عجب .. مابا أتفلسف بس يعنـي مااستوى هـ الشي قبـل .. ومـاعتقد انهم كـانوا يتوقعون مـثـل هـ الامـور تحـصـل .. فـ يعني شي طبيعـي محد بيكون متزهـب لهـ السوالف .. ولو كنا نحن في بلاد ثانيه * امريكـا وغيره * هـ الامـور تصير بشكـل يومـي عندهم واحتياطـاتهـم تكون أكـبر مقارنةً باللي عندناا !
كانت بلادنـا أمــان .. بس هـ الزمـان سبحـان الله كـل شي تغـير
7) هل نتوقع سرقات مشابه في المستقبل وهل ستتحول دبي إلى سان فرانسيسكو ؟
بتستوي LA وحـياتك لول
يمكـن اذا ماتم أخـذ الاحتيـاطـات الازمـه من بعد هـ الحـادثـه

وووشكـرا عـ الاسئـله =)

[تحفه]

خوش اسئله والله

شو رايك انته تتحفنا بستنتاجاتك و اجوبتك؟

[الشيـــن]

الفيديـو وااايد بـااارد .. !
السـاالفه فيهــا إنّ .. مش طبيعي جي يدخلون بـ كل بروود ويطلعـون ولا جنه شي صااير
والنااس جي متنحـه !! ..

في شي مب راكب راسي بس شووو بالظبط مادري ..!!

---[ همسـه } .. مب كل شي نسمعه أو نجوفه مهما كااان اكساايتنـG نصدقه ع طوول
لااازم نفـكر طشوونه .. " هابـشكل عاام بس فـ هالسالفه والله مش عارفه بالظبط لان في شي يا ربّـيييه"

[الشيـــن]

والله توني فـ هاك الموضووع كاتبه إن في شي مش داااش رااســي !!
العملية تمت بـ برود !! لا أمن ولا شرطه ولا غيره ..
لو بنقوول ان العملية مخطط لهاا وجــي بس نفس ما قلت انته وين السيفتي سيستم ؟؟