وأخيـــــــرا إلتقينااا...

[الشوق]

هيههيهي ..
شهــــــــوده يبتيها لعمرج يعني كان لازم اتقوليلهم مكان العرس ..
عليج احيـــــــــنه تعزمين عضوات الواحه كلهم لعرسج ..
اتخيلوا هيههيهيه وناسه .. انسويلها هجوم ع الكوشه وكل وحده اتعرفها على اسمها ..
.
.
ندخل في صلب الموضوع :)
الله يسلمكم .. عزمت الاخت .........

.
.
اول ما شفتها .. سلمنا على بعض اتخيلوا يايتني الساعه تسع ..
يعني الصاله فل ...
شو هالحاله .. وانا اتصل اقولها تعالي من وقت عسب اتحصلين لج على كرسي
ما فينا تفضحنا في الواحات اتقول الشوق عزمتني وما يلستني .. ههييه .. وهي اتقولي لا عادي المهم شوفتج ...
.
.
المهم حصلتلها ع كرسي اخر القاعه .. ويلست الحبيبه واتعرفنا على بعض
ويوم ابتدت الربشه جدام .. اتشوفني اطالع اتقولي سيري عادي
اقولها لا ما يصير الا اتين ويايه (( اتخيلوا انتوا عاده البنت ابروحها يايه ما يستوي اهدها .. اخاف اتضيع ))
المهم .. قلتلها نشي .. بنروح جدام نطالع الربشه ..
قالت استحي .. قلتلها عادي اعتبري عمرج من اهل العروس .. هيههيه
.
.
في النهايه رحنا جدام واطالعنا وتمينا واقفين طبعا ..
قلتلها اتريي بييبلج كرسي جدام .. اتخيلوا ...
يوم رحت مكانها شفت كرسيها انحجز ..
جان اتلوم فيها ..
فضيحه البنيه وين بتقعد احينه ..
في النهايه قومت الخدامه وشليت كرسيها هيههيهيه ...
ويلست الحبيبه .. وتمسيت يالسه وياها ع طرف الطاوله لاني ما حصلت كرسي ..
.
.
وسولفنا وكل شي ....
بس اتخيلوا كانت اتسولف وياي وانا يالسه اقووول في قلبي والله طلعت البنت رقيقه ...
(((( جان تقرصني قرصه على خدي ))) جان اصرخ ..واتفاجأ .. وجان انقهـــر ..
قلتلها يالشريره عورتيني ... صدق عرفت انج شريره احينه ..
.
.
المهم عطيتها هديه للذكرى .(( جان محتفظه بيها صوريها )).. وضيفناها .. لزوم العيش والملح ..
وخليتها اتكلم وحده من الواحات اللي هي (( طيــــــــــر الحب ))
.
.
عاد احينه شهوده ..مستحلفتني .. اذا ما ييت عرسها بتذبحني ..
اتخيلوا عرسها في نص الاسبوع ..
وهي في الشرق وانا في الغرب ..
شو الحل يا ناس .. رغم اني قايلتلها اختاري اخر الاسبوع .
حكم القوي . بتخليني اخذ اجازه من دوامي .. عسب عرسها ..
ههيهي
.
.
في النهايه سلمت ع العروس ... واتوكلت .. حليها ما قصرت ..

.
.
نوصــــــــل صوب التقيـــــــــيم ...
شخصيتها الواحاتيه :-
مواضيعها وردودها قليله .. زين يوم انشوفها في الواحه المفتوحه والاصدقاء ... لها رسومات في واحة الفن .. يلا سيروا شو تصاميمها هناك
الموضوع اللي خلاني التفت لها .. يوم قالت عني (( انا اخاف من الشوق )) قلت في بالي شو امسويه رعب للاعضاء وانا ماادري .. ومن هالك الرد خلاني اطرشلها رساله استفسر .. هاللغز الغريب ..
.
.
شخصيتها في التيلفون ...
طبعها هادي .. طيبه .. حساسه زياده عن اللزوم .. بس انسانه متردده في اتخاذ قرارتها وعادي اتشوفون عندها الف راي وراي ..
.
.
شخصيتها يوم شفتها ..
حبوبه .. وايد اتسولف .. ويها طفولي بس اكبر عن صوتها في الحقيقه يعني صوتها في التيلفون يقول عنها ياهل .. بس ويها بالرغم من انها صغيره السن .. لكن امكبرنها اشويه هيههيهي صوتها ..
حليوه ماشاء الله.. بس اكتشفت فيها الشر يوم قرصتني ... لكنها في الحقيقه انسانه طيبه .. وراعبة واجب .. وانردهالج في الافراح ان شاء الله
.
.
والســـــــــــــــلام ختـــــــــــــــام ’’’’
تحياتي للجميع اتمنى لكم قضاء وقتا ممتعا في ظل واحات بن دبي
المره اليايه الدوور على مـــــنـــــــــوا :)