تمللت .. فرسمت عالسريع .........:: #_#

[أنامل قلب]

خيتو جنون امرأة ..
كاني رديت حطيت رابط أكشخ لرسمه الله لا يبليج .. ^_^ ..


عزيزتي شهودة الأمورة ..
هيه .. مشكله النحاسة خخخ >>>> معاج عالخط بالمزح ..
والمشكله إنها ياية على رسمه ميح ..
أي شي !!
وأسعدني جدا جدا جدا مروج الثاني وتفاعلج الطيب .. >>> وبالعكس أي كلمه اتقبلها بوناسة ..
ومب اول وحده تقول او يقول عني غامضه .. كله بسبة هالحالات العويصة والفجائية اللي تدفعني للرسم والكتابه وبنص الشغل .. لول ..


أستاذي وأخوي الطيب المحاق المشتعل ..
امممم .. >>> مابعلق .. بس مليت من زود ماقلت حطو انتقاد لاذع ..
وووو بالنسبة للأفكار .. تسلم .. وان شاء الله باخذ نقطة " اترسيها أفكار " بعين الاعتبار .. ^_^ ..
شرات لوحتك ترجمان الشوك .. ما شاء الله عليك ..
وانا " واعوذ بالله من كلمه أنا " ماقلل من مكانتي ولاغيره والله .. لأن فعلا مستواي بالرسم جدا ضعيف ..
لكني لازت ماشيه وبتم امشي واركض بعد لو احتجت ^_^ ..
وعقبااااااااااااال ماأصير مثلك بالرسم .. وأحسن بعد ..
أكرر شكري لجميل نصحك وأخذت كل حريف منها صدقا بعين الاعتبار ..
وربي يعينك على بلواي .. لأن رسومي من نوع " فش الخلق " زايدين بهالفتره ..
يزاك الرحمن عنا كل خير ..


إحم .. عمة العيم ...
نعم .. خخخ
هيــــــه يبالي أعطيج من الشناعه اللي تظهر بالدوام >> يعني الشناعه عـ أصولها .. ..
ووووو من صدقي راسمتنها جي بسرعه بس ابي املي الصفحة بخاطر وانجلع ..
وماهتميت بطريقة الرسم والمظهر وايد .. بس مجرد فكره ..
ويمكن أرد أشتغل عليها او اعيدها بلوحة ثانية على أرتب طبعا ..
وبس .. جي السالفه ^_* ..
البركة فيج .. ولاتبخلين علينا بنصايحج و لوحاتج دوم .. ..
ولا تخافي يا أختاه .. سأتبع نصيحتك النصوحة وأستمر في فش الخلق >> وانا شو وراي .. ^_^ ..


.
.
.

وجدا سعدت بمروركم جميعا صدقا ..
وشكلي دومي بحط رسوم من هالنوع عشان الاقيلي انتقاد ..
يعني هذا حاطته للفكاهه .. وانتهى بآراء ومرور طيب منكم ..

فيزاكم الرحمن عني كل خير .. ^_^ ..

[المحاق المشتعل]

انامل

ترجمان الشوك تراها فشة خلق ( ليست إلا )

شولي بيخليج تبدعين إلا موقف أو احساس غريب يكون في داخلج

هاي القوة يوم اتكون موجوده فيني في ايام الدراسه

والله كنت ارسم على الدرس رسمه كامله

المدرس من كثر ما تعب وهو ينصحني

يو يصلحلي بس يحط دواير عالرسمات ومايقول شي

وهاي فشة الخلأ على قولتكم (حلجي طاح وانا ابغي اقولها )

لا تنتقصين من هاي الحاله إلي تمر فيج بالعكس

الإنسان يوم اتكون فيه هاي الحاله الغريبه

مستعد انه يكون احسن في الرسم في ساعات قليله بخمس اضعاف

المستوى العادي إلي يملكه وبهاي الطريقه يبدع في فتره وجيزه جداً

فأبداً لا تستهينين بهاي القوة الغريبه وتمسكي فيها عدل وخبريني النتيجه

موفقه بإذن الله

محاق

[أنامل قلب]

السلام عليكم والرحمة أخوي وأستاذي المحاق المشتعل ..

سعدت جدا بمرورك الثاني وطيب فحواه ..
وأخذت كل كلمه بعين الاعتبار صدقا ..

ربي يحفظك أخوي على جميل نصحك وأسلوبك الراقي بالتعامل ..
والسموحة منك عالازعاج صدقا >> أذيتك من زود ما اطلب النصح والانتقاد ..

وفعلا هالحالات تدفعك بشكل لا إرادي للرسم .. بس عقبال مايصير لرسوماتنا ايقاعا خاصا .. عذبا ..
كما تطربنا لوحاتك بجميل أنغامها أخي .. ما شاء الله عليك ..

جل احترامي لك ..
إختك أنامل قلب .. ^_^ ..

[دموع قلم]

أنـامـل قلـوبنــا ..


مـا شاء الله .. تبارك الـرحمـن ..
أول رسمـة ملـونـة أشوفهـا من أنـاملـج.. !!

صحيــح.. فيهـا غمـوض ..
وتخفـي وراهـا ملاييـن المشاعـر والهواجـس المتخفيـة.. !!

..
..


عسـانـا ما ننحـرم من هالإبـداع يالغـالية ..
اصقلـي مواهبـج دايمـا.. واطلقـي لها العنـان ( بس مو بـوقت الدراسـة.. ! )


وووربـي يحفظـج .. ^_^

[الدلووووعة]

عيبتني الرسمه وايد ^_^

[أنامل قلب]

حبيبتي دموع قلم ..
امممم .. صح ماجد راويتج رسمه ملونه .. لأن اصلا اللي كانو عندي اغلبهم باشراف احد من المتمكنين ..
اللي " كانو " يصلحولي كل زلة ويوجهوني بكل نقطه ..
وبالنهاية ياخذونها اما لمعرض او مسابقه شرات معرض الللغه العربية اللي طلعلي روحي ..
وحاليا ماعندي وقت احاول فيه الرسم بالالوان .. ولمن الون بتظهر الرسمه شنيعه شرات هذي " لما بي من عجل " ..

والله يعينج عليه ماماتي .. من زود ما أتعبج معاي ..
ويزاج الرحمن كل خير على كثر ما تشدين لي إذوني لول ..

بس حبابة .. لو قبضت روحي عن الرسم " او الكتابة " بدش ابـ حالة اكتئاب .. ومافيني شده الصراحه ؟!!؟
وجدا أسعدني مرورج الزاكي خيتو دموع .. ^_^ ..
وتقديري لج دائم .. صدقا ..

عزيزتي الدلووعه ..
كيف الحال .. ^_^ .. >> عساج دوم طيبه ..
وانا اللي عيبني ردج وايد ..
وبالنسبة للرسمه .. >> فالله يعينكم على بلواي : )

واحترامي لكم ..

[الا انا]

فديتج وااااااااااااااايد حلوه ... بس تدرين لو استخدمتي الفحم بس بتطلع أحلى يعني تسوينها أبيض وأسود """"

[أنامل قلب]

خيتو الدافية ،،

الحلو ردج وصافي تعقيبج ،،
وبالنسبة للفحم فهي نصها فحم > الجزء الشبيه بالنقش والسواد المخطط > والجزء المكمل له بالخشب ،،
وكله عالسريع لول ،،

وان شاء الله ارسم لج لوحة بالأبيض والأسود " ياكثر ماأرسم ابهم " ،،
ورايج جدا أسعدني ،،

.
.

لج ودي واحترامي وترحيبي الفائق عزيزتي ،،

[عديم الشوق]

ما شاء الله

رسمتج وايد حلوه

الصراحه تفكير جمييل

مع تمنياتي لج بالتوفيق

[أنامل قلب]

أخوي عديم الشوق ..

لك جل شكري على جميل مرورك ..
وطيب كلماتك ..

وعسانا منكم نتعلم دوم أخوي ..

تقبل الرحمن جميل فعلك وقولك دائما .. بفضله ..
وتقبل مني فائق الاحترام ..

[ملاك الروووح]

:

وعليكم السلام ورحمة الله وبركاته

أول شي بشريني شو سويتي ع ريبورت الفيزيا !

:

بصراحــــــــه حبيت الرسمه ..

والنقشه والألوان ..!

ولو انه كان خاطري أشوف كيف شكل البنت

اتخيلتها سارة اخت لين ف رسوم ( ليدي ) !

ماشاءالله عليج .. عندج موهبة الرسم ..

بس شرات ما قال أخوي المحاق .. يبي لها صقل وهذا بيصير .. بكثرة الممارســـه ..



شوقتينــــــــي عسب أشوف يديدج ..

وبدون فشة خلق ..

أبي أشوف شي ع روااااااااااق !

:

تسلم أناملج .. وقلبج

[أنامل قلب]

امممم .. خيتو ملاك الروح ..
أبشرج .. تقرير الفيزياء خلصته بجدارة .. إحم .. >> مع اني متأخره قريب الشهرعالتسليم لول ..

هيه .. وانا أتخيلها فيكي ربيعة سالي :) .. احليلها ..
بس مافينا عرسم الويوه .. والله المستعان .. ويوفقمنا لما يرضيه .. ^_^ ..

عزيزتي ..
سعدت بردج الطيب جدا .. ويشرفني إن موضوعي كسب جميل مرور إخت بأخلاقج ..
وبالنسبة لرسومي .. فان شاء الله نفج من أزمة الثنوية العامه ..
وبتفرغ لتطوير الموهبه عقولتكم .. وتصقيلها : )

وربي يجعل أيامج كلها رواق .. وراحة بال ..
ولا تحرمينا من زاكي مرورج دوم عزيزتي ملاك الروح ..

:

ودي واحترامي الدائمين لكِ ..