اليــوم شــوي مخــي ضــرب من زود التفكيــر فالدراسة وهمها .. كــنت افكـر فالجامعة التعبانة اللي انا فيها .. حــطو لنا امتحان Marketing ف يوم الجمعة اللي كـان اول ايام اجازة الإيستر .. وسكــتنا وبلعــنا قهــرنا .. الشي اللي يقــهر اكثــر انه شي امتحان Statistics بعد الاجازة على طـول وامتحان Accounting عقبــه بيــومين .. يعني الزبدة انه الجامعة تقولنا يا طــلابنا وحبايبنا الاعزاء لا تقصــون على عماركم واونه اجازة ايستر وبترتاحون ( ما يسوى علينا كلها عبعضها اسبوع اجازة ) ترا الاجازة يتكم الا من حسن حظكم عشان تذاكرون حق الامتحانات .
وتم تفكيــري في الامتحانات ونتايجها يروح ويروح ويسافر ويرجع ويسرح ويسري .. ليــن ما حسيـــت انه الحـالة النفسية داون .. وفجــــــــــــــأه وبقــدرة قــادر طــلع الدكتور جيــكل اللي كــان عايش فيه وانا مادري .. طلــع بشخصيته الشريرة النذلــة وحسيــت به يقــول هـــــــــلا والله هـــــــلا بالامتحانات يعلها ايامنا كلها امتحانات .. وانا مثــلت اني مستانس عالامتحانات ورفعت معنويتي .. كيــف مادري
الظــاهر بدت تطلع لي بوادر انفصام شخصية

ساعات الواحد من زود الهــم اللي فيه يحــاول يمثــل انه مستــانس وفرحــان عشان يرفع معنويته شــوي ..