سخـافــــــه

[طير الغرام]

بختصر ردي بهالجملتين

>> ماعليج من القيل والقال <<

وخلج جبل عالي واقف ولا يبالي =)

[الدلووووعة]

اختيه الياه عطيييييهم اكبر طااااااااااااف

ولا تعبرينهم برايهم


يعني ليش يعرفون انتي بنت امنو او انتي امنو

ها شي خاص هم مايخصهم فيه
شو ها السخافه

تعرفين والله انا دوم يوم ابا احط اشياء عاديه فالمنتدى اختيه او اخويه
يعصبون عليه انتي غبيه شو ليش تحطين وتخيلي حد يعرفج واكيد ان عرفج مابيهدج
بيظهر عليج رمسه ومنن هاي الرمسه عاد يخوفوني ومانزل خخخخخخخخخخ

بس صدق قهر يوم حد جدامج شي ومن وراج شي ثاني

تعرفين انا اللي ويايه فالمسن من بنات الواحات او اي منتدى ثاني
ماخبرهم اسميه ( انا انسانه خوافه من هاي السوالف مادري ليش)
إلا كم وحده بس يمكن بس 3 يعرفونه

بس لا تظهرين من المنتدى ولا تعورين راسج مع هاي الاشكال

ادري وايد طولت اسمحيليه

[الـيـاه]

دمعة شوق ..
ليــش اييهم الدور .. أوريدي يرمسون عنهم بس أنا مب حلج شراتهم عفاني الله ! حش حش حش
ويمثلون انهم مثاليات ( مثاليات طل )
مشكوره حبيييييبتي ع الـرد الحلوووو


الجنيه ..
عيونج الحلوه حياتي
ترا هاللي بسويه .. مابعطيهم ويه لانهم مايستاهلون اصلن .. ومستواهم حق اللي مثلهم والله
والله يعينا صدق على هالأشكال .. مشكوره الغاليـــه ع الــرد


الشيـــن ..
ياخي خل يسوون هالحب استطلاع فيج انتي بدالي لوووول اتمصخر
بس والله جد شو ها مستلمينا وحده وحده .. خلو ربيعتي شمعة أمل ماتشارك والسبه نفس السالفه
لكن أنا عظظظظظظظظظظم فر حلوجهم .. هيه والله صدقج مشكوره حبيبتي


.
.
.

[إسهر معي ليله]

هالله هالله يا زعلان،، خف علينا شويّه

حسيت بحراره وانا اقرا الموضوع،، وقمت اتصبب عرق
هدي أعصابج،، مافي شي يسوى والله

الأعضاء ما قصروا وعطوج أفكار ونصايح،، وانا اقولج
لا تعورين راسج.. طنشي وخلاص ،، وبعدين هاللي
ترمسين عنهم معارفهم في التحريات؟

they judge people but never judge there self وهم اصلن من تحت لين تحت

يحكمون عالناس وينسون عمارهم،، شوفي شحلاتها بالعربي

وعساااااااااااااااااااااا ااج ما تشوفين ضيق وهم ان شالله
والدنيا حلوه بشوف عيوني الحلوه

[تنينه]

يحكمون عالناس وينسون عمارهم،، شوفي شحلاتها بالعربي

لا لا اسهر معي ليله تـرجمتها انا اقول : يـحكمون على الناس وما يـحكمون على عمارهـم أصـح في تـرجمتك قلت ينسوون والياه ما طرت الفورقييت في جملتها ؛؛

بتذبحني الياه الحين لول ؛؛

الصرااحـه بعد ما قرريت موضوعـج قلت ويييه الله يعيينج والله ؛؛ بس ما عليـج من حد ولا من رمسة حـد دام رمستهم مالـها أي صـحه ولا أسااس واللي يعرف الياه صـح ما بيصدق كل قيل وقاال هـو صـحه مش حلواه الواحد يسأل ويتدخل في خصوصيات الـغيير ومب أي حد يـعيبـه بس هالناس دوم موجوديـن في كل مكان والنت بـعد بسسس شو بتـسويين ما عليج من حد وواثق الخطا شرات ما قالت حلمي يمشي ملكاً

[أنامل قلب]

بس مب حلوه بحق " البنت " ان ينقط عليها كلام
ولا حتى من الاحترام إن يتم السؤال عن أول وآخر أخبارها ..

جي وين قاعدين احن .. ؟؟

ومثل ماقالت >> (( المشكلة مب ( إنها ) .. المشكلة ( إنهم ) ))
والحركة مالها أي معنى ..

واشوف انها ماغلطت بطرح " السخافه "
والحلو انها ماذكرت الاسماء كستر لهم ولأمر ربنا ..

وأظن الكلمه وصلت ..
واللبيب من الإشارة يفهمو .. !

[الـيـاه]

في واحد يستهبل هني اسمه يبدا بحرف الـ اسهر معي ليله ههههه .. بفصفص ردك
وبرد عليك عقب .. راسي عورني ويتنفجررررررر مرارتي من هالسخيفات .. برقد

[الملهم]

عندي راي ثاني ..

اذا ما يبون يسكتون ويتمون يرمسون عنج ..

افضحيهم احسن .. وقفيهم عند حدهم ..

خليهم يعرفون قدرج .. انتي مش لعبة ولا قصة عندهم ..

افضحيهم .. وبيتأدبون وبيسكتون عنج وعن غيرج ..

مجرد رايي فقط .. ^__^
والله يعينج عليهم وعلى لسانهم وتفكيرهم السطحي ..

[قرموشة]

.
.
اليــــاااه
قــووولي ورايـه

قـول عنـي مـاتقـول صوبي كـم صعب الوصـول
واللي مـا يطـول العــنب حـامـضن عنــه يقـــول
.
.

ووبس

[تحفه]

أبيه الياه والله العظيم اني امر بنفس الشي

حتى اني من يومين كنت اتشكى عن هالشي واقول اني بودر الواحات من سخافة ناس فيها

[إسهر معي ليله]

الياه ،،

ما بقول شي بعد.. عن تطلعين حرتج فيني.. ونووم العوافي

::
::

تنينه ،،

عشان الجمله تطلع بليغه،، او تكون قويّه.. لازم ما تكررين الكلمه نفسها
ما درستي عربي؟

[تنينه]

تنينه ،،

عشان الجمله تطلع بليغه،، او تكون قويّه.. لازم ما تكررين الكلمه نفسها
ما درستي عربي؟

درست عربي نحو وتعبير وقصه وقراءه بعد وادريبها هالمعلوومـه ؛؛ عشان تطلع الجميله بليغه او قويه ما انكرر الكلمـه حتى في العنقريزي نفس القاعـده لـكـن انـا تـرجمت الجمله ولازم انتـرجم الجمله نفس الشي وهـذا يعتبر من حقوق التـرجمـه

[بريد ألكتروني]

اليــاه .. خلي الموضوع ورا ظـهرج وإنسي .. نحن في زمــن الحـالات النفسية والامراض متكاثره فيه .. والمنتديات حالها حال اي مكان ثاني ف هالدنيا فيها نــاس ( سايكوو ) .. ماله داعي تعصبيــن وخلج كووول

بعديــن ما تعرفين يمكن انتي عايبه هالناس اللي يسوون عنج سيرج ويبــون يخــطبونج ( تراني امزح )

[جنون امرأة]

إرضاء الناس غاية لا تُدرك ..

.. حطي هالقاعد في بالج ..

و ما اعتقد انج بتاخذين رمسة حد ..

ادري هالشي يقهر .. بس بعد :

الحقران يقطع المصران ..

:)

[الـيـاه]

وبعاااااااااااااااااااااا اااااااااااد النكات موجوده تحاااااااااااااات ولا جنه شي ستوى .. يعني شو اسوي أثوّر فيهم والا شو
افففففففف بنبطططططططط أنا .. والله خاطري أقول أسسامي
عشان أفششششششلكم بس أنا أكبر من جي بمليون مره

هواجيس مشتاق ..
بس اوكي هي مب ربيعتي .. يعني غصب تسوي عمرها ربيعتي وتعرفني !
واصلن أنا ما قلتلهم شي شخصي عني مول هم روحهم اللي رازين بفيسهم التعيس ويستخبروون
مشكوور وايد خويــه ع الــرد


الدلووووعة ..
تعرفين اني والله ما قلت شي شخصي عني حتى لو هم بنات ( لكن روحهم تعنو وسألو ) مالت عليهم
بس صدق صدق سخيفات لأبعد الحدود بعد , لكــن أنا الغلطانــه اني سويت سالفه حق هالأشكال
مشكوره سويتي ع الـرد والله لا يبليج بهم


إسهر معي ليله ..
صدقني أنهم ما يهموني أبـد والله ( وأدوسهم بنعالي بعد ) بس مب مننننننن حققققققققهم وشي مايخصهم
ها اللي قاهرني .. حشى حلج مايصدق الواحد يقول شي جدامهم ألا كل وحده تخبر الثانيـه .. شو حيااتكم يالتعيسات

لول لا ليش ماتعرف أن ثقافتي انجليزيه ههه .. كنت محرجه فـ كنت أتحرطم وأسببب بالإنجليزي
وزين مانسيت انه منتدى وكتبت لول


أنامل قلب ..
ترا سخافـه والله .. اوكي أنتي عرفتي عني شي ليــش تسيرين وتخبرين الخلق ترا هاي فلانه الفلاني
و و و و ليــــــش .. انا اقدر اسوي نفسج بس مب هذا اللي متعلمتنه ..
مشكوووره الغاليــه ع الـــرد ماتقصرين


الملهم ..
لا اخويـه ( أنا مب جي ولا عمري فكرت أكون من هالنوع ) أفضح وأطلع بلااوي الخلق
خلهم يولون لأني أكبر من جي .. ومثل ما باعوني بهالطريقة المب مباشرة ( أنا أشتري مليون وحد غيرهم لاني مب محتاجه ابدا ً لوجودهم ) .. مشكــووور وايد خويــه


.
.
.