الإسلام ..

[لمّــاح]

الســلام عـــليكم ..

شد انتباهي فيديو على النت .. فكرة الفيديو هي عن شخص (مب مسلم طبعا ) حاب يكتشف الاسلام ف يعيش على انه مسلم لمدة 30 يوم و يخالط المسلمين، تدور احداث هالفلم حول هالموضوع ..

هذا لنك الفيديو

في بداية الفلم يبين لنا كيف صور الاعلام المسلمين و الاسلام و العرب بشكل عام ..

لي عودة للمناقشة و التعقيب على آرائكم حول هالفيديو ..

[تحفه]

هيييه .. شفته من سنه يمكن

عرضولنا اياه في كلاس وخلونا نكتب عليه رفلكشن اسسيي

[تحفه]

شو تبا تعرف؟

عشان اعرف ارد و عشان تعرف تعقيباتنا على الموضوع لول

[تحفه]

أنا احس ان نحن كدول مسلمة .. وحمدلله غنيه .. لازم نساعد بكثافه المقرات الاسلاميه و المؤسسات الاسلاميه الي برع

لاني ملاحظه بشكل كبير ان في فراغ كبير بينا وبينهم ( يعني بينا نحن الي مسلمين من الف سنه وبين الاجانب الي اسلمو مؤخرا )

[تحفه]

مادري باي طرق لازم يحلون المشكله .. بس لازم يحلونها لاني مرات احس ونا اشوف الافلام الدكيومنتريه انهم مشتتين .. او يمكن انا الوحيده الي يتهيا لي هالششي

لاني ماجد سمعت حد يرمس في هالشي غيري انا الي افكر في هالشي بس موضوعك خلاني اقوله

[ايه احبك]

ما شالله عليج تحفة ترستي الموضوع عن 5 اشخاص __لوول
انا الصراحة ما حبيت نظرة الغرب لنا ولا طريقة الكركاتير عن الاركان الخمس لنه احساسها استهزائية

[المقاتل]

شو هالمهزله . . الاسلام مش لعبه . . وبعدين شو هاه .. يلمس المصحف وهو على نجاسه ويصلي على نجاسه ويدخل المسجد وهوه على نجاسه . . وكيف الحرمه اتصلي على يمين الرجل ؟ ؟

بعدين وين أسس الإسلام . . ووين الرأفه على الحيوان . . وبعدين هب شرط بأنه مسلم لازم يلبس الزي الإسلامي . . !!

اعذروني على مداخلتي الساخنه . . والتساؤلات . . ولكــن . . عنــدما تعرض حلقه عن المسلمين يجب أن تعرض بالطريقه الصحيحه والسليمه !! هذا تشويه !!


والسموحه .

[ملاك الروووح]

::

للأسف المقطع مايشتغل عندي ..!

ما أدري ليش !!

:

خاطري أشوفه .. وخاصه من عقب كلام المقاتل !!

[وحي القلم]

شكرا ً لماح .. أنا سامعه عنه بس ما جد شفته

لي عوده عقب ما أشوفه



.
.

[ايه احبك]

انه ويا المقاتل في هالسالفة
اصلا كيف ايصلي وهو ماسك الصليب
ويدخل المسيد او غيره او غيره
الا اذا طلعواا فتوى انه عادي
وبعدين ها مب زي اسلامي الي لابسة---يمكن لبسوه جي عشان يبينون ردود فعل الأمريكين يوم ايجفون جي ناس

[وحي القلم]

صح كلام تحفه

المفروض انه نحاول أنـّــا نشارك في نشر الاسلام عندهم

لانه واضح فالفيديو أنهم ما يعرفون شي عنه

و زين لو انهم يسوون حملات تبرع لدعم المؤسسات الإسلامية في هالدول

.
.

و أتصور طريقة عرضهم للاسلام فهالبرنامج

بتوصل لهم فكرة أنه اللى يسمعون به عن ديننا غلط و انه الاسلام مب مثل ما هم متصورين

لانه هالنوع من البرامج منتشر عندهم

فأكيد إذا دخلنا منه بتوصلهم فكرتنا بسرعه و بالطريقه اللى يتقبلونها

و يمكن أنهم يدورون عن الاسلام و يسئلون عنه بعد

و النتيجه .. أنه نسبة المسلمين تزيد

.
.

لفتني كتاب تفسير القرآن فالفيديو ^_^

سبحان الله .. وايدين اللى يسلمون عقب ما يقرونه

.
.

شكرا ً لماح

[بريد ألكتروني]

ماقدرت اشوف الفلــم لأنه الكونكشن ضعيف عندي ..

شي ما يعجبني .. انه الناس الحديثي العهد بالاسلام خصوصا الانجليز والامريكان .. بعد ما يعلنون اسلامهم يتخلــون عن ملابسـهم ويلبسوون الجلابيه والطاقيه ... ياخواني فهـموني هل في شـي ف دينا الحنيف يأمر الواحد انه يلتزم بالزي العربي عشان يكـون مسـلم .. المفروض الاسلام دين عـالمي لكل اللغات والثقافات .. نبا نشوف مسـلم لابس اللبس الغربي المعتدل .. ونبا نشوف مسلـمات من اليابان بزيهم التقليدي ( الكيمونو ) مع الحجاب الاسلامي ..

[عمة العيم]

شو ها يتوضون غلــط

حد يمسح ريله من فوق بس؟؟؟ شو هالجهل ....المسلمين اللي عندهم اصلا يبالهم دروس عن الاسلام و توضيح اكثر...

احس كل شي غلط عن الاسلام يعلمونهم

و مب كل ريال مسلم لازم يغطي راسه بالقحفيه

و المسلمين مايطالعون التلفزيون جي؟ الريال كان زهقان مسكين!

و في اشيا اساسيه ماقالوله عن الاسلام

......

(^_^)
...

[بنت الدلع]

أؤيد كلام المقاتل

واول سؤال سألت هزايم
كيف تصلي عدال ريلها !!
يعلمونهم الاسلام غلط
بس العراقي على ما ظن >> المتين شوي
احسه يعرف يرمس
احسن عن الباجين

في البدايه لازم يربطون الاشيا العلميه
على سبيل المثال الخمر يؤثر بالصحه وله سلبيات على التركيز
مب على طول يقولون انه حرام وان الله فرض هالشي
يبدون خطوه خطوه
عشان الغير مسلم يقتنع بهالشي ويعرف ليش هو حرام في الاساس

لحم الخنزير .. فيه الدوده الشريطيه
وياكل اي شي وصخ
وعلى مدار السنين بيظهر تأثير اللحم في الانسان
+ سالفة الغيره

يوم بيسوون برنامج وبيعرفونهم على الاسلام
لازم اييبون ناس مختصين فاهمين
يعرفون كيف يوصلون المعلومه بالطريقه الصحيحه


الحمدالله على نعمة الاسلام

[عمة العيم]

ترا اللي يعلمونهم شيعه

اكيد بيوصلون لهم معلومات غلط!!

هالشي معروف

(^_^)
...