خذت ريلج!!منو السبب؟؟

[بنوتة جميرا]

ردت فعل الحرمه
بقولكم اياها بعد الكلاس والبريك
تراني قاعده ارد الحين وانا في الكلاس..خخخخخ..
خوش انتباه..خخخخخخ..
بس الحين بسوي stop وبنتبه لانه بيشرح شي مهم

لي عوده

[مــهــابه]

بـنوته جميـرا:

كـل الطرق تـؤدي إلـى رومـا

فـالأخير النتيجه وحــده :)

[بنوتة جميرا]

مهابه
لا انا اشوفها تفرق
تفرق يوم الحرمه ترمس عن ريلها وربيعتها اتحط عينها عليه
يعني تسرق ريلها
اما في هالحاله
الحرمه الغلطانه
ترمس عن ربيعتها جدام ريلها وتمدحها

[أتمنى]

ربما كانت تلك المرأة في نظر البعض
ساذجة .. أو .. واثقة من طرفين مهمين في
حياتها ( زوجها + صديقتها )

و لكن الأكيد أن ذلك الزوج و تلك الصديقة
كانوا بعيدين كل البعد عن استحقاق تلك الثقة
أو حتى السذاجة

غريب ان تُتجه أصابع اللوم على من وثقت
و تختفي اضواء الذنوب من السارقة
التي لم تستحق ان تكون محل ثقة / سذاجة
و بعيدة كل البعد عن مسمى صديقة

.
.

الله يعطيك العافيه بنوتة جميرا

[بنوتة جميرا]

اتمنى
ليش اللوم ع الصديقه؟؟
هل هي المذنبه؟؟
لا ماظن
انا ماقاعده ادافع عنها لانها قريبه لي
لا بس هاي الحقيقه
منو اللي فتح عين الريال ع البنت؟؟
ليست هي الزوجه؟؟
السبب يرجع لها هي في الاخير

شكرا اتمنى ع المشاركه

[الجنيه]

بنوتة جميرا

مم عدت من جديد ياختي موضوعج يردني غصب ,,,

أنا اشوف انه الغلط مش من ربيعتج كونها مالها علاقه بالي قالته حرمة الريال يعني هي ما كانت حاطه في بالها هالشي بس بعد ما عرفت الموضوع يفضل انها تبتعد خير شر عن ربيعتها وتكتفي بالاتصالا لاغير ,,,

ياختي فيني فضول اشبعيه لو سمحتي ابي اعرف الحرمه شو كانت ردة فعلها ؟؟؟ اضني اتصلت وسبت ربيعتها سب وقالت لها سراقه الرياييل ...

كيفي غيوره ويدي ريلي وحلالي ما يحق لي اغار عليه ؟؟؟؟

[جنون امرأة]

مرحبا ..

نفس هالسالفة صارت .. و انا سمعت عنها من ناس قراب ..

بس أهل البنت رفضوا .. مع ان حرمة الريال عرفت و انصدمت و عشان خاطر ريلها اتصلت ف البنت

و قالت لها خذي ريلي انا راضيه .. بس هي مب من خاطرها ..

و طبعا البنت اقتنعت .. و اخوها بعد اقتنع لأن الريال كان زين ..

لكن .. أهلها رفضوا بشدة ..

ف ما صار الموضوع ..


سوري .. ادري اني طولت ..

بس ما ادري يمكن سالفتج انتي غير ...




السموحه

[ملانـة]

انا ويا أختي الجنية و كلامها مليون بالامية اوكي!!!

الغلطة من الحرمة اصلا عيب تمدح بنت الناس و توصفها جدام اي ريال مب بس ريلها.. و لو انا مكانها ما بلوم ربيعتي بلوم نفسي و ريلي لانه فكر ياخذ علي لول!!!

[بنوتة جميرا]

سوري ما دخلت الصبح عسب ارد عليكم
لاني كنت تعباااانه
بس الحمدلله الحين احسن

الجنيه
راح اشبع فضولج وفضول باقي الاعضاء
وابغي منج رد يوم بتعرفين شو سوت؟؟

شكرا غاليتي مره ثانيه

[بنوتة جميرا]

جنون امراه
لا سالفتي انا غير
وشوفي ردت فعل الحرمه

شكرا الغلا ع المشاركه

[بنوتة جميرا]

ملانه
انا بعد وياكم
شكرا عزيزتي ع المشاركه

[بنوتة جميرا]

رديت عسب اتعرفون ردت فعل الحرمه

الحرمه لاحظت تغير ريلها عليها
بروحها يت عنده وقالت له
انا ادريبك تبا تعرس
وادري ان وحده ماتكفيك واكيد بتاخذ الثانيه
وانا اعرف هي منو
اكيد ربيعتي
وادري انك حبيتها بس حامض ع بوزك انك تاخذها
خذ اي وحده ثانيه بس هاي ماتاخذها
وبعد قالتها ابغي احرق قلبك
والريال تدرون شو قالها ؟؟
تراج مب قدي ولو عاندج بسوي اللي فراسي
ولو وصلت للطلاق
بطلقج بس باخذها
والبنت يوم درت بهذا كله ويوم درت بحقاره ربيعتها
الحين قاعده تقنع امها انها اتوافق
وانا تبون الصراحه وياها
والله يوفقها وياه ان شاء الله
ولو خذته وصارت من نصيبه تراكم اول ناس بتعرفون

شو رايكم في ردت فعلها؟؟
ولو كنتوا مكان البنت شو بتسوون؟؟

[جنون امرأة]

× × × × × غـــ لــــــــــــــــــــــــ ـــــــط × × × × ×

يعني الموضوع كله عناد ف عناد !!!

مافي تفكير منطقي ..

ترى هالريال شرات ما رخص حرمته بها الطريقة ..

باجر بيرخص الثانيه بنفس الطريقة .. و شرات ما هي رضت ع ربيعتها ..

خ ترضى يوم ريلها بيفكر ياخذ وحده ثانيه بنفس الطريقة اللي بياخذ فيها ((ربيعة الحرمة))

و اساسا هالانسان مزاجي .. يمشي ورا عواطفه بس !

ما فكر ف مشاعر حرمته .. يعني (أناني)
............. أنا مب ضد ان الريال يتزوج .. لأن هذا حقه في الاسلام ..

لكن أنا أعارض الطريقة!!!!!!!

[بنوتة جميرا]

جنون امراه
بالعكس مب عناد
لما الحرمه تكون بهالاسلوب
شو معنى رمستها بحرق قلبك
ليش يعني؟؟
هذا مب انسان
وهي يوم جي سوت درت ان ريلها بيتعلق في ربيعتها
بس اتمادت عسب يحبها ويخطبها
وع قولتها تحرق قلبه

شكرا مره ثانيه

[الجنيه]

بنوتة جميرا

هههههههههههههههههههه أشهد انه كيدهن عظيم حرمه والله كفو عليها

بس انا ضدج والله اي وحده ممكن تتصرف نفس تصرفها او اخس بس هي اشويه خانها ذكاءها المفروض ما كانت اتخليه يعرف انها على علم بنيته وكانت بطريقتها تقنع ربيعتها تبعد عن حياتها واعتقد البنت نفسها يوم اتعرف نية ريل ربيعتها بتعوف اتطب بيتهم مره ثانيه ...

اتمنى انه البنت ما اتوافق عليه من كل قلبي واذا حرمته قالت ابي احرق قلبك تراه هو بعد يحرق قلبها بمجرد انه يفكر يتزوج عليها الحرمه بشر حالها من حاله ولا اتحامين عن الرياييل تراني برتكب فيج جريمه

والريال صدق مب ريال عنبوه كيف هانت عليه حرمته عقب هالعشره ايي يتزوج عليها بسبه العناد ؟؟؟ مافيه عقل ويقولون شو الحريم ناقصات عقل ودين ,, مع اني اشوف انه الرياييل لا فيهم عقل ولا طشه منه (كيفي )