آخـــر الــمــواضــيــع

النتائج 1 إلى 15 من 25

الموضوع: طاق طاق طاقيه

Hybrid View

المشاركة السابقة المشاركة السابقة   المشاركة التالية المشاركة التالية
  1. #1
    بروفيسور متميز الصورة الرمزية بنت الدلع
    تاريخ التسجيل
    Oct 2004
    المشاركات
    5,485
    مزاجي
    Angelic
    قوة التمثيل
    528

    رد: طاق طاق طاقيه

    ماااي فرند

    ولايهينج ان شاء الله

    مثل ماذكرتي خوصه بوصه لعبه بنوتيه
    نقعد شرات حلقه وكل وحده تمد اياديها وانتم نحسب

    ولكن يوم فيه تجمع شباب مانروم نلعبها
    لانهم مايميلون لها كثرنا

    وعلى طاري اللحمه المشويه
    كل شسمه ولهم طريقتهم في اللعب >> ماعرفت شو اقول كل عيله ولا كل يهال المهم وصلت المعلومه
    نحن بعد ماتخلص اللعبه نحولها شد حبل
    لان يكون فيه فريقين ويتم التحدي
    والبقاء للأقوى

    مشكووره عاليـيّه فديتج
    نزورج في عرسج قولي آمين

    ==

    الم ترى

    صحه صحه تبا ماء ؟


    عشان ليش ولا حق ليش (اختارو اللي يعيبكم) الطفوله ماترجع
    والله الطفووله احلى شي
    بس الحمدالله على كل حال
    كل واحد ويعيش عمره

    الصراحه اول مره اعرف شو معناة هذي الاغنيه
    سويت سيرج وماتوقعت ان جيه معناتها
    بس استغفر الله ماعرف شو اقول
    نحن نغنيها كمجرد اغنيه طفوليه شرات غيرها من الاغاني ومافكرنا في يوم نبحث عن معناها
    ولكن مب شرط يكون هالقصد من هالاغنيه
    العلم عند الله

    وتسلم عالتنبيه

    ماتبا كرك ؟

    ==

    سوزي

    حبيتج والله

    الله يسلمج ويسلم غاليج ومغليج

    آمين يارب، اليهود يطلعون في كل مكان ومسوين لهم بصمه في كل شي

    ==

    طووط طوووط
    بــــــيب بـــــيب

    يالله بسرعه افرشو السياده الحمرا
    وهنه حطو وروود حمرا ، يا سلاام
    جيه اوكي
    بسسسرعه وين البخوور يالله هااتو

    احم

    ياااا حييييها عنووود الرييييف
    خشششمج يا امـــيه
    انتي ويييينج مختفيه
    نورتي الموضوع والله

    الدرب سالك حياج

    مشكووره عالتثبيت, لي الفخر

    بس ممكن تذكريني في لعبة عنبر
    لاني بصراحه ما اذكرها
    يمكن ماكنت العبها بعد
    لان الاسم يديد عليا

    ههههههه يحليلج عيل كنتي العنزه المربوطه
    على ايامي كانو يستخدموني في المهمات الصعبه
    عااد والمهمات والله
    اخوي يعطيني كوب ماي
    ويقولي حطيه فوق الباب

    يعني : الباب اخليه ملايم والكوب فوق
    ويوم اخوي الثاني يحدر الحجره
    تشششششششش
    ينصب الماي عليه

    خخخخ عاد تبدا الشرده
    انا ميخصني اخوك الي خبرني

    ==

    اسمحولي عالتأخير
    والصراحه يـيّـتكم تسعدني وااايد


    سياره حمرا تمشي في صحرا وراها ناطور الحق يا دكتور

    ويا مرحبا

  2. #2
    بروفيسور متميز الصورة الرمزية بنت الدلع
    تاريخ التسجيل
    Oct 2004
    المشاركات
    5,485
    مزاجي
    Angelic
    قوة التمثيل
    528

    رد: طاق طاق طاقيه

    مهابه

    نحن نغنيها بس غير
    نقول
    باجر العيد بنذبح بقره
    بنخلي " اسم الفلان " مادري شو التكلمه

    لول نسيت والله

    لين الحين اغنيها
    قبل كل عيد
    وبعد ماعرف التكلمه بس اييب اي شي عاللحن
    اشكرج عالمرور

    --

    عهد الوداع
    اهلين عزيزتي
    احس هالالعاب ماتنفع نلعبها ويا الصغريه في وقتنا الحالي
    هم مب شراتنا
    قبل نحب نراكض
    وشرطه حرامي وهالسوالف
    الحين اغلبيتهم يتيمعون ويا عيال عمهم ويسيرون في الفريج ويدورون لهم اي شي يلتهون به
    ولازم واحد منهم راد وهو يارح عمره ولا مزاعلين

    --

    العجيبه

    طفله غبيه O.o
    يا حليلج
    انا كنت استمتع يوم اغني

    ماحيد اللعبه الي رمستي عنها
    بس اي شي كنا نلعبه كان حلو ويسلينا
    لول
    واهم شي الضرايب في النهايه

    احيد لعبة black shoe
    ههههههه اسمينا نتظارب
    وانته اصلا بالعمد دست ريولي قوي
    والخ الخ الخ


    العفو عزيزتي
    سعدت بتواجدج

    --

    الاسطوري
    الموضوع يحلى بوجودكم واضافاتكم
    صدقك العاب الحين غير عن قبل
    قبل حتى ولو ماكانت عندنا وااايد اشيا نلعب بها
    بس نبتكر اي شي
    وحلاتها ويا اليمعه
    نودر كل شي ونتوجه للعب

    في العاب كثيره ناستنها
    والعاب كثيره مالعبتها
    لان تقريبا كنت اصغر وحده من الصغاريه
    فاللي سبقوني لحقو على هذي الالعاب

    بكون سعيده جدا باضفتك وقراءة مواقفك الطفوليه ^_^

    --

    عنود الريف
    ههههههه
    خشششمج يالغلا
    اقربي

    افا عليج شو سوري بعد
    الموضوع موضوعكم حبيبتي
    وحياج في اي وقت
    والموضوع بدون وجودكم ماله طعم

    هيـــــــــــه ذكرتيني بوقعت الحرب
    ههههههه
    اسمي الركض لاعب دور في هاللعبه
    اغلبية العابنا كانت عالركض
    انته سريع مابتخسر
    دز الي عدالك والي وراك وفل عنه

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. معنى نشيدة .. طاق طاق طاقية
    بواسطة بن دبي في المنتدى واحة القصص و الحكايات
    مشاركات: 0
    آخر مشاركة: 18-02-04 ||, 07:45 PM
  2. معنى لعبه.. طاق طاق طاقية ؟؟
    بواسطة روميو بوظبي في المنتدى واحة الأجداد و التراث
    مشاركات: 3
    آخر مشاركة: 04-12-03 ||, 05:14 PM
  3. ســــــــر طاق طاق طاقيه
    بواسطة ميره في المنتدى واحة الأجداد و التراث
    مشاركات: 9
    آخر مشاركة: 07-11-02 ||, 12:18 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •