طاق طاق طاقيه
السلام عليكم والرحمه
شحااااالكم ؟
ان شاء الله طيبين
استريحو
بلاكم زايغين ؟
ماتحبون تذكرون ايام الطفوله
جان ازعل
ليتها تعووود والله
كنا بريئين نسوي الي نباه مافي شي اسمه عيب ومنقود ولا حرام
نلعب في الحوي
في الفريج > حدي جدام الباب
يوم يبنون اسير اوقف عالرمله الي برع
اطالع السيايير والعب بالكنكري وارد
يطولي بعماركم
من كمن يوم وانا اغني عمي ابو كبش
عد لين 11 ، واحد ثنين ثلاث اربع .......... الخ
هذي كانت كلمات لأغانينا الي كنا نرددها ونحن صغار
كلمات حلوه مفعمه بالحيويه والنشاط والبرائه
كلمات قد تكون مضحكه في بعض الاحيان
على سبيل المثال
طاق طاق طاقيه
رين رين يا جرس
والثلعلب فات فات
في ذيله سبع لفات
والدبه طاحت في البير
صاحبها صاحب خنزير ( احم انا ميخصني)
شو سالفة هالاغنيه ؟
ومتى نغنيها ؟
نتيمع نحن الصغاريه
ونيلس على شكل دائري
ونشل قحفية (الي يلبسونها تحت الغتره) واحد من الاولاد او اي خلقه او اي شي ثاني بس غالبا اتكون قحفيه بيضه
ونختار واحد من الصغاريه عسب يدور على الحلقه الي مسوينها
يركض ويردد هذي الاغنيه ويكون ماسك بالقحفيه
ولازم يحطها ورا ظهر حد من الي يالس
طبعا في هذه الاثناء عيونا تكون مسكره
وبعد مايحط القحفيه يقول:
احدى منكم تحدثو تحدثو
يالله يام الشعر طويل
بصي وراكي اهو المنديل
وكل واحد / وحده يـ صد وراه عسب يشوف اذا المنديل وراه ولا
والشخص الي يحصلها وراه يقوم ويلحق الشخص الي حطاها
ولازم يزخه
اذا ما زخه
هو لازم ياخذ مكانه ويدور عالحلقه
==
باص باص بصينا
اليوم العيد تعشينا
تعشينا فاصوليا
واللحمه المشويه
ثنين من الصغاريه يمسكون ايد بعض
وكل واحد يكون مجابل الثاني
ونحن نمشي من بينهم " تحت اياديهم "
واول مايوصلون لكلمة اللحمه المشويه يزخون الشخص الي وصل عندهم
ويسئلونه انته شو تبا
الحصان الذهبي
ولا العروس الذهبيه
وبعد مايختار يسير عند فريقه
ويوقف وراه
يعني مثلا عبود هو الحصان الذهبي والولد اختار الحصان بيوقف وراه
ويت وحده واختارت الحصان بعد توقف ورا عبود
لين مايخصلون ويشوفون اي فريق صاحب اكبر عدد من الصغاريه وهم الي يفوزون
اذكر ايامي
دايما يوم يزخوني يعفصوني ماعرف ليش !
==
تك تك تك
من عند الباب ؟
انا الوالي
شو بدّك ؟
بدي بيضه
شو لونها ؟
لونها ........ يختار اللون الي يباه
طبعا قبل لا ايي الوالي
نحن نتيمع وكل واحد منا يختار اللون الي يباه
مثلا
ساروه مختاره اللون الاحمر
والوالي قال انا ابا لون احمر
تطلع سويره وتربع
وهو يربع وراها
لين مايزخها
بس هيه لازم ترد البيت قبل لا يزخها
بس اذا زخاها هيه بتدور مكانه
والوالي بياخذ مكانها
يوم كان ايي الدور علي وواحد منهم يربع وراي
غربلات بليسهم
كانو يمجعون شعري
عشان يزخوني بسرعه
==
الحول
مكان الامان لنا كلنا
خاصه لي
من ما اوصل له على طول راسي يدق فيه
عسب اتأكد اني وصلت
الحول = ايدار >> بيتنا
متى نستخدم الحول؟
في لعبة كوك لحق او البعض يسميها بكوك لاحق
سلّوم يوقف عند الحول
ويعد من 1 لين 10
وبعدين ينهد
قصدي يربع ورانا
ونحن لازم نشرد
واذا وصلنا الحول مايروم يزخنا
والشخص الي يزخه يسحبه ويخليه عنده
==
ان شاء الله استمتعتو
من زمان مانزلت مواضيع فيها رمسه وايد
فإذا الافكار مش مرتبطه اعذروني
وان شاء الله لي عوده عشان اكمل باجي الالعاب الي كنت العبها
واكيد ما استغنا عن اضافاتكم
ومواقفكم الحلوه الي صارت في صغركم
كل الود
بنت الدلع
ويا مرحبا
رد مع اقتباس
ليكون يقصوون علينا
اياااااااااااااااااام
! ..
المشاركة الأصلية كتبت بواسطة قرموشة
>> وينج ياعنود الريف
عااد ما ادري منو الصح ومنو الغلط .. المهم كنا نستانس ونحن نلعبهن ... 
) ع الشـيره
مواقع النشر (المفضلة)