خطوات التلوين المـائي

[عمة العيم]

أنامل
ههههه ياعيني عالرسامه يالله راويني شي من فنج الفنان المتفنن

والله ماروم افيدج بشي لان روحي ماعرف في المائيه....اعتقد المحاق مابيقصر وياج

حياج الله
____________

محاقنا
لازم عالنغزات يعني ضروريه خخخخخخ

انا قلت لك وين تسير ليش بعدك ماسرت؟

تتريا اييب لك عبدالقادر الريس؟؟؟

(^_^)
...

نجمة دبي- كلكلوش-الدلوعه- تحفه-هواجيس مشتاق-قرموشه-الم-

تسلمون عالمشاهده (^_^)

....

[أنامل قلب]

أخوي المحاق المشتعل ..

هيه صح معروف ان المائي يستخدم فيه الفرش الناعمه ..
من جي سألت ..

لأني لمن كنت ارسم بالمائي " احم بحضور خبيرة الرسم " كنت استخدم هالنوع من الفرش لللخلفيات
والمساحات الكبيرة ..
أما بالنسبة للعناصراللي ممكن تكون دقيقة " بحدودها " استخدم الميبس ..
لأن اللوحة فعلا تخترب لمن الالوان تمزج بمواضع غير مرغوب ابها التداخل ..
وأصير جي ..
يعني الرسم بالميبس بيكون اسهل بتلوين العناصر بحدودها خاصة لو بغينا اللون يظهر بدرجة غامجة .. وتأثير أبرز عن بقية اللوحة ..
يعني مثلا أحيد مره فريت لوحة تعبت عليها وراسمه العناصر بالرصاص من خاطري .. واستخدمت فيه
الجبس وقسمت وخبصت وتفننت " احم أونه " .. بس مادري ليش دق براسي الونها بالمائي ..
مالقيت نفسي إلا أخربها ومن الخاطر بعد .. وصارت اللوحة وع .. الله لايراويكم ..
وماكنت اقدر افلح فيه " المائي " الا بمساعدات من ولية أمري " بالرسم " خخخ
ياليتها ترجعلي .. احليلها ..

بس يبالي أجرب بهالفتره جان فضيت ..
وبالنسبة لشرحك أشكرك عليه جدا .. وفعلا أفدت به خاصة لكونها كانت مرفقه بصورة ..
لأني أفهم بالنظر أكثر من الرمسه .. مع عدم تقليل أهمية الكلام والشرح طبعا ..
واللوحة ماشاء الله عليها .. مادري كيف صايرة ضبابية .. والتداخل اللي بالخلفية حلو وهاديء
بالوانه الفاتحه .. ومائية من الخاطر ..

يجزاك ربي كل خير عردك وشرحك .. وجعله بميزان حسناتك .. برحمته ..
والسموحة لأن شكلي حولت الموضوع لنقاش ؟!؟!

اممم .. واذا مر عبالي شي من المشاكل اللي لاقيتها اثناء بعض المحاولات الفاشلة .. فباذن الرحمن بستفسر ومنكم الفايده ..
وبرز فيسي دوم ..
وانا شو ورايه .. ساحة كامله جدامي محورها الرسم .. وناسة خخخ
وآسفة ..

........................
احترامي لك أخي ..

[أنامل قلب]

عزيزتي عمة العيم ..
ياما أحش فيج بالدوام
وخخخ

احليلي طبعا رسامه بفكري وخاطري وحبي لهالابداع وهالفن >> شو تبين بالضبط خخ

خلني أقص عروحي شوي وبلا فضايح >> (( يالله راويني شي من فنج الفنان المتفنن ))
كافي يوم إني انفضحت مره بعد تبيني أكررها

وكافي رسومج اللي بالواحات كدروس لي ..
ويبالي ازورلي شي من رسومج خاصة إني بديت الرسم بالنقل ..
مع ان الوضع معاج أصعب من الصعب ..

بس اللي ماقدر عليه اليوم بقدر عليه باجر اكيد ..
وصدق جان فضيت بنقل أي صورة تعيبني رسما .. وبطرحها عساس آخذ رايكم بطرق الابتداء بالتلوين وغيره ..
وان شاء الله أفضى ..


......................................
ربي يوفقج ويحفظج برحمته ..
ولج مني امتناني وودي ..
إختج أنامل قلب ..