عندي كلام .. وخاطري أقوله !

[الارستقراطيه]

المزوحي ،،

((وعسى ان تكرهوا شيئاً وهو خير لكم ))

كلنا نتمنى الزين لنفسنا ولأهلنا ، لكن هل كل الي نتمناه يصير ،، هاي حال الدنيا،، ويمكن تكون هالبنية زينه ،، وانته حط في بالك انه كل شي مكتوب ومقدر ،، واذا رب العالمين رايد انه ياخذ هالبنية صدقني لو شو ما سويتو عشان تمنعونه بعد بياخذها ،، وعلى فكرة ما في شي يغير القضاء والقدر غير الدعااااااء
اعرف اني ما قدرت افيدك بس فوض امرك لله والله يهون عليكم ،، والسموحة

[المزوحي]

الارستقراطيه

نحن مانذم البنت كثر ماننصحه ياخذ بنت البلاد .. هو يقول المشاكل حتى تكون بين بنت البلاد

صح كلامه .. لكن ليش الواحد يخلق له مشاكل .. بس بسبب إنه كل واحد من مكان ..

بعدين ماسمعتي من اسبوع موضوع في الإذاعة .. واحد يقول أمي مواطنة وأبويه سوري

وطبعا أكثر من 15 سنة وماعطونا الجواز .. وأبوه سار يتزوج سوريه ..قال أمكم مواطنه وعندها

فلوووس .. شوفي النظهر كيف بس ! وهو يبغي يخطب بنت خالته ( مواطنه ) رفضوا لأنه أبوه سوري

وطبعا رمسته عدله ..

انا ما أذم البنت .. لكن الواحد يدخل في مشاكل في غنى عنها ...

وإن شاء الله يصرف النظر عنها ...

[دهن العود]

::

المـزوحـي..

انزيـن قـولـه شـوي يفكر بـعقل

غيـر انه هـو يحبـها.. خـله يفـكر شـوي بالمسـتقبل

حيـاة عيـاله كيـف بتكـون.!

الاب مواطـن والام وافـدهـ.!

خليـه شوي يفكـر بالمستقبـل..


لـي عــوودهـ


:::

[المزوحي]

قلنا له هالرمسه ..

وقلت له الحين ماتشوف شي غيرها .. ولأنه تباها ... تحس الكل واقف ضدك ونحن مانحبك

وندخل بحياتك وتتحرانا مانبغي ساعدتك .. شو مصلحتنا نخرب عليك ؟!!

نحن نقولك ..لأنه عقب بتستوعب ...

يقوووول إذا جبرتوني اتزوج مواطنه بعرس عليها ..

نحن ماجبرناه ياخذ وحده معينه ... اللهم تكون مواطنه ومن نفس المواخيذ ..

[دهن العود]

::

هلا مـزوحـي

هـمممـ.. مب مشكـلهـ.. لاتيأس

وحاول ويـاهـ لو مية مره ماعليـه

ويـاريت لو تخبـرنا شـو بيستـوي ويـاكـ



:::

[المزوحي]

امويم هاليومين .. والله اقول الواحد يدوس على قلبه ويزعل شهر ولايندم عقب ويزعل دهر ..

[نور الإيمان]

الله يعينكم الصراحة ...

بس ان عاند و يباها بياخذها خير شر !!

و اتمنى انه يفكر مليون مرة قبل لا يتخذ قرار يندم عليه ندم ع قد شعر راسه!!

المفروض يفكر لعقب شو بيصير و كيف!!

يعني عقب .. بيكون تحت صرفة اهلها .. " بدي أروح الشام و ازور إمي " ولا " ابن خالتو مريض و بدو فلوس " ولا " ما بدي اتحجب ... و انا تربياتي هيك مش متلكون كلو اسود بأسود "!!

ترا العادات مختلفة و عوار الراس بزيادة!!

هي السالفة مب الظن بالسوء ف الناس ... لكن الحذر فقط

[نور الإيمان]

غير جي ...

خله يصلي الإستخارة .. ان ما صلى و يتعوذ من الشيطان الرجيم و يطلب من الرحمن الرحيم ان ييسر له اموره ..

و مب حلوة ياخذ وحدة و الأهل كلهم مب مقتنعين فيها !! كيف هي بتعيش معاكم؟؟ و كيف هو بيكون!!

يعني ما فكر بعياله .. كيف حياتهم عقب!!

احنا ما نقول لأنها وافدة نقوم نتهجم عليها .. لا .. لكن حلاة الثوب رقعته منه و فيه ...

يعني ان ياخذ وحدة و لو يحبها و بنت البلاد ما عليه خلاف .. اما وافدة و غير جي الأهل مب راضيين اهني العلة كلها ..

ادعوا الله .. و ان شاء الله يتراجع

[المزوحي]

نور الايمان

اليوم حشر البيت ... نحن لأنه رافضينها ... مب راضين نخطبها له ...

مليوووووووون مره قلنا له .. نحن مانقصد هي سيئة لكن العادات غير وما بعيبها شي عقب

وبتدور ابسط الاشياء وبتسوي مشاكل .. يقول لاااا نحن متافهمين .. ماكمل سنة من عرفها

وهو متخبل يبغيها .. نور الايمان ... هم يفتكرون الحب كل شي ...

ومن جيه نحن ننصحه لكن يقول هاااي حياتي ....

[المزوحي]

نور الايمان ... نفس الكلام اللي تقولينه قايلنه له قبل ..

قال: ليش ترفضونها وتظنون بالناس

قلنا : نحن مانظن فيها ..

بس محد راضي يحضر عرسه .. وكفايه إنه الأم مش راضيه ...

يعني معقوله نحن مانبغي سعادته عسب يفكر بهذا المنطق ..

هل نحن متعمدين نرفض عسب نخرب عليه ...

انا اللي اعنيه .. إنه يدوووووس على قلبه ويزعل شويه ولا يتوهق بها ويتم ندمان طول عمره ..

ومع هذا عطيناه مليوم مثال على وايدين نعرفهم متبهدلين ومن بينهم أخويه الكبير

لكن مب راضي يقتنع ويقول انا غير

بس في خاطري اعرف شو اللي غير ؟؟؟؟

[نور الإيمان]

غير بأنه يحبها وايد لدرجة انه ما يشوف شي غيرها هي!!

هذا هو الغير ..

و انا معاك انه يدوس على قلبه شهر ولا انه يندم طول العمر ...

هو يعاند الحين .. و اللي يعاند يباله مسايسه شوي ..

و غير جي قولوله .. كيف بتعرس او تسوي حفلة زفاف و محد من الأهل بيحضر!!

و غير جي لو هي صدق تحبه و تحبه و تحبه ما كانت اصلا و من اساسه بتطيع ان ترتبط فيه دام انه امه مب موافقة .. اما اذا ما هامنها غيره هو ومب مسوية اي اعتبار لأهله .. فاسمح لي اقول انها انسانة مش صالحة!! هاي قمة الأنانية ..

يعني ما فكرت - هي الزوجة المزعومة - كيف راح تعيش مع زوج يفكر ليل و نهار بأمه و اهله!! و ان كان راح يكابر جدامها او مع نفسه بأنه اهله مب هامينه ...

و غير جي عيالها .. ما يبون يتربون مع اعمامهم و عماتهم !!؟؟؟

قول له هالكلام ..

قول له : انت قول لها انه الأهل مب موافقين و شوف ردة فعلها ..

اظني انها تعرف .. و المفروض تحاول تهدي اللعب شوي!!

ان كانت تباه بتقول له اهلك ثم انا .. و هذا هو الصح

[المزوحي]

نور الايمان

نحن كلمناه بكل الطرق وبكل أساوب .. تعرفين يوم تقولين مايسمع ومايشوف، هذا هو حاله الحين

قلت له محد بيحضر عرسك وحتى لو فكرت تملج بس ... أمك مب راضيه ولو هي قالت سير

أخطبها أنا مايخصني .. كيف بعيش يومه ومحد بيقوله مبروك ... حتى لو هو اتحدانا الحين

بيتم متشتت وأحس يكون متوتر يوم بيعيش وياها لأنه الحين هو يعيش ويانا مشكلة عسب

اللي يباها وعقب بيعيش مشكلو وياها لأنه نحن مب راضين ...

ياما نحن شفنا شغلات في الدنيا نبغيها ... لكن نجبر أنفسنا على الاستقامة ... ونصلب أعمارنا

وهي عرفت إنه أمه مب راضيه، بس ماعندها كرامه ... تفرض نفسها والحين طالبه تتعرف

علينا ...

[قرموشة]

^
أسميهـا قـويـه !
الله يعينكـم بس
والله يهـدي أخـوكـم ويـصـلح بالـه ويفجج عيونـه عـ الصـح


ذكـرتوني بـولـد خـال أبويـه
خـذ لـه سـوريـه ومـاكمـلت 3 شهـور وطلقهـــااا

[المزوحي]

يابوج زين إنه طلقها وإلا الغربااال عقب

الله يبعدها يااااااااااااارب ياااااااااارب الله يبعدها عنه يااارب

زلزال في البيت منها .. مادري عاد مني هي ؟؟؟!!

اعنبوا الواحد يشوف في الدنيا بنااااااااات مب جيه .. الله يبعدها عنه ياااااااااارب

قرموشة .. تلعوزنا ...

[نور الإيمان]

هههههههههههههههه

ويهها لوح والله!!!

لا إله إلا الله ..

شقد لاعبة بمخه ...

بعد تموا حاولوا .. و اللي الله كاتبنه بيصير ..

و ما نقول غير قدر الله و ما شاء فعل ..