غـصّـات مـواطـن !

[مزايا]

ومثل ما نفكّر كيف نزيد نسبتنا.. لازم نفكّر كيف نقلل من هالوافدين

نسبــة الوافدين اللي عدنا مستحيل تقل
الايد الوحده ماتصفق

الكل يشتكي من الوافدين إنه نسبتهم وايده فالبلااد
بس لو تشــوف هم اللي قايمين بها
يعني مستحيل تلقى مواااطن مكان وافد ومايتحرطم
دوم ترا يقوول انا اشتغل هالشــغله ؟! عيل شو فايدة الوافدين

اذا كانوا العرب راضين.. لكن الأهم هالأجانب اللي موصخين الدنيا

كيف موصخين الدنيا أبغي اعرف

[مزايا]

الهندي في بلاده ما يسوق سيكل.. ايي هني
يطلع ليسن وياخذ له احسن سياره !!

بتعبــه وشقــاه

مب عشان سواد عيونه عاطينه هالامتيازات

[إسهر معي ليله]

بتعبــه وشقــاه

مب عشان سواد عيونه عاطينه هالامتيازات

على عيني وراسي،، بس أنا قلت هالكلام رد على انهم يحسدونا

يعني في بلادهم ما يحصلون اللي محصلينه هني وبعد حاسدينا
وحاقدين عالمواطنين... فهمتي

[ملاك الروووح]

::

[ اسهر معـــي ليله .. ]

عشره على عشره يا عمــــي




والله مافي شي ابلاش الحين .. والمواطن ما بيستثنونه للأسف من أي شي ..

حاله حال غيره .. ويمكن أردى !!

:

اسمحوا لي أتدخل في الحوار اللي يدور بينك وبين مزايا

اذا ع سالفة الهنود .. ترى مش الكل .. يحصل اللي حصله بتعبه وشقاه يا مزايا ..

وأكبر دليل الهنديه اللي توظفت ف ديوا .. وسوت الضجه الكبيره ..

اترقت ف سنه وحده 6 مرات ..!!!

وراتبها من عقب ما كان 6 آلا درهم تقريباً صك ال ثلاثين يمكن !!

وهالشي كان سبب في استقالة وايد موظفين من ديوا ..

لأنهم كانوا أجدر بالترقيات .. والامتيازات اللي حصلتها هي ..

وشهادتهم تعادل شهادتها .. هذا اذا استثنينا عامل الخبره بعد من الموضوع ..!



لكن وين اللي يقدر .. !!

::

وبالنسبه للاجانب أنا مع اسهر معي ليله في اللي قاله ..!

أحس البلاد الحين مش أمان شرات قبل ..

والواحد صار يخاف على عمره وعلى عياله من اللي قاعد يستوي ..!

وأنا اللي يقهرني .. الامتيازات والبدلات اللي يحصلها الأجنبي في بلادنا ..

أحسن سكن .. وأحسن سياره .. وأحسن مستشفيات يتعالج فيها .. وأحسن مدارس وأحسن جامعات

يدرسون فيها عياله .. والمواطن وين راح ؟!

ليش ما يقدمون هالأشيا كلها للمواطنين ؟!

مع العلم انه شهادتهم شرات شهادة الأجنبي .. لكن اللي يفرق هو الجنسيه اللي شايلنها !!

يعني يبون الناس يهاجرون أمريكا ولا كندا ( شرات ما قاعد يصير الحين ) عشان ياخذون الجنسيه

ويضمنون حقوقهم !! ويتنكرون للدوله اللي عاشوا وتربوا فيها ..!!

::

واذا ع سالفة الزواج ..

وين بتحصلين وحده ترضى بانه ريلها ياخذ عليها 3 !!

ييبي لي 10 من هالحريم .. وأنا بحل لج الخلل في التركيبه السكانيه !!

:

وبعدين شرات ما قال اسهر .. مع غلاء المعيشه هذي .. وغلاء المهور ..

الواحد وين بيلحق .. يفتح بدل البيت 4 .. ويصرف عليهم .. ويتكفل بمصاريفهم ..

الواحد يالله يالله قادر انه يعرس .. ويفتح له بيت ..!

وفوق هذا راص على عمره رص ..

وانتي تبينه ياخذ أربع !!

جان زين لو السالفه كانت جيه هينه ..

كنا بنحل على الأقل أزمة العنوسه عندنا ..!

::

ما نقول غير الله المستعان ..

والله يستر من الأيام اليايه ..!

[الارستقراطيه]

اسهر معي ليله،،

جرب وروح بلدية بوظبي ،، بتحس انك داخل بلدية الخرطوم في السودان او مقديشو في الصومال ، من كثر ما هالجنسيتين محتلين البلدية،،
اتذكر اني داومت في البلدية شهرين تقريبا (في الصيف ) ، واحد قال لي انه الشاب في السوادن قبل لا يتخرج من الجامعة تكون وظيفته محجوزة في بلدية بوظبي
ويقول لك اذا عرف السبب بطل العجب
((بدون ما ادخل في التفاصيل واهل بوظبي اكيد عارفين ليش ))
ونحن المواطينن يوم نسير نقدم يقولون عندنا اكتفاء !!
ووزارة التربية وحده من ربيعاتي سايرة تقدم عندهم تخيل شو قالوا لها
(( اونه نحن الحين ما نستقبل طلبات المواطنين ، الحين نسوي مقابلات حق الوافدين ))

وعن غلاء الاسعار ،، يقول لك البترول ناوين يسوون الجلن ب11 درهم ،،
(( اخر شي ببيع سيارتي وبشتري مخمة وبطير عليها))
بصراحة بتنفعني بخم فيها البيت وبطير عليها
المشكلة انه التجار كلهم من هوامير الدولة ، يعني ارتفع عليهم السعر ان شاء الله خمسين مره ما بيأثر لان عندهم خير ، ونسوا انه عدنا ذوي الدخل المتوسط ، الي لين نص الشهر ياخذون على الحساب من الدكان ، والله العظيم في ناس ما يسيرون الجمعيات التعاونية ويتعاملون مع الدكاكين لانه في الجمعية بيضطرون يدفعون كاش اما راعي الدكان ممكن يتريا لين اول الشهر !!

احس لو بتم اتكلم لين باجر بعد ما بخلص ،، وفي اشياء ابغي اكتبها بس متلخبطه شويه
متابعين للموضوع ويزاك الله خير ،،

[إسهر معي ليله]

نسبــة الوافدين اللي عدنا مستحيل تقل
الايد الوحده ماتصفق

الكل يشتكي من الوافدين إنه نسبتهم وايده فالبلااد
بس لو تشــوف هم اللي قايمين بها
يعني مستحيل تلقى مواااطن مكان وافد ومايتحرطم
دوم ترا يقوول انا اشتغل هالشــغله ؟! عيل شو فايدة الوافدين

في هاي صدقتي،، الوافدين قايمين بوايد أشيا،، بس ليش عددهم يزيد؟؟

اول شي المشاريع اللي تستوي تجذب الناس اييون يعيشون ويشتغلون عندنا

وثاني شي هالمشاريع تطلب شركات أكثر وأكثر وبالتالي تزيد العماله عندنا

فـ عشان جيه كنت أقول بسنا مشاريع.. نكتفي باللي عندنا

كيف موصخين الدنيا أبغي اعرف

أول شي أنا قلت ( اذا كانوا عرب راضين ) ،، يحني احنا راضين اذا كانوا عرب
أبلة عطيات مستويه

بقولج كيف موصخين الدنيا ،،

جرايم قمنا نشوفها وغريبه وايد علينا،، والسبب هالأجانب

على أيام قبل كان الأجنبي يوم ايي يخبرونه شو في هالبــلاد
وشو لازم يسوي وكيف يحترم عادات أهل هالبلد،، اما احين
مافيه هالشي وصارت الدنيا فوضى.. مفاصيـخ وسكــارى في
الشوارع،، واحضان وبوس جدام الكل وما محشمين حد

واستغرب منهم !.. ما تعرفون شو الحرام،، فـ ليش مستعيلين
وتسوون جدام الناس .. روحوا بيوتكم وسووا اللي تبونه

شوفي الوصخ والبلاوي اللي تستوي في سكن العزابيّه،،

الدنيا وايد تغيّرت،، مب شرات قبل والله
والله يستر من اللي ياي عقب . . .

[مزايا]

في هاي صدقتي،، الوافدين قايمين بوايد أشيا،، بس ليش عددهم يزيد؟؟

العلاقه طرديه بين العمال والمشاريع يعني دام في مشاريع يديده بتقوم لازم عماله وافده بتزيد


النفس البشريه طماعه وتبغي الزياده ف مستحيل يرضون بهالقدر من المشاريع مع إنه وصلوا للي يبونه من ناحيه السمعه والشهره بس مين يسمع

مفاصيـخ وسكــارى في
الشوارع،، واحضان وبوس جدام الكل وما محشمين حد

مابغي اطلع من موضوع وادخل ف موضوع ثاني
بس عيال البلاد مب مقصرين بعد بس هم من تحت لين تحت
طبعا مب الكل عن ماتسرطوني بعد وتقولون لاتعممين
انا مادافع عنهم بعد

وأكبر دليل الهنديه اللي توظفت ف ديوا .. وسوت الضجه الكبيره ..

انا ماسمعت عنها للأسف

وين بتحصلين وحده ترضى بانه ريلها ياخذ عليها 3 !!

ب صراحه انا ارضى بشرط عديلاتي يكونن ربيعاتي
عشان نقضي على الريل
لووووول

ملاك الروح
انا وياج ف اللي قلتيه
بس دام إنه مافي حل لهالـ غصّه الافضل ننساها ولانعتبرها غصه

[إسهر معي ليله]

العلاقه طرديه بين العمال والمشاريع يعني دام في مشاريع يديده بتقوم لازم عماله وافده بتزيد
النفس البشريه طماعه وتبغي الزياده ف مستحيل يرضون بهالقدر من المشاريع مع إنه وصلوا للي يبونه من ناحيه السمعه والشهره بس مين يسمع

ايواااا.. هاللي ابا اوصل له

مابغي اطلع من موضوع وادخل ف موضوع ثاني
بس عيال البلاد مب مقصرين بعد بس هم من تحت لين تحت
طبعا مب الكل عن ماتسرطوني بعد وتقولون لاتعممين
انا مادافع عنهم بعد

عيال البلاد لو سووا شي وانزخوا راحوا فيها
بس هذيل محد يقولهم شي.. والقانون لـ صالحهم الا اذا وايد مصخوها طبعاً
بس في اماكن مثل هالمشاريع اليديده وخصوصاً تكون خاصه وتابعه لـ شركه
معينه.. اللي ساكنين هناك ياخذون راحتهم عالآخر !

أعطيج مثال بسيط.. يوم من الأيام سيري جميرا بيتش ولا مدينة جميرا
وشوفي اللي عالبحر اللي تابع لهم،، ولا جنّه في دبي.. جنج في فرنسا
تحصلينهم " ربي كما خلقتني "

وخذي راحتج.. محد يسرطج هني،، طعمج مر
وكل واحد فينا يعبر عن رايه واللي في خاطره

انا وياج ف اللي قلتيه
بس دام إنه مافي حل لهالـ غصّه الافضل ننساها ولانعتبرها غصه

لااااااااااااااازم تطلعين شي،،، لا ما بننساها،، ترى كل ما طنشنا
اكثر كل ما مصخت أكثر

على أيام قبل الشوّاب اذا شافوا واحد و وحده فالشارع يتماصخون
يهزبونهم ولا يرمسونهم.. اما احنا نشوف ونسكت.. فـ خذوا راحتهم بزياده

[مزايا]

أعطيج مثال بسيط.. يوم من الأيام سيري جميرا بيتش ولا مدينة جميرا
وشوفي اللي عالبحر اللي تابع لهم،، ولا جنّه في دبي.. جنج في فرنسا
تحصلينهم " ربي كما خلقتني "

شايفـه وعايفه ولايعه جبدي بعد
بس لو وحده سارت فرنسا بيقولون لها هناك ليش لابسه شيله ومغطيه شعرج
وليش محتشمه بلبسج ؟ لا طبعا
مثل مايعاملونا ف بلادهم يبونا نعاملهم بنفس الطريقه ف بلادنا
مش معناته إنه عايبني اللي يستوي بس هذا حقهم
احس شي اسكت شكلي بديت اخورها صح

[إسهر معي ليله]

مزايا

شايفـه وعايفه ولايعه جبدي بعد
بس لو وحده سارت فرنسا بيقولون لها هناك ليش لابسه شيله ومغطيه شعرج
وليش محتشمه بلبسج ؟ لا طبعا
مثل مايعاملونا ف بلادهم يبونا نعاملهم بنفس الطريقه ف بلادنا
مش معناته إنه عايبني اللي يستوي بس هذا حقهم
احس شي اسكت شكلي بديت اخورها صح

افففف شو ما قمتي تخورين

أول شي انا كـ مسلم لي الحق افرض عاداتي عالكل حتى لــو
في دولة كافره.. فـ ما بالج بدولتي المسلمه؟ انا ما يهمني هم
كيف يعاملوني.. المهم انا كيف اخليهم يحترموني

وإذا في فرنسا ما يقولون شي،، عيل شو عن بعـــــض
المدارس والجامعات واماكن العمل اللي منعوا الحرمه
فيها تلبس حجاب !؟

اذا حكومة فرنسا عطت الحريّه للكل.. تراها عطت الحريّه
للشركات والمؤسسات،، الأحزاب والجماعات والديانات،،
وبالتالي يحق لأي واحد من هذيل يمنع المتحجبات فــــــي
اماكن تابعه له.. لأنه له الحريه في هالشي،، صح ولا لاء؟


انتي تقولين يبون معامله شرات اللي يلقونها في بلادهم،، انزين...
فيه جنسيات ما يعيبهم اذا دفعوا للعلاج ويحتجون على بعض الرسوم
رغم انه لو مواطن اماراتي في بلادهم،، كان بيحلم انه يحصل شي
بلاش.. بيدفعونه اكثر من اللي هم يدفعونه هني !

أخيراً.. التفصخ عالبحر والحركات الماصخه مب مثال للمعامله بالمثل !
هاي عادات دوله،، وحشمة شعب.. المفروض أي زائر يتقيّد بها ويحترم
شعب الدولة نفسها



::
::

الارستقراطيه

أشكرج عـ الرد،، وبوظبي معروفه انها اكثر اماره فيها
هالسوالف.. وصدقتي،، فيه ناس من اول يوم في الشهر
تخلص فلوسهم،، عالمصاريف، الأقساط والأيجار وغيره..

واحين اللي ما عنده مصدر دخل ثاني مستحيل يعيش على راتبه

[ملاك الروووح]

انا ماسمعت عنها للأسف


غريبه ..!

شهرتها وصلت لين الهند وانتي ما سمعتي عنها لوووول !!

لا صج والله .. وايد تكلموا عنها وسووا زوبعه ..

وتكلموا عن الموضوع في الجريده .. وطرشوا ايميلات ..

و وايدين قدموا استقالتهم ف ديوا بسبتها ..!

لانهم حسوا انهم انظلموا ..

ب صراحه انا ارضى بشرط عديلاتي يكونن ربيعاتي
عشان نقضي على الريل
لووووول

لووووووووول

صدقيني اللي ايده في الماي مب شرات اللي ايده في النار ..

يمكن انتي تقولين الحين انه عادي عندج .. بس باجر لو صارت السالفه جد ..

بتحسينها صعبه وثجيله عالنفس .. انه حد يشاركج ريلج .. ومب وحده بس .. لا 3 !

لووووووول بس عيبتني نقضي عالريل .. ناويه له نيه من الحين هاه

ملاك الروح
انا وياج ف اللي قلتيه
بس دام إنه مافي حل لهالـ غصّه الافضل ننساها ولانعتبرها غصه

خلينـــــا عالأقل نفضفض .. وانطلع اللي ف خاطرنا ..

مع انه محد بيسمعنا .. بس نفج حرتنا شوي ..!

:

تحياتي لج حبيبتي ..

وتقدرين تسوين تظليل حق الكلام كله مره وحده وتلونينه الغاليه ..